أبن ليل بقلم اميره أسامه البارت السادس..

أبن_ليل
صاحبة_البطل_الواحد
أميره_اسامه
البارت السادس..
.........................
قبل كام ساعه من طلوع الصباح ومعرفه الكل بوصول دره بمجرد ما دره وصلت وطلعت فوق وصل هيما ومحمد واحمد على الشارع ومشافوش دره
لمحوا منكش بيمسح القهوه وبينضفها.
هيما....بتهبب ايه في الجو ده يا منكش
منكش اول ما لمحهم جري عليهم
احمد....احيه عصبته ليه ھيقتلنا اجري يا ولا
منكش......هيماااا هيماااا
هيما....في ايه يخربيتك وطي صوتك سامعك
منكش.....عرفتوا اللي حصل
احمد.....خير يا جلاب النصايب سمير طلق مراته
هيما.....ياجدع حرام عليك هو لحق يقلع البدله

منكش.....مش وقت تخفيف ډم
محمد....ما تدينا بضهر ايدك يا منكش واخلص
هيما....استنى بس في ايه يا منكش
منكش.....من شويه في ضيوف وصلوا لزكريا الجمال وشكلهم جايين من السفر
محمد.....ضيوف مين
هيما.....انت قاعد بتراقب الرايح والجاي خلاص بقيت لا شغله ولا مشغله
منكش......اسمعو بس الاول انا مشوفتش مين بس المعلم صبري شاف
هيما.....ايوه ومين بقي سعيد الحظ اللي وصل من السفر
منكش.....بصلهم بتوتر
احمد....ما تنطق يا منكش لازم جو الاثاره بتاعك ده
منكش.....بيقول انه شاف الست دره ومعاها تلات بنات شكلهم بناتها
بص هيما ومحمد واحمد لبعض
هيما....انت بتخرف بتقول ايه يا منكش
منكش....انا مبنخرفش انا لمحت العربيه من بعيد بس كنت جوه القهوه مشوفناش حاجه بس المعلم صبري كان واقف بره ولمح الست دره وقال كمان ان حسن نزل سلم عليهم وخد الشنط وطلعوا على فوق
احمد.....يا نهار اسود
محمد....دي كده خربت على الاخر
هيما.....انت متأكد يا منكش
منكش...ايوه متأكد ولو مش مصدقين أسالوا صاحبكم
هيما....طيب امشي امشي من قدامي الوقت
منكش.....اهو انتوا كده تاخدوا المعلومه وبعدين تتزربنوا عليا
هيما....امشي من وشي يا منكش الوقت
سابهم منكش وهو بيبرطم بالكلام اما الشباب فا وقفوا مصډومين ثواني من الخبر
محمد....وبعدين الخبر ده لو صح هنعملوا ايه
احمد....كيرو مش لازم يعرف ده مستني اليوم ده من زمان
هيما...هنعملوا ايه يعني كده او كده هيعرف
احمد.....بس ازاي حسن يعرف وميقولناش اكيد مش هتيجي فجأه من غير ما تقول يعني كان عارف ومخبي علينا
هيما....اتصل بيه يفهمنا اللي حصل
مسك احمد موبايله واتصل علي حسن
في الوقت ده حسن كان فوق وملخوم في المواجهه اللي حاصله بين دره واهلها فا اول ما الموبايل رن كنسل عليهم
احمد.....بيكنسل
هيما.....يبقي الحوار بجد
احمد.....طيب هنعملوا ايه.
هيما....ولا حاجه هنستنوا لحد ما يرد ويفهمنا وانتوا متجيبوش سيره قدام بكر ومها مش ناقصين الدنيا تولع يمكن تكون مش دره ومنكش والمعلم بتاعه بيتهيألهم
محمد....المعلم صبري عارفها كويس اكيد مش هيغلط فيها
هيما....بردوا نستني مش هنخسروا حاجه وادعوا متكنش هي عشان لو هي الدنيا هتخرب وكيرو هيقلبها سواد
احمد....ربنا يستر طيب يلا نطلعوا و انا هنفضل وراه لحد ما يرد وهنكلمك
هيما.....تمام يلا بينا.
..........................
بعد حوالي ساعه من المواجهه طلع حسن علي الشقه بتاعتهم فوق واول ما طلع شاف الموبايل بتاعه لقى احمد متصل كذا مره وسماح باعته رسايل كتير فتح الرسايل.
سماح......حسن فينك
حسن روحت فين كنت بتكلمني واختفيت
حسن طمني عليك في حاجه
يا حسن رد عليا بقى
ودين محمد لو ما اتصلت لا هنطين عيشتك
طيب لو مش عارف ترد قول اي حاجه عشان اطمن بس
قفل حسن الرسايل وقرر يتصل باحمد الاول يشوفه متصل ليه
احمد.....انت مبتردش ليه
حسن....كنت تحت عند جدي ومعرفناش نتكلم
احمد....هي عمتك دره رجعت يا حسن صحيح
سكت حسن ثواني ....ايوه يا حمو رجعت
احمد..... اه يعني الكلام اللي سمعناه طلع صح
حسن....لحظه بس انت عرفت منين
احمد.....المعلم صبري لمحها وقال لمنكش ومنكش قالنا
حسن......ايوه وصلت من ساعه
احمد......واكيد مش هتيجي فجأه يا حسن انت كنت عارف ومقولتش
حسن....ايوه كنت عارف بس عرفت امبارح الصبح قبل الفرح بكام ساعه
احمد....ومقولتش ليه يا ولا من امته وانت بتخبي عننا حاجه
حسن....انا لا خبيت ولا اتهببت بس لو كنت قولتلكم كان هيحصل ايه انا خۏفت توقعوا بلسانكم قدام بكر والدنيا تخرب
احمد.....علي اساس انها مش هتخرب يا حسن الوقت
حسن.....بنقولك ايه انا امي صدمتني ومعرفناش نعملوا حاجه ولو كنت عرفتكم قبل الفرح كان بان عليكم ووقتها كرم و ابوك كانوا هيحسوا انكم فيكم حاجه فا عشان كده سكت قولت نستنى لحد ما تيجي وبعدين امي امنتني منقولش ونحفظ السر خاڤت خالي بكر يعرف ويقول قدام ابله مها وهي انت عارف مش هتسكت والكلام هيوصل لكيرو
احمد....ماهو كده كده هيعرف
حسن.....عارف انه هيعرف خصوصا انها رجعت ومش ناويه تسافر تاني
احمد.....احييييه طيب وهتسيب امريكا وتعيش هنا جوزها هيرضي
حسن....عمتي اتطلقت يا احمد ومش ناويه ترجع
احمد....پصدمه اتطلقت طب ليه
حسن...حوار طويل بكره نحكيلك انا