أبن ليل بقلم اميره أسامه

أبن_ليل
صاحبة_البطل_الواحد
أميره_اسامه
البارت الخامس.
......................
بعد ما خلصوا أكل قاموا من على السفره وراحوا على الصالون البنات جابوا التورته عشان يحتفلوا بيوسف
وقفوا جنبوا بعد ما طفوا الانوار وبدأوا يحتفلوا على ضوء الشموع دره كانت بصاله و باصه لدينا بوج ع وضربات قلبها بتزيد وڠضبها بيزيد اكتر
خلصوا احتفال وقبل ما يطفي الشمع 
طلبت منه دينا يتمنى امنيه.
دينا....استنى يا يوسف اتمنى امنيه الاول.
دره.....لااااااااا
بصولها كلهم بإستفهام
ابتسمت دره بهدوء رغم الحزن اللي مالي عينها.
دارين.....لا ليه يا مامي مش المفروض يتمنى امنيه قبل ما يطفي الشمع.

دره....اكيد بس خلينا المرادي نعمل حاجه مختلفه حاجه تكون مميزه اكتر
دينا....زي ايه يا دره
دره....يعني اني مثلا اقول انا ايه هي الامنيه اللي يوسف بيتمناها
يوسف....بإبتسامه حلو ده يلا وريني هتعرفي اللي بفكر فيه ولا لا.
دره....اطمن يا يوسف عارفه اللي بتفكر فيه كويس
ديما.....بحماس وسعاده طيب يلا يا مامي قولي ايه هي امنيه بابي
ابتسمت دره وبصتلهم ثواني وهي ساكته وبعدين بصت ليوسف.
دره.....اقول يا يوسف عن امنيتك 
يوسف.....طبعا يا روحي قولي ولو صح اوعدك اني هقول صح
دره.....يعني اول امنيه من امنياتك انك تخلص مني انا والبنات مثلا
بص يوسف لدينا وبدأو يتوتروا
البنات بصوا لبعض بإستغراب.
دارين.....مامي حضرتك بتقولي ايه
يوسف....بإرتباك اا اخلص منكم
دره.....اه يا يوسف مش دي الحقيقه
دانه....مامي انتي كويسه
يوسف.....دره في ايه انا مش فاهم حاجه
دينا....طيب انا هستأذن انا واسيبكم براحتكم
دره....لا خليكي يا دينا انتي مش غريبه 
وبعدين انتي جزء من امنيه يوسف او خلينا نقول ان الامنيه دي مشتركه بينكم
يوسف....اطلعوا يا بنات على اوضكم
دره....ليه خليهم يعرفوا بباهم بيتمنى ايه تقولهم انت يا يوسف ولا اقولهم انا ولا بلاش ايه رأيك نسكت احنا الاتنين ونسمع من دينا
يوسف.....دره تعالي معايا
دره.....لا يا يوسف انا مش هتحرك من مكاني غير لما اقول كل اللي عندي او تقوله انت
يوسف.....بنبره ڠضب بسيطه اقول ايييه انا مش فاهم انتي عايزه توصلي لايه بالظبط
دره.....كل اللي عايزه اوصله هو سؤال واحد بس ليه يا يوسف ليه تعمل فيا انا كده ده انا حبيتك اكتر من نفسي
بصلها يوسف وسكت مش عارف هي تقصد ايه معقول كل ده عشان الفلوس
دينا....دره انا همشي و هسيبكم تتكلموا براحتكم وهبقى اكلمك
دره....خليكي يا دينا انا لسه مخلصتش كلامي.
يوسف....مش لما تبقي تتكلمي كلام مفهوم الاول يا دره
دره....تحب ابدأ منين يا يوسف ابدأ من الفلوس بتاعتي اللي سحبتها من البنك وضيفتها لحسابك بالتوكيل اللي معاك ولا تحب أبدأ من نصيبي في الشركه اللي كمان خدته بيع وشراء من نفس التوكيل
بصوا البنات لبعض پصدمه
دره.....غمضت عينها بوج ع وهي بتفتكر مكالمه چاك الصبح اللي قضت عليها اكتر بعد ما عرفها ان كمان الڤيلا بقت ملك ليوسف.
دره...ولا تحب ابدأ بأخر حاجه عرفتها وهي الڤيلا اللي عايشين فيها تحت سقف واحد هي كمان خدتها
قولي يا يوسف تحب ابدأ بايه ولا ايه ولا صحيح مبقاش في حاجه ابدأ بيها بعد ما خدت كل اللي بملكه وحولته باسمك
دارين.....بحزن بابي الكلام اللي مامي بتقوله ده حقيقي
بصلها يوسف وسكت
دره....رد عليها يا يوسف رد على بنتك قولها انك عملت كل ده من ورايا ومش بس كده انت قابلت موظفين البنك وعملت لعبه عشان ميقدروش يوصلولي قولها ان الرسايل اللي وصلتني من البنك انت مسحتهم عشان معرفش بس نصيبك يا يوسف اني اعرف ونصيبك اني اقدر ارجع الرسايل اللي وصلتني بكل سهوله اصل انت مسحتهم من بره ممسحتهمش من الجهاز
يوسف.....دره انا قولتلك موضوع الفلوس ده كنت حابب اعملهالك مفجأه عشان شاركت مستثمر كبير وشغلنا كان هيتوسع اكتر
دره.....اه وانا كنت هصدقك يا يوسف لحد ما اتعرف على المستثمر بعد ما يرجع من بره بس نصيبي في الشركه والڤيلا بتاعتي دول كمان عشان توسع الشغل
يوسف.....امال عشان ايه لو على نصيبك في الشركه فا ده عشان لما نبدأ الشغل في اوراق لازم يكون فيها اسم مالك واحد بس للشركه مينفعش نحط اكتر من اسم عشان المستثمر يكون مطمن انتي عارفه ان موضوع الشړاكه هنا في امريكا بيبقى مقلق للمستثمرين ييخافو من المشاكل والڤيلا كنت ناوي اعملهالك مفجأه اتفقت مع دينا اننا نروح نسكن جنبها انا عارف انتي بتحبي دينا قد ايه
دانه.....مامي بابي شرحلك اللي حصل اكيد هو مكانش يقصد
دارين....بابي مستحيل يعمل حاجه