مملكة احفاد الطوبجي الجزء الثالث أميره أسامه

ملحمه
مملكه_الطوبجي_1
أحفاد_الطوبجي_2
مملكة_أحفاد_الطوبجي_3
أميره_أسامه
صاحبه_البطل_الواحد
البارت الخامس و العشرين 
بص زيد لصبا وابتسم بصتله صبا وابتسمت بسعاده.
زيد.....في الحقيقه منذر معاه حق انا طول عمري بحب اسم عمر وكنت نفسي لو ربنا كرمني بولد أسميه عمر كمان كنت حابب أوي يكون عندي صبا الصغيره و أسم صبا يرتبط بأسمي عالورق صبا زيد راجح الطوبجي بس صبا قررت تعمل تعديل بسيط والحقيقه انا مقدرتش اتكلم ولا أعترض بالعكس أتبسطت اوي
قرب زيد خطوه من روح وبصلها وابتسم بحب اتبسطت عشان الأسم اللي هي اختارته أكتشفت ان انا مرتبط بيه من زمان ارتباط روحي أرتباط غير عادي ارتباط مهما شرحته مستحيل يعبر عن جزء بسيط من اللي جوايا ليها

وعشان كده وافقت صبا علي الاسم وقررت انه يبقي ارتباط مؤكد علي الورق كمان ومش بس كده أسمها بالنسبالي هو حاله جميله سرحت فيها بمجرد ما نطقت الاسم ثلاثي علي بعضه لانه جمع بين شخصين في حياتي هما كل حاجه في حياتي وهما سبب نجاحي في الدنيا.
مسك زيد ايد روح وبصلها بحب طول عمري من وانا صغير كنت ديما شايف نفسي ليا ضهرين وانا في وسطهم مسنود لو في يوم حسيت اني هقع كنت بلاقي روح وابويا كل واحد فيهم ساندني و أنهارده انا اسمي أتسند بوجودكم يا احلي روح وربنا رزقني 
بروح زيد راجح
بصتله روح پصدمه وهي مبتسمه و سعيده وعينها كلها دموع
والكل في اللحظه دي هلل وسقف واتبسطوا بجد اما عن راجح فا ابتسامته كانت ظاهره علي وشه بسعاده.
حضنته روح بحب وهي دموعها نازله ومش عارفه تتكلم.
روح.....بدموع كتير عليا يا زيد
زيد....انتي اللي كتير علينا يا روح ودي اقل حاجه نعملها معاكي
ابتسمت روح و قربت من صبا حضنتها بحب
روح....ياعمري انتي يا احلي بنوته في الدنيا مش عارفه اقولك ايه
صبا....متقوليش اي حاجه يا روح ادي بس ربنا انها تاخد كل حاجه منك مش بس اسمك روح انتي عارفه انا بحبك قد ايه انا عمري في حياتي ما شوفتك مرات خالي عمري ما حسيت ان اللقب ده كفايه انتي كنتي امي اللي ربتني كنتي صحبتي واختي كنتي كل حاجه ليا معاكي يا روح انا عمري في حياتي ما حسيت اني يتيمه او عندي نقص بالعكس انتي قدرتي تسدي كل النواقص اللي ممكن احس بيها انا عمري في حياتي ما شوفت حد غي حنيتك و طيبتك عمري ما شكيت للحظه انك مش امي عمري ما شوفت خۏفك علي فيروز وفرح اقوي من خۏفك عليا طول عمرك اللي بتعمليه معاهم بتعمليه معايا حب وخوف واهتمام ونصايح وحنان ورحمه كل ده كان موجود من غير اي مقابل واسم بنتي دي اقل حاجه اقدر اقدمهالك واعبرلك بيها عن حبي يا احلي ام في الدنيا.
روح....بدموع طب بس بقي عشان كده هعيط و انكد عليكم.
ضمتها صبا وهي مبسوطه و طبطبت علي ضهرها بحنان
مراد.....والله براڤو عليكم يا ولاد وانتي ياروح يمكن كلام زيد وصبا ده جزء من كلامنا كلنا ليكي انتي عارفه غلاوتك عندنا وعارفه ان البيت ده من غيرك مش هيبقي ليه اي لزوم انتي اسم علي مسمي ياروح عشان انتي روح البيت ده روح اللمه الحلوه والترابط اللي بينا ربنا يخليكي لينا يا حبيبتي و روح الصغيره تبقي نسخه من روح الكبيره.
روح.....بدموع حبيبي يا مراد ربنا يخليكم انتوا ليا عشان لولا وجودكم معايا وفي حياتي انا كان ممكن ابقي حد تاني لو في حد ليه الفضل في اني اكون روح اللي تستحق الكلام الحلو ده يبقي انتوا لان وجودكم في حياتي فرق كتير اوي انتوا عيلتي اللي كبرت قدام عيني عيلتي اللي مليش غيرها في الدنيا ربنا ما يحرمني من وجودكم يا حبايبي اما عن روح الصغيره بقي اتمني انهي تكون احسن واحسن من روح الكبيره 
وكفايه بقي احسن اعيط
جلال....بضحك بص لراجح ابسط يا عم بقي عندك روح الصغيره وروح الكبيره
راجح.....اهي دي بقي احلي حاجه حصلت ياواد يا جلال
جلال....بضحك مبسوط انت بروح الصغيره ها
راجح....طبعا بص بحب لروح ده ياريت الدنيا كلها تبقي روح ولو ان الصفات الحلوه لو اتجمعت كلها مش هتيجي حاجه في روح الاصليه بتاعتي.
مراد....ايوووووه بقي
سالم....ما براحه علينا يا باشا مش حملك احنا.
كاريمان....ربنا يخليكم لبعض وديما في صحه وسعاده.
الجميع....اللهم امين
جنه.....قربت من التورته وكتبت في جزء من الاتنين بالنوتيلا اسم روح يعني كده روح وعمر زي ما منذر قال يا زيد خلاص
زيد.....بضحك انتي مستعجله ايه.
زهره....بضحك انت مش شايفها ماسكه النوتيلا وعايزه تكتب اساميهم.
زيد....ماشي يا ستي هخليكي تكتبي صحيح انا كان نفسي اسمي عمر بس لما عرفت ان ربنا رزقني بتوأم مكانش ينفع روح تتفرق عن راجح
الشباب فهموا في اللحظه دي صوتهم علي.
اوووووووووووه اوبااااا
زيد....بإبتسامه لراجح زي ما روح الكبيره مينفعش تتفرق عن راجح الكبير روح الصغيره كمان مينفعش تتفرق عن راجح الصغير 
يتربوا في عزك يا باشا.
ابتسمت روح بتأثر وطبطبت علي كتف راجح
ابتسم راجح بتأثر لزيد وقرب خده في حضنه من غير ولا كلمه.
وبعد ثواني بعدوا عن بعض بصله راجح وهو ايده علي كتفه
راجح.....مبروك ما جالك يا حبيبي
زيد.....مبروك علينا يا باشا
راجح....ربنا يبارك فيك يا زيد 
ابتسم ومسح دمعه كانت علي وشك النزول وبصلهم كلهم
اسمع يا ابن الكلب منك ايه من اللحظه دي اياك حد فيكم يشتم الواد هاااا مننساش ان اسمه علي اسمي يعني اسمع لفظ كده ولا كده هعلقكم
روح ....بضحك ايوه يعني نبطل قلت ادب
مراد.....بضحك راجح عارف اللي فيها
راجح....امال ودول ماهيصدقوا يعني لا اسمع بيتقاله ابن الكلب ولا يا جزمه والله بالجزمه
ضحكوا كلهم علي راجح
جلال.....بس انا معترض علي الاسم انت عايز تعقد الواد مش كفايه عمه متعقد
راجح.....مش عاجبك اسمي يا ابن الكلب
جلال.....بضحك يعني مش كفايه جلال اللي علي اسم جدي كمان الواد الغلبان هيتسمي علي اسم جده
مراد.....بضحك انت شكلك عايز تتروق
راجح....سيبه ما انا لو مسكته مش هسيبه وهو عارف
جلال....لزيد وصبا انا نصحتكم وعملت اللي عليا لما الواد يطلع عنده عقده متبقاش تزعل
زيد....بضحك لا مش هيتعقد متقلقش مش هيبقي عاق زيك
ويعترض علي اسم جده
جلال....لما نشوف الايام بينا يا ابو راجح.
ضحكوا كلهم انتهت سهرتهم واحتفالهم بعيد الميلاد واحتفالهم بروح وراجح الصغيرين وعرفهم راجح ان جواز فيروز ومنذر هيبقي بعد سبوع راجح وروح الصغيرين بأسبوع فيروز كانت طايره من السعاده الكل باركلهم وكانوا مبسوطين.
...................
في غرفه صبا وزيد دخلت معاهم روح عشان تطمن علي صبا وتشوفها لو محتاجه حاجه وتطمن ان الولاد نايمين.
زيد كان قاعد علي طرف السرير بيبص علي روح وهي بتغطيهم في سرايرهم وعلي وشه ابتسامه جميله.
زيد...هما كده هيفضلوا نايمين مش هيصحوا يا روح
روح ...لا طبعا كل شويه هتلاقيهم يصحوا ويرجعوا يناموا تاني ولما يصحوا و يعيطوا هيبقوا جعانين أو عايزين يغيروا
البامبرز وهيفضلوا كده كتير نومهم مش متظبط
زيد....بإبتسامه المهم يصحوا بدل ما هما نايمين علي طول كده
روح....النوم ليهم افضل يا زيد خليهم نايمين علي الاقل يريحوا صبا لحد ما تقدر تشد حيلها طبعا انا عارفه انك عايز تفضل تنكشهم وتصحيهم صح
ضحك زيد عشان فهمته
روح....انا عارفه والله بس معلش نستحمل شويه الايام جايه كتير وبكره تلعب معاهم براحتك
صبا....بإبتسامه إرهاق انتي فاكره انه هيسمع كلامك ده مستنيكي تخرجي عشان يصحيهم
زيد.....بضحك فهماني
روح....لا حرام عليك متبقاش رخم هي مش حمل زنهم بالذات وهي تعبانه كده
زيد.....بإبتسامه وانا روحت فين ما انا معاها
روح.....انت اخرك تشيلهم شويه بس مش هتقدر وفي الاخر هتسيبهم وهتنام
صبا....ايوه حصل
زيد...انا طب والله ابدا
روح .....بقولك ايه اياك تصحيهم
زيد....بضحك خلاص والله مش هاجي جنبهم
روح....لما نشوف يازيد. صبا انتي كده خدتي الدواء بتاعك وكلتي كملي يلا اليانسون بتاعك ونامي وارتاحي وزي ما قولتلك انا كل شويه كده هاجي ابص عليهم ولو صحيوا في اي وقت تكلميني ماشي
صبا....حاضر يا روح بس يلا روحي نامي انتي كمان وارتاحي انتي من الصبح مرتاحتيش
روح....انا زي الفل متحمليش هني المهم لو صحيوا تكلميني مفهوم اوعي تتحرجي لانك لسه مش هتقدري عليهم الچرح لسه جديد يا صبا
صبا....حاضر والله
روح....زيد لو صحيوا تكلمني لو هي متصلتش
زيد....حاضر يا حبيبتي
روح....يلا تصبحوا علي خير
زيد صبا....وانتي من اهل الخير
خرجت روح وسابتهم
قرب زيد من سرايرهم وهو مبتسم
صبا....بإبتسامه كنت عارفه والله انك هتروحلهم اول ما روح تخرج
زيد.....بضحكه جميله بشوفهم بس والله
صبا....طب يلا تعالي نام وسيبهم بقي يناموا قبل ما يصحونا.
زيد....حاضر
طلع زيد جنبها قفل النور اللي جنبه وبصلها بحب وبعدين ضمھا ليه براحه وباس راسها
زيد....حمد الله علي سلامتك يا قلب زيد
صبا.....الله يسلمك يا عمري
زيد....يلا غمضي عينك ونامي بقي
صبا.....اوعي تروحلهم لما انام
زيد....عيب عليكي 
ضحكت صبا بهدوء وهي واثقه انه هيروحلهم.
غمضت عينها ودقايق بسيطه وكانت راحت في النوم.
ابتسم زيد وقام من جنبها بهدوء
صبا.....بصوت نايم زيييييد
زيد.....لا لا انا كنت هقفل النور
صبا.....بإبتسامه طب يلا نام وبطل لعب عيال
زيد.....بضحكه جميله حاضر يا ستي هنام.
ضمھا بهدوء وراح معاها في النوم وهو طاير من الفرحه.
............
في غرفه روح وراجح.
اول ما دخلت الاوضه كان في البلكونه بيشرب سېجاره دخلت خدت دش سريع وخرجت كلن قاعد علي السرير.
روح.....مش ناوي ترحم نفسك شويه من السجاير دي
راجح.....خلاص دي كانت اخر سېجاره
روح....عارفه انها اخر سېجاره بس كتير يا راجح عليك كده بقيت تشرب كتير الايام دي
راجح.....ولا كتير ولا حاجه كلهم كام سېجاره
روح....كل ده كان كام سېجاره بتضحك عليا وعلي نفسك يا راجح انا بجد بعد كده هزعل منك
راجح....بحب وانا مقدرش علي زعلك حاضر والله هخفف شويه
روح.....والقهوه كمان
راجح....حاضر
روح......ونعدي الكام يوم دول ونروح نطمن عليك بقالك كتير مطمنتش علي نفسك وبقيت مهمل بطريقه فظيعه
راجح....بابتسامه لا والله علي اساس انتي كل يوم عند دكتور شكل ما انتي كمان بقيتي مهمله في صحتك واخده بالك من الكل وناسيه نفسك
روح....علي الأقل انا لا بدخن ولا بشرب كميه القهوه اللي انت بتشربها
راجح ...لا والله خلاص هخفف شويه سجاير وقهوه وشوفي عايزه نروح امته للدكتور ونروح مع بعض نطمن عليا وعليكي
روح.....ماشي لما نشوف
راجح....الولاد نامو
روح...اه نامو كملت بإبتسامه حلوين اوي ربنا يحميهم ويحفظهم
راجح....اللهم امين انتي عارفه اني فرحت اوي عشان زيد سمي الولد راجح
روح....انا كمان اتبسطت وبصراحه متوقعتش انهم يسموهم علي اسامينا.
راجح....فرحتي بالاسم مش بس عشان علي اسمي
روح.....امال عشان ايه
راجح.....عشان اتأكدت ان زيد مبقاش شايل مني مش قادر انسي يا روح وقفت زيد قدامي وهو مقهور مش قادر انسي كلامه ليا ونبره الحزن اللي كانت في صوته مش قادر انسي اني كنت السبب في وجعه اليوم بيتعاد قدامي كل ثانيه كأنه لسه حاصل صوته وهو بيتكلم كلامه وهو خارج منه كله ۏجع الكسره اللي كانت في عينه كلمته ليا لما قالي اني ظالم