أبن ليل بقلم اميره أسامه بارت 58 الاخير حصريه لمدونه ايام نيوز

أبن_ليل
صاحبة_البطل_الواحد
أميره_اسامه
البارت الثامن و الخمسين 
الروايه حصريه لمدونه ايام نيوز
موقفين في حياتنا بنتمني الوقت يعدي بسرعه عليهم
اي موقف وحش بنمر بيه بنتمني الوقت يجري بسرعه عشان الموقف ينتهي لان وقت الحزن الوقت بيعدي ببطئ رهيب.
وأي موقف حلو مستنينه من فتره 
بنفضل نعد الدقايق و الثواني عشان تمر بسرعه والوقت اللي مستنينه يحصل وبردوا الوقت بيعدي ببطئ.
ويمكن ده اللي كان حاصل مع الجميع وخصتا كرم اللي كان بيعد الايام والساعات و الدقايق و الثواني من بعد فرح حسن عشان الاسبوع ده يجري بسرعه

كان حاسس ان الاسبوع ده بمقام العشرين سنه اللي أستني فيهم دره اسبوع طويل وممل بيحاول يشغل نفسه فيه بأي طريقه ويعمل الف حاجه في اليوم عشان بس يضيع الوقت ويخلص يومه بسرعه.
لحد قبل الفرح بيوم واحد انتهي كرم من كل التجهيزات الخاصه بالفرح وقضي اليوم بطوله مع الشباب و شباب ورجالة المنطقه في تزيين الشارع من اوله لأخره علق علي كل بيت نور الشارع كله كان ييفرح معاهم الشباب مسكوا الشارع من بدايته لنهايته نضفوا وظبطوا كل حاجه دهنوا واجهات المحلات بألوان موحده كتبوا ورسموا علي الجدران 
فرحة كرم الرفاعي 
وبعد وقفه وتعب أنسحب كرم من جنبهم بهدوء وطلع يريح شويه مكانش قادر يقف علي رجله.
نبيله كانت عندهم قاعده مع نجوي ومها كانت عند دره مع دعاء وسونه والبنات.
دخل كرم كانوا الاتنين قاعدين يشربوا القهوه مع بعض
كرم.....بتعب ابتسم سلام عليكم
نجوي....عليكم السلام يا عريس
نبيله......عليكم السلام يا قلب أمك
كرم....راح علي نبيله وكالعاده نام علي رجلها وسند رجله علي ايد الكنبه ااااااااااااه مش قادر
نبيله......بحب حطت ايدها علي راسه ياولا كفياك حيلك اتهد اقعد شويه
كرم......انا حيلي اتهد فعلا وسړقت روحي من وسطهم وسايب بكر وعبدالله وعمرو والشباب تحت
نبيله.....احييييييه حيلك أتهد فعلا مش هتقوملك قومه يعني يا ابن الموكوسه.
نجوي.....بضحك احيه عليكي يا وليه وعلي لسانك
كرم.....بضحكه جميله رفع حاجبه وبصلها وهو نايم علي رجلها لا بنقولك ايه انا زي الفل انتي بتجرسيني قدام امي ولا ايه يا بلبله
نجوي.....شوف الولا بيعوم علي عومها والنبي انتوا الاتنين عايزين قطع لسانكم..
كرم....بضحك ايووووه مش بنطمنها علي مستقبل بتها
نبيله.....سيبك منها المهم انك زي الفل وإلا انت اللي ساعتها هتجرسنا
كرم....بغمزه لا متقلقيش حديد يا بلبله
ضحكت نبيله ونجوي بصوت عالي
نجوي....والنبي انت ما شوفت ربايه يا كرم طب نبيله وقبيحه من يومها ولسانها متبري منها إنما انت يا ولا جبت منين قلة الادب دي
نبيله.....بضحك تربيتي
كرم.....بضحكه جميله تربيه وسخه
نجوي.....هو صحيح لسانه متبري منه هو كمان بس مبنشفهوش كده غير معاكي
كرم.....ماهي اللي بتنكشني نسكتولها
نجوي.....ودي تيجي قبح يا ولا زيها عيني عليكي يا دره وقعتي في جوز يتفات لهم بلاد لما بيحطوا روسهم في روس بعض
نبيله......احيه عليكي مره مالك مستلماني انا والولا اللي حيلتي ليه.
كرم....بضحك بتلغي وجودك كا ام يا نوجا خدي حقك
نبيله....شوف الناقص بيوقعنا في بعض
نجوي.....والنبي ولا يعرف ماهي امك يا ولا تنكر
كرم....منقدرش دي حبيبتي
نبيله....انت اللي حبيبي يا ولا
كرم.....الشبر ونص سيباكي مدعوك تحت وطالع عيني وهي مقضياها هي والبنات
نجوي.....الله مش عروسه ولا عايزها تنزل تعلق في النور معاكم
كرم....لا يا ختي خليها تعمل عروسه براحتها وكمل بغمزه لنبيله وانا بكره هنعمل عريس
ضحكت نبيله وضړبته علي كتفه
نجوي.....مفيش فايده في لسانه
نبيله.....سيبك منها يا ولا قولي
كرم....اقولك ايه
نبيله.....قولي و أحكيلي إحساسك ايه ياولا فرحان مبسوط حاسس بأيه
كرم....ودي عايزه كلام يا بلبله اكيد مبسوط والدنيا مش سيعاني كمان وحاسس اني بنحلم لدرجه اني مش عارف نعمل ايه بكره
نبيله......احيه عليك لا هو انت يا ولا مش عارف هتعمل ايه بكره ما انا ياما قولتلك يا ولا اتجوز كان زمان عندك خبره وعرفت بكره هتعمل ايه.
بصلها كرم وفطس من الضحك وقام من علي رجلها وهو بيكح من كتر الضحك وفضلت نجوي تضحك علي ضحكه هي ونبيله.
نبيله.....الله اكبر هاتي يا وليه مايه الولا نفسه هيتقطع
نجوي.....بضحك امسك اشرب يا ولا 
شرب كرم وبصلها وكمل ضحك
نبيله....شوفي الولا بتضحك علي ايه يا ناقص
كرم.....يعني انتي كل اللي فهمتيه من مش عارف هنعمل ايه بكره اللي جه في بالك ده يعني قاعد نقولك من بدري زي الفل وحديد وهنعمل عريس وفي الاخر تفكري فيا كده
نبيله.....بضحك ما انا قولت شكلك من بتوع السيط ولا الغني
كرم.....بضحك والله ما هتوردي علي جنه يا بلبله وعشان خاطر كلمتك دي جبتيه علي دماغ بنتك وهنخلي صوتها بكره يسمع إسكندريه كلها
نجوي....يا ولا أختشي
نبيله.....بضحك أتنيل هتعمل فيها عنتر يا ناقص
كرم.....ويجي ايه سي عنتر جنب كرم الرفاعي يا وليه وبعدين دول عشرين سنه حرمان متخيله هعمل في بنتك ايه
نجوي.....بضحك قامت وقفت لا انا مليش قعاد معاكم انتوا الجوز احيه عليكم اتسحبتوا من لسانكم
نبيله....راحه فين يا وليه
نجوي......هنعمله حاجه دافيه تهديه يمكن يرجع لعقله ويرجع دكتور كرم
نبيله.....احيه حاجه دافيه ايه اللي تهديه لا بنقولك ايه احنا مش عايزين حاجه دافيه تهديه شوفي حاجه تفوقه وتنشطه
فضل كرم يضحك بصوت عالي هو ونبيله