أبن ليل بقلم اميره أسامه البارت الخمسين

أبن_ليل
صاحبة_البطل_الواحد
أميره_اسامه
البارت الخمسين 
........................
خلصت سونه كلامها وبصت لدره.
سونه....بس وسيبتو ومشيت واتصل بيا مرتين امبارح وانهارده الصبح اتصل بيا ومردتش عليه ومضايقه اوي مش عارفه إذا كان هو اللي بيتصل ولا مريم خاېفه اوي تكون مريم وتكون محتجاني
خصوصا إن البت بجد نفسيتها امبارح كان باين انها تعبانه وكانت بتحكيلي وهي مموتها روحها من العياط خاېفه اوي تكون هي وتزعل إني مردتش عليها.
دره.....خلصتي كلامك
سونه...ايوه خلصت كلامي وقوليلي اعمل ايه انا طول ما عمرو كان بيتكلم وبدأت احس ان في حاجه زي دي ممكن يقولها كنت بدعي من جوايا اكون فاهمه غلط ومش هو ده اللي هيقوله عشان كنت عارفه انه لو عمل كده

علاقتي بولاده ومريم بالتحديد هتنتهي لاني عمري ما هعرف اتعامل معاه بطبيعتي تاني.
دره.....سونه مش شايفه انك مكبره الموضوع شويه
سونه.....هو ايه اللي مكبراه يا دره بعد كل اللي حكيتهولك ده تقصدي يعني اني اتعامل عادي وكأنه مقالش حاجه و أقفل الموضوع طيب تمام انا ممكن نعمل كده بس تفتكري هو هيعمل كده 
دره.....لا يا سونه انا مقصدتش كده انا بقول ليه اصلا تقفلي الموضوع من الاساس
سونه....بصتلها بإستفهام انتي بتسأليني يا دره
دره....اه بنسألك يا سونه وحقيقي محتاجه رد منك عشان نعرف السبب الحقيقي وراء رفضك
سونه......اسباب كتير يا دره مش سبب واحد
دره.....ايه هي الاسباب دي طريقته في عرض طلبه للجواز منك هي اللي ضايقتك ولا انتي اصلا مش حاسه عمرو
سونه.....اول حاجه الطريقه يا دره عمرو سبق وعرض عليا فلوس لما كانت مريم معايا ولما حس اني زعلت اتأسف وقال انه ميقصدش
والوقت هو واثق متأكد انه محتاجني انا بالذات عارف اني حبيت مريم وياسين بجد وعارف ان هما كمان بيحبوني عارف انه لو طلبني في اي وقت عشانهم مش هنتأخر عليه عايز يرتاح ويريح عياله وده حقه بس واثق انه لو رجع عرض عليا فلوس هتكون الناهيه معاه فا قرر انه يضمن وجودي مع ولاده بالجواز مني
دره.....وانتي ليه حسبتيها كده
سونه....هي متتحسبش غير كده
دره.... هو يمكن خانه التعبير او يمكن نقاشكم في موضوع مريم وياسين واللغبطه اللي في حياته مع توقيت طلبه للجواز منك مكانش وقتها بس من كلامك انا شايفه غير كده ليه محسبتيش انه ممكن يكون هو حس بحنيتك وقلبك الطيب بجد وعجبتيه في كل مواقفك وحس انه محتاجك ليه قبل عياله
سونه.....ولو فرضت معاكي حسن نيته يا دره بردوا مينفعش
دره....اديني سبب
سونه.....كذا سبب يا دره اولا انا من يوم ما شوفته وانا بنساعده هو وعياله عشان اللي حصلهم ۏجع قلبي وحسيت انه تايهه ومحتاج مساعده حبيت مريم بجد واي وقت كنت بعرض عليه مساعدتي في اي حاجه تخصها كانت من قلبي بجد لاني كنت بحسها زي سماح و بتفكرني بيها وهي صغيره وقفت جنب ياسين وانا عارفه انه اخو مريم مش ابن الدكتور اللي بيعمل العمليه لسماح جوه في اوضه العمليات.
لاني مكنتش نعرف الاول ان عمرو هو نفس الدكتور وعرفت لما شاف مريم بعد ما خرج.
عملت معاه ومع عياله كل اللي نقدر عليه واللي كان ممكن نعمله مع اي حد تاني حتي لو كانت دكتوره مش دكتور .
حسيت انه واحد مننا اعتبرته زي اخويا ومفكرتش فيه بالطريقه دي.
دره....يعني السبب انك حساه زي اخوكي ومش متقبلاه.
سونه....مش القصد يا دره انا بس بنحكيلك اللي كان جوايا عارفه ان عمرو مش اخويا ولو موضوع الجواز في دماغي اصلا كان ممكن نبصله بنظره تانيه بس مينفعش
دره.....لا مش فاهمه انتي تقصدي ان الموضوع كله مش في دماغك
سونه....اه يا دره
دره.....طب وليه يا سونه دكتور عمرو راجل محترم ذوق دكتور ومتعلم يعني شيفاه زوج مثالي بجد ومفيش اي حاجه تعيبه يبقي ليه متفكريش فيه او فالجواز عموما
سونه....انتي يا دره اللي بتقولي كده ايش حال ان مكناش ولاد حته واحده وعارفه اللي فيها وإني ليا في الجواز خمس سبقات قبل كده
دره.....وايه مبتحبيش رقم سته يعني
سونه....بإبتسامه بسيطه انتي بتهزري يا دره
دره....والله ما بنهزر بس مش فهماكي يعني ايه متجوزه خمس مرات قبل كده فا خلاص الموضوع مبقتيش تفكري فيه خلاص يعني استكفيتي و لخصتي كل خبرات الحياه في الخمس جوازات دول.
سونه.....مفيش ست يا دره