أبن ليل بقلم اميره أسامه البارت الثاني عشر..

أبن_ليل
صاحبة_البطل_الواحد
أميره_اسامه
البارت الثاني عشر..
.........................
قبل كام ساعه من اختفاء كرم.
خلصوا البنات شراء كل طلباتهم وبدأوا يحسوا بالتعب والجوع
حسن....كده في حاجه تاني نقصاكم يا بنات
دارين....لا خلاص جبنا كل حاجه
حسن....طيب ايه مجعتوش انا ھموت من الجوع
ديما....بتعب انا جعاااااانه ارحميني بقي يا دانه تعبت ورجلي وجعتني
دانه....هو مفيش غير دانه ما كلكم بتشتروا 
حسن....خلاص متمسكوش في بعض
ديما....بجد فظيعه مش بحب اعمل معاها شوبينج خالص مفيش حاجه بتعجبها وبتفضل تلف
دانه....حرام عليكي يا مفتريه انا مفيش حاجه بتعجبني طيب ده انا اكتر واحده اشتريت فيكم

حسن....حصل بس ابوس ايدك خلصي ھموت من الجوع
دارين....حسن شويه وهياكلنا
حسن...بتقولي فيها لا خدي بالك انا لما بجوع بتحول خافي مني بقي
دانه....لا وعلى ايه يلا بينا بس هناكل ايه
حسن....انا قولتلكو سيبولي نفسكم يلا بينا
البنات....يلا بينا
بعت حسن في رساله للشباب مكانهم
بعد وقت بسيط وصل حسن علي مطعم جميل وهادي قدام البحر بيعمل مشويات
في الوقت ده هيما ومحمد واحمد كانوا خلصوا شغلهم ولبسوا وجهزوا واول ما حسن بعتلهم المكان اتحركوا
حسن.....ايه هتاكلوا ايه يا بنات
دارين....رجعت في كلامك ولا ايه مش قولت سيبولي نفسكم يلا اختار انت على ذوقك
حسن.....انا جاهز موافقين يا بنات
ديما....انا موافقه المهم اكل
دانه....وانا كمان يلا اطلب
حسن....اشطا
طلب حسن الاوردر و أستأذنت منهم دارين تتكلم في الموبايل
حسن.....قوليلي بقي يا دانه بتدرسي ايه صحيح انا نسيت اسألكم
دانه....انا بدرس اداره اعمال
ديما....وانا كمان
حسن.... ده عشان توام وكده
دانه.....لا خالص والله هي جات كده بص احنا يعني كان نفسنا لما نتخرج نشتغل مع بابي ومامي في الشركه
ديما.....بالظبط كان عندنا احلام كتير وكان نفسنا نقف معاهم ونكبر الشركه اكتر بس للاسف
حسن....طيب وللأسف ليه بصوا بعيدا عن اللي حصل بين بباكم ودره بس انتوا تقدروا تحققوا حلمكم يعني تتخرجوا وهتلاقوا الف شركه فتحالكم دراعتها وتقدروا كمان تجتهدوا اكتر مع بعض وتعملوا اللي معملتهوش هناك ولازم تعرفوا ان الانفصال مش اخر الدنيا
دانه.....يمكن انت بتقول كده عشان مش جوه الموضوع نفسه صدقني يمكن يبان علينا ان الموضوع مش مأثر فينا بس هو حقيقي واجعنا جدا
حسن....مين قال ان الموضوع مش مأثر فيكم وانكم مش موجوعين مين في الدنيا بيتبسط لو امه وابوه انفصلوا عن بعض بس اللي اقصد اقوله مهما كان الموضوع ماثر فينا مينفعش نتدخل في قرارهم ولا ينفع قرارهم ياثر فينا لاننا مبقيناش صغيرين اكيد يعني قرارهم ده كان على اقتناع
ديما.....بالعكس يا حسن مامي لما طلبت الانفصال مكانش على اقتناع واتفاق بينهم قد ما كانت مامي موجوعه يعني ممكن نسميه قرار وقت ڠضب
حسن....شوفي يا ديما يمكن معاكي حق بس كمان لازم تعرفي ان في اوقات الواحد قدام كرامته حتى لو كان القرار اللي هياخده ده هيوجعه بردوا هينفذه لان ممكن اي حاجه تتعوض إلا الكرامه فهماني.
ديما....اكيد يا حسن معاك حق بس كمان يمكن انت مكنتش عايش معانا ولا تعرف احنا كنا عايشين ازاي بابي ومامي كانوا بيحبوا بعض جدا وبابي يمكن في الفتره الاخيره غلط في حق مامي بس كمان هو طول عمره كويس جدا معاها يعني بفضل أسأل نفسي ازاي ممكن انسي اي حاجه حلوه لبني ادم عشت معاه سنين وافتكر الموقف الۏحش وبس
ابتسم حسن وبصلها وبعدين سألها سؤال
حسن....انتي كنتي قريبه من بباكي اكتر من دره يا ديما
ديما....مش فاهمه اكيد يعني بحبهم الاتنين زي بعض بس تقدر تقول ان بابي طول عمره صاحب لينا بيحبنا بيدلعنا مش قادره افتكر ليه اي موقف كان وحش معانا فيه
دانه....بس فعلا ديما كانت قريبه جدا لبابي ورغم اننا توأم بس بابي طول عمره بيعتبر ديما اخر العنقود زي ما بيقولوا كان دايما يقول ادام دانه اتولدت قبل ديما بخمس دقايق تبقي هي الاصغر
حسن....شوفتي بقي عرفت ازاي
ديما....مش فاهمه سؤالك ده ليه
حسن....بصي يا ديما مفيش حد ممكن ينسي اي حاجه حلوه عاشها مع حد بيحبه بس لما الشخص اللي اكون بحبه وبثق فيه وبعتبره كل حاجه في حياتي يخذلني ويعمل معايا موقف مكنتش اتوقعه مش هقولك اننا بنسي الحلو اللي عمله معانا بس الموقف الۏحش اللي صدر منه عشان مكناش متوقعينه منه هو بالذات صدقيني مبنقدرش نشوف الحلو اللي عمله معانا ومش بس كده ده في اوقات كمان بنحس انه كان