أبن ليل بقلم اميره أسامه البارت الثالث عشر

أبن_ليل
صاحبة_البطل_الواحد
أميره_اسامه
البارت الثالث عشر..
نزل كرم علي المحل وقبل ما يدخل بص علي محل زكريا شاف زكريا قاعد علي الكرسي بتاعه و باصصله رفع عينه جوه المحل شاف عبدالله واقف ومركز معاه و نظره حزن في عينه
كرم......منكششش
منكش..... عيني يا سيد المعلمين
كرم.....قهوة المعلم والمعسل ومتنساش قهوتي
منكش..... من عنيا طياري
دخل كرم علي المحل وبدأ يشتغل
نزل بكر مع رفاعي دخل بكر وراء كرم وقعد رفاعي علي الكرسي بتاعه بره المحل كالعاده لكن كان باين عليه الحزن
قرب بكر من كرم كان باين عليه انه هادي خالص لاول مره يشوفه بيشتغل من غير عصبيه كان مستغربه يعني علي الاقل المفروص بعد اللي عرفه يكون حاله غير كده

بكر....بهدوء كرم
رفع كرم عينه وبصله
بكر....انت كويس يا صاحبي
كرم....بأبتسامه زي الفل يا بكر
بكر....متأكد
كرم....ايه مش باين عليا
بكر......ده اللي هيجنني اول مره نحس اني مش فاهمك في العادي كرم اللي اعرفه بيغضب و بيتحول ولما يحب يكتم جواه ويبين انه كويس بيبقي باين علي وشه بردوا انه من جواه بيغلي لكن المرادي مستغربك
كرم......و مستغربني ليه يا بكر 
بكر.....لا أتحولت ولا كاتم غضبك و لا حتي باين انك بتمثل انك كويس يا كرم
كرم....وهنمثلوا ليه يا بكر انا حقيقي كويس.
بكر.....وده اللي هيجنني
كرم....بأبتسامه سخريه ايه مضايق اني كويس
بكر....انت عارف يا كرم ان راحتك عندي هي اهم حاجه بس انت بتمثل يا صاحبي ولو هتكدب علي الخلق كلها مش هينفع تكدب عليا انت امبارح كنت بحال وانهارده بحال انت مصدق نفسك انك كويس
كرم....ومنصدقش ليه وليه نكدب من الاساس انا بخير يا بكر اطمن
بكر.....مش عيب يا صاحبي اننا نظهر وجعنا ولا عيب اننا نترمي في حضڼ اللي بيحبونا ونشكيلهم همنا و انت عارف اني اكتر حد ممكن يسمع شكوتك
كرم.....وانا ظهرت ۏجعي كتير يا بكر كان ايه اللي اتغير فكرك يعني لما يزيد علي ۏجعي ۏجع هتفرق
بكر.....اه هتفرق يا صاحبي مش بيقولوا الصرب في المېت حرام
كرم....صح بس انا عايش يا بكر مش مېت يمكن كنت مېت السنين اللي فاتت
وجه الوقت اللي نعيش فيه
بكر....لو اللي بتقوله ده طالع من قلبك صحيح انا اول واحد هنفرحوا وهندعيلك تكمل كده وتعيش حياتك صح بس عشان انا عارفك اكتر من اي حد عارف ان اللي طالع من قلبك كله كدب يا كرم
كرم.....ولو فرضنا انك صح واني بكدب وان اللي في قلبي اكبر بكتير من ۏجع تقدر تقولي ايه هيتغير صدقني مفيش هفضل عايش بنفس الۏجع وعمري ما هرتاح
بكر.....معاك حق واتمني يكون ده تفكيرك بس انت عايز تقنعني يا كرم ان الكلام اللي سمعته من دره موجعكش الحقيقه اللي عرفتها مأثرتش عليك انا مش عايز نضايقك يا صاحبي بس لو عايز تكمل حياتك وتعيش بجد زي ما بتقول لازم الاول تطلع كل اللي واجعك وتخرجه من قلبك عشان ترتاح بجد
كرم.....كلام دره موجعنيش يا بكر كلامها فوقني عرفني قد ايه انا كنت مغفل مهما كانت الحقيقه بتوجع بس كمان بتريح دره من غير ما تقصد داست علي قلبي ورجعت عيشته من تاني تفتكر ايه اللي يخليني افضل مضايق وموجوع زمان لما اتوجعت يا بكر كنت موجوع علي الحب كنت موجوع علي خطيبتي اللي شوفتها خاينه وبياعه اتوجعت من صاحب عمري و اتوجعت من العيله اللي كنت بعتبرها عيلتي التانيه مكنتش شايف قدامي غير اڼتقام . اڼتقام لكرامتي ورجولتي وقلبي اڼتقام لنظره كل بني ادم ليا سواء كانت معايا وبتشفق عليا او ضدي وشمتانه فيا بس الوقت تفتكر هتوجع ليه بعد ما عرفت ان دره مبتحبنيش ايه عايزني اكمل في اللي عشت فيه عشرين سنه طيب زمان كنت عايز ننتقم وانا من جوايا مصدق انها كانت بتحبني بس كنت عايز اعرف ليه عملت كده بس الوقت هي خلصت كل الحكايه وقالتلي انها مش بتحبني عايزني. ارجع ادوس علي كرامتي ورجولتي واروح انتقم من واحده مكانتش شيفاني خلصت يا صاحبي وحتي لو لسه موجوع بس لازم اعرف ان ۏجعي ده مبقاش له اي قيمه قولتلك يا بكر دره خلصت الحكايه وجابتها من جدرها
بكر.....يعني هتنسي كل حاجه يا صاحبي وهتبص لنفسك وتحاول تعوض عمرك اللي ضاع
كرم.....و تفتكر ايه اللي