أبن ليل بقلم اميره اسامه

عشان محمد جابلي امبارح جبنه تركي ياوليه عيب عليكي ده حتى الجيران لبعضها
مها.....وانتي حاسبه روحك من الجيران انا لو نطول نرميكي بره المنطقه كلها كنت عملتها
سونه.....ايووووه عليكي مره بدل ما تفرحي ان ولادك رجاله ومهانش عليهم ينزلوا واحده ست بليل لوحدها
مها....بشهقه ستتتت وهي فين الست دي
سونه.....بضحكه عاليه سلامة الشوف يا عنيا بقولك ايه على اول الإمه في حكيم عيون ابقي اروح احجزلك تكشفي عنده
مها....سووووونه اتعدلي معايا بدل والله اټجنن واجيبك من شعرك ابعدي عن ولادي وعن اخويا اديني بقولك بالذوق اهو 
سونه.....طيب ولادك وفهمتها انما اخوكي ايه هتتحكمي فيه
مها....اه يا سونه لو طولت نتحكم فيه هنتحكم هو كده كده مش هيبصلك بطلي انتي بس تحومي حواليه زي الحيه 
سونه....جبتي الكره اللي في قلبك من ناحيتي ده كله منين يا صاحبتي ايه نسيتي العيش والملح اللي طفحناه سوا
مها.....انا يا اختي لا بنكرهك ولا بنحبك انا بس بنحذرك ولو عيزاني افضل فاكره العيش والملح اللي طفحناااااه سوا تبعدي عنهم يا سونه اوعي وسعي كده من قدامي بدل ما انتي عامله زي عروسة المولد
سونه.....ضحكت سونه بصوت عالي عقبال ما اشوفك عروسة المولد زيي احسن ما بكر يطفش منك يا صاحبتي
مها....بصوت واطي داهيه فيكي وفي شكلك قال يطفش قال طب ده بيعشق التراب اللي بندوس عليه
.......................
طلعت نبيله على شقتها ومحدش لمحها لا زكريا ولا عبدالله ابنها شالت طرحتها رمتها بإهمال على الكرسي وراحت قعدت بحزن على الكنبه.
خرجت دعاء مرات ابنها من المطبخ وراحت عليها بصتلها بحزن وقعدت قدامها.
دعاء.....كنتي مع كرم صح
بصتلها نبيله وسكتت
دعاء.....بعد ما عمي زكريا والمعلم رفاعي خلصوا خناقتهم فضلت شيفاكي وانتي واقفه في البلكونه عينك على كرم وبتراقبيه واول ما خرج من الدكان نزلتي جريتي وراه.
نبيله....انتي يابت بتراقبيني
دعاء....بابتسامه وانا هراقبك بردوا ياما بس عارفه انه بعد ما شد مع عبدالله هيخرج وهو مضايق وعارفه كمان انك مش هتتحملي وهتجري وراه
عارفه ياما اوقات بحس انك بتحبي كرم كأنه ابنك
نبيله....طيب ماهو ابني يا بت عمري ما اعتبرته غير كده سبحان من زرع حبه جوه قلبي بس نقول ايه عاللي كان السبب في اللي هو فيه
دعاء....ياما بلاش تقسي قلبك عليها دي مهما كان بنتك معقول تحبيه هو اكتر منها
نبيله....پغضب وهزه في صوتها كلها حزن مش بنتي ولا عايزه نعرفها بنتي اللي كسرتني وكسرة الراجل اللي كان بيعشق التراب اللي بتدوس عليه اللي وطت راس ابوها واخوها اللي ډمرت كل حاجه بتربطنا بأغلى ناس لينا
دعاء....ياما طيب جربي تسمعيها ده انتي بقالك عشرين سنه مجربتيش وبترفضي
نبيله......ولو عشت عشرين سنه زيهم مش هجرب يا دعاء هي اللي اختارت وهي اللي باعت نشتري ليه اللي باعنا يا بت
دعاء.....دي هتتجنن عليكي ياما نفسها تسمع صوتك وصوت عمي وصوت عبدالله 
نبيله....بۏجع بتضحكي على مين يابت بالكلام ده عليا انا لو هتتجنن زي ما بتقولي ماكنتش صبرت كل ده كانت رجعت من زمان اترمت في نا لو بتحبنا بجد مكانتش صبرت عشرين سنه بعيد عننا لسه فاكره ان لها ام واب واخ تسأل عليهم لا وكمان نفسها تسمع صوتهم بقى صوتنا يا دعاء هو اكبر احلامها
دعاء.....اديها فرصه وردي عليها واني واثقه انها هتيجي وتترمي في ك
نبيله....بناقص الناقص هي اختارت حياتها واللي بيختار يشيل الليله كلها وميرجعش يعيط
دعاء....طيب بزمتك يا بلبله لو لقتيها داخله عليكي الوقت مش هتاخديها في ك وهتنسي اللي بتقوليه ده
بصتلها نبيله بحرف عينها وهي مرتبكه
نبيله....انتي يبات عايزه تجبيلي جلطه اقفلي سيرة اللي ما تتسمى دي خالص ولو هي اللي مسلطاكي تحنني قلبي عليها عرفيها انا لو شوفتها قدامي مش حضڼي هو اللي هيستقبلها شبشبي هو اللي هيستقبلها قومي يلا انجري هاتيلي فنجان قهوه داهيه فيكي وفيها
ضحكت دعاء وقامت من قدامها بسرعه.
قامت نبيله دخلت على البلكونه
لمحت نجوى بتنشر في البلكونه قدامها.
نجوى.....بت يا مها ابقي هاتي معاكي بيرسول ألا الدبان ملا المكان
نبيله.....بت يا دعاء وانتي جايه هاتي معاكي اي حاجه ريحتها حلوه تترش في الجو احسن في ريحه مش حلوه منعرفش جايه منين
خرجت مها لامها وخرجت دعاء لحماتها
اول ما مها شافت دعاء رفعت حاجبها
مها.....عندك حق يا اما الدبان مالي المكان.
دعاء.....ايوووووه ده