أبن ليل بقلم اميره أسامه

أبن_ليل
صاحبة_البطل_الواحد
أميره_اسامه
البارت السابع..
.....................
مها....بلبله يا بلبله انتي فين
نبيله....ېخرب عقلك خضتيني انتي ډخلتي ازاي
مها....الباب كان مفتوح ايه دخل عليكم حرامي ولا ايه
نبيله....بضحك وهو الحرامي يعرف يسد معانا يا بنت نجوى
مها....على رأيك ده يبقى دخل الڼار برجله 
نبيله....فين امك
مها....جايه ورايا بس انا طلعت قبلها انتي عارفه بقى على بال ما تجهز نكون اتشليت جنبها
نبيله....يابت تفي من بوئك بعد الشړ عليكي
مها....خاېفه عليا يا قمر
نبيله.....امال نخاف على مين لو مخوفناش عليكم يا بت الهبله

مها.....ألا قوليلي ايه ريحه الاكل الحلوه دي نتحملوا ازاي انا الوقت وانا صايمه كده
نبيله.....خلاص فات الكتير ما بقى إلا القليل ساعه و المغرب تأذن ونفطروا سوا
مها.....طب هي فين البت دره
نبيله.....دره رجعت من الدرس هلكانه قالتلي هتنام شويه لحد ما تيجي
مها....انا عارفه تاعبه روحها ليه ست الدكتوره دي 
نبيله....مصممه يا اختي تجيب مجموع عايزه تدخل كليه الطب زي كيرو وتبقى دكتوره
مها.....على اساس كيرو دخل طب لسه اهو بيعافر مع الثانويه لسه وهي لسه قدامها سنتين على الثانويه تاعبه روحها من الوقت ليه ما عندك انا والبت دعاء اهو في نفس السنه معاها وضاربين الدنيا صرمه
نبيله.....طيب انتوا فاشلين نعملوا معاكم ايه وبعدين انا قولنالها اللي بتقوليه ده قالتلي ان كيرو قالها لو ده حلمها بصحيح يبقى لازم تتعب عشان تقدر توصله
مها....على ما توصل هتكون ضيعت عينها وتعبت روحها هي وهو
نبيله.....انا عارفه بقى اهو سيبيهم يمكن ربنا يحقق حلمهم وبعدين دره واخده الموضوع جد واخوكي اللي شجعها على كده وهي قال ايه بتعتبره مثلها الأعلى
مها.....سيبك انتي منهم يا بلبلتي دي عالم دماغها تعبانه على رأي امي البت ملهاش غير بيت جوزها
نبيله....جوزها في عينك انتي لا هتتجوزي ولا تشوفي جواز غير لما تخلصي تعليمك انا بنقولك اهو انتي والبت دعاء مش عايزه دره وكيرو يبقوا احسن منكم
مها......دره دي اللي هي بنتك بتحرضيني على بنتك يا بلبله
نبيله....وانتي وهي ايه يا موكوسه مش واحد يلا ادخلي صحيها تقوم تفوق كده
مها....ماشي انا رايحه نصحيها.
نبيله....صحيها براحه يابت المخبوله مش ناقصه وش وۏجع الراس بتاعكم انا صايمه بلاش نطلعه عليكم
مها.....بس كده ده احنا هنريحووووها.
دخلت مها على اوضه دره ووقفت على السرير تغني وتتنطط عشان تصحيها
مها....وأقروا الفاتحه لابو العباااااس يا اسكندريه يا اجدع ناس يا اجدع ناس
يا دره يا دررررره اصحيييييي
فتحت دره عينها پغضب
دره.....بتعملي ايه في اوضتي 
مها....بنشموا هوا
دره.....طب و دين محمد ما هنسيبك يا مها
خرجت مها تجري وهي وراها
مها....الحقيني يا بلبله
نبيله....احيييه عليكي انتي وهي مش هنخلصوا من الجري وراء بعض زي القط والفار
دره....لا والله اعمليهم عليا يعني مش انتي اللي مسلطاها عليا عشان تصحيني
نبيله....وانا لو عايزه نصحيكي يا بت هنخافوا منك انا سلطك يابت
مها....صراحه ربنا اه بلبله هي اللي قالتلي روحي صحيها وقالتلي كمان لو مصحتش بالذوق هاتيها من شعرها
نبيله....شوف البت وكدبها تصدقي حلال فيكي الضړب متسبيهاس يابت يا دره
دره.....انتي يابت مش هتبطلي طريقتك اللي بتصحيني بيها دي وفاتحه ايه اللي عايزه تقرايها دي 
مها....الحق عليا بنصحيكي تدعي وتستغفري قبل الاذان
دره....في دي بقى عندك حق واهو فرصه ندعي عليكي براحتنا جريت دره وراها ومها بتجري منها في الشقه وهي مېته من الضحك
مها.....الحقيني يا بلبله بتك ھټموټني
نبيله....احسن عشان تبقي تتبلي عليا اوي
بعد وقت بسيط اتجمع العيلتين على الفطار وكان معاهم بكر ودعاء
رفاعي.....متجميع على حسك يا زكريا ديما
زكريا.....ربنا يديم اللمه الحلوه دي ومنتحرموش منها ابدا
الجميع....اللهم امين.
نبيله....يلا يا جماعه افطروا يلا نوجا حطي للعيال على ما حط لزكريا والمعلم رفاعي
نجوى....عيني هاتوا يابنات الاطباق من قدامك نغرفلكم
مسكت دره طبقها المفضل وفي نفس اللحظه مسكته معاها دعاء ومها
دره.....بضحك لا ده على چثتي تاخدوا طبقي المرادي
مها....سيبي يابت الطبق
دعاء....سيبي انتي كمان انا اللي هناكل فيه.
دره....بتتعازموا على ايه منك ليها ده طبقي 
عبدالله....انا نفسي نعرف اشمعنى الطبق ده اللي بتتعاركو عليه ديما
دره.....هو كده يا اخويا الكحكه في ايد اليتيم عجبه 
مها.....خلاص ناكلوا فيه مع بعض زي كل مره
دره.....وهي جديده عليكم امري لله مشاركني في كل حاجه ناقص ناكلو بنفس المعلقه 
دعاء....عملناها كتير شوفي غيرها
غرفتلهم نجوى في نفس الطبق وكالعاده اتشاركو مع بعض الاكل في طبق واحد
زكريا....بضحك وعليكم بأيه ده كله ما تاكلوا كل واحده في طبق
دره.....دول يجيلهم ضيق تنفس لو