أبن ليل بقلم اميره أسامه

أبن_ليل
صاحبة_البطل_الواحد
أميره_اسامه
البارت التاسع...
........................
بعد ما دره طلعت و سابتهم فضل الصمت مخيم على المكان شويه
قام زكريا وهو بيستغفر و بيذكر ربنا ودخل على اوضته.
وبعدها قام عبدالله راح على الباب عشان يطلع و وقفت دعاء بهدوء بصت لنبيله.
دعاء.....انا طالعه يا اما عيزاني في حاجه.
هزت نبيله راسها بحزن قربت منها دعاء باست راسها و سابتها وطلعت.
مسكت نبيله موبايلها تتصل على كرم من وقت اللي حصل امبارح وهي بتتصل بيه وهو مش بيرد مكانتش عارفه هو مش بيرد عشان مضايق منها ولا هو متعصب من وجود دره.

اتصلت عليه في نفس الوقت ده بص كرم على موبايله ولمح اسمها قفل الصوت وفضل على نفس وضعه.
نزلت دموع نبيله بحزن وسرحت في ذكرايتها.
دره...يا امي اسمعيني الله يخليكي انا مبنحبش كرم مش قادره نشوفه غير اخويا وجاري اللي أتربيت معاه مش قادره نشوفه غير صاحب اخويا و أخو صاحبتي.
نبيله....وفيها ايه هو مفيش واحده بتتجوز صاحب اخوها ولا اخو صاحبتها
ما عندك بكر صاحب كرم عينه من مها اخته والاتنين بيحبوا بعض و طلب يقرأ فاتحتها عشان يحجزها ويضمن انها ليه
واخوكي عبدالله كلنا عارفين انه بيحب دعاء صاحبتك اخت بكر صاحبه 
دره....انا مقولتش انها مش بتحصل بس عبدالله ودعاء بيحبوا بعض وبكر ومها بيحبوا بعض انا مبنحبش كرم مش قادره نشوفه غير اخويا مش عشان هما حبوا بعض يبقي إجبار عليا يا امي نحبوا كرم 
نبيله....ويعيبه ايه كرم يابت انتي تطولي ايش حال ان مكنتيش ماشيه وراء دماغه في كل حاجه
دره....ياستي كرم احسن راجل في الدنيا وميعيبوش اي حاجه ونقولك كمان منطولش يا ستي نتجوزه هو يستاهل ست البنات بس انا مننفعلوش يا امي. قلبي مش معاه يمكن زي ما قولتي كنت ماشيه وراء دماغه بس ده في الحياه والتفكير عموما
انتي عارفه انا طول عمري بنحب تفكير كرم وطريقته بنحس انه فاهم الدنيا ومثقف بنلاقي روحي في الكلام معاه غير الكل حبيت الدراسه والتعليم بسبب حبه ليهم بقيت اطلع الاولي عشان هو بيشجعني حبيت الطب من كلامه عنه
بس منقدرش نحبه ياما منقدرش لو كرم كويس وفي كل المميزات في غيره كمان كويسين بس المهم قلبي مع مين
نبيله.....انتي مش عارفه مصلحتك
دره.....و اللي بتعمليه معايا ده يا أمي مش هو مصلحتي انا بنحب وقولتلك قبل ما نلبس دبله كرم وبردوا كأنك مش سامعه قولتيلي انك هتسكتي ومش هتقولي لابويا ولا لعبدالله وكأني عملت چريمه طول عمري بحب ابويا وعبدالله وعمري ما خۏفت منهم بس انتي لاول مره تخوفيني منهم كل اللي طالع عليكي ابوكي واخوكي جزارين لو عرفوا هيدفنوكي بالحياه ميغركيش دلعهم ليكي بس وقت الجد هيشربوا من دمك حسستيني اني عامله حاجه غلط يا امي انا حبيت و صعبان عليا نبقي لابسه دبله كرم وانا قلبي في حد غيره لو انتي صحيح بتحبيه مش هيهون عليكي .
لان كرم ميستاهلش مننا كده اقفي معايا يا امي ووقفي الحدوته دي كلها لاني خلاص زهقت منها كرم لدره ودره لكرم لحد ما خلتوني مبقتش حتي نعرف نتعامل معاه على انه اخ 
نبيله....خلصتي رغي انسي بقى كل اللي قولتيه ده ويكون في علمك لو عرفت انك شوفتي الولا ده ولا اتكلمتي معاه واللي خلقني وخلقك يادره هنقلب عليكي الدنيا اللي زيك يحمد ربنا ربنا رزقك براجل ميتعيبش
دره....حمداه و شكراه بس ايه اللي زيي دي ليه محسساني اني معيوبه وكرم بيتستر عليا انا كمان منتعيبش يا نبيله بنفكرك انا دره الجمال لو حبك لكرم نساكي انا نبقى مين
نبيله.....فشرررر بت نبيله ست البنات
دره.....طيب امال ايه يا امي يا امي يوسف بيحبني وانا واثقه هو حد محترم واهله ناس محترمه جدا وليهم اسمهم يوسف عايز يجي يتقدملي بس انا اللي بنمنعه يا امي ده هيتجنن من وقت ما عرف انكم لبستوني دبله كرم ڠصب عني
نبيله.....يتجنن هيعمل ايه يعني هيقولك نتجوزك من وراهم ده اللي ناقص
دره....مقااااالش ودين محمد ما قال كل اللي قاله انه مش هيسيبني وهيفضل جنبي ومش هيسكت غير لما يقنعكم اديله انتي بس فرصه واقفي معايا
نبيله.....انا اللي عندي قولته يا دره كرم سيد الرجاله ارضي بنصيبك ومتتبطريش