أبن ليل بقلم اميره أسامه البارت الثاني عشر..

حاجه ومفكرش ده هيعمل فيها ايه لما تعرف يعني. دره فقدت الثقه خالص فيه
دارين....عندك حق يا حسن للاسف بابي مسابش اي مجال مفتوح لمامي تقدر تسامحه عليه
حسن....يبقي نوقف بقي التشويش اللي في دماغنا نحترم قرار دره منحملهاش الذنب نتبسط بالحياه اللي اتحطينا فيها ونعتبرها تجربه جديده في حياتنا
ديما.... وانا بقول نوقف كلام بقي عشان اخيرا الاكل وصل
حسن.....مش قادره تستني يا عيني 
دانه....الله الاكل شكله حلو 
دخل في الوقت ده هيما و محمد واحمد وعملوا انهم متفاجئين
هيما....ايه ده حسن
محمد....مساء الفل
حسن....اهلاااا ايه الاخبار
هيما....كله تمام انت عامل ايه
حسن ...زي الفل ايه على فين كده
هيما...ابدا جايين نتغدي
حسن....طيب يلا تعالوا اقعدوا معانا بقي وبالمره نعرفكم على بنات عمتي
احمد....ايوه بس مش عايزين نضايقكم احسن البنات يكونوا مش حابين ولا حاجه
دانه....لا خالص اتفضلوا
ديما....انا شوفتكم قبل كده بيتهيألي صح
حسن.....اكيد شوفتوهم نعرفكم بقي احمد ومحمد يبقوا عيال خالي بكر يعني امي تبقي عمتهم
ديما....ايه ده بجد كنت فكراكم جيران معرفش ان دول يبقوا ولاد خالك
حسن...لا ولاد خالي وهيما بقي يبقي خالهم
هيما....بس مش كبير اوي يعني اكبر منهم بكام سنه 
دانه.....هو انت اخو اللي هو جه اټخانق مع مامي
هيما....بضحك ايوه انا ابقي اخو كرم بس متقلقيش مليش في الخناق ومن زمان واحنا مطلعين روحنا من مشاكل الكبار
ديما.....افضل حاجه
حسن....طيب نعرفكم بقي على البنات دارين الكبيره ودانه و ديما توأم
هيما....اتشرفنا
محمد.....اهلا بيكم
احمد.....اتشرفنا بيكم
حسن....يلا اقعدوا ها تاكلوا ايه
محمد.....هناكل زيكم
حسن....حالا
نادي على الويتر وطلب نفس الاوردر
وبدأوا يتكلموا مع بعض
محمد.....انتوا اول زياره ليكم في مصر صح
دانه....ايوه مجيناش قبل كده
محمد....بس هتعجبكم ان شاء الله
ديما.....هو مش المفروص انكم قرايب و عارفين بعض يعني اكيد عارف اننا مجيناش هنا قبل كده
احمد....بضحك تقصد يعني ان سؤالك ملهوش معني 
ديما.... لا مش قصدي متستفزهوش بدل ما يتحول زي خاله
محمد.....لا متقلقيش احنا فرع طيب ملهوش في الخناق وعموما ولا تزعلي نسألوا أسأله ليها معني بتدرسوا ايه بقي
ديما....انا ودانه إداره أعمال سنه اولي
محمد....وانتي يا دارين
دارين....تانيه هندسه
محمد....ماشاء الله بالتوفيق
دانه....وانتوا بقي بتدرسوا ايه
محمد....انا تالته تجاره
ديما....وانت يا احمد
احمد.....انا بدرس حقوق
ديما.....اممم حلو ده حابب تكون محامي
احمد....بتلقائيه لا خالص
ديما..... امال بتدرسها ليه
احمد......يعني عشان الجامعه قريبه من البيت
ضحكوا كلهم عليه
احمد....بأستغراب بتضحكوا على ايه والله العظيم عشان قريبه وبعدين انا كنت فاشل في الدراسه وملاقتش غيرها ادخله بمجموعي ده غيرها
ديما....اصل المفروض الواحد بيدرس الحاجه اللي نفسه يشتغل بيها
احمد....ماهو بردوا احنا مش هنضحك على بعض اكيد ده مش منظر محامي انا مليش في الجد ومش متخيل اني اقف قدام القاضي واترافع في المحكمه وبعدين بصراحه انا حابب شغلانه الجزار يعني اتعودت عليها بس اكيد يعني لازم شهاده بردوا
ديما....مممم وجهه نظر بردوا مع اني مش مقتنعه
احمد....مش مهم المهم ان وزراه التربيه والتعليم اقتنعت بمجموعي
ديما.....
دانه....وانت يا هيما بتدرس ولا لا
حسن.....بزمتك ده منظر طالب 
هيما....انا خلصت دراسه معايا بكالريوس تجاره
دانه....وبردوا انت مجرد شهاده ولا عندك بيزنس
هيما.....لا مجرد شهاده انا اتربيت على مهنه ابويا وجدي يعني تقدري تقولي جزارين ولاد جزارين
ديما....المهم تكون بتحبها مش عشان هي مهنه موروثه
هيما.....اكيد حبتها وكان نفسي من وانا صغير ادبح لما كنت اشوف ابويا وهو بيدبح كنت ببقي فرحان وبحسه كده بطل
دانه....ودبحت
محمد....اتفرج بقي على الاسئله اللي ملهاش معني يعني جزار هيعمل ايه غير انه يدبح
دانه....بضحك مش قصدي يعني ممكن يكون بيبيع بس
هيما....لا دبحت طبعا وببيع وبعمل كل حاجه
دانه....حلو ده
هيما....ايه يا دارين ساكته ليه 
دارين.... اقول ايه
هيما.....اي حاجه ولا صوتك وحش
حسن....خف ياعم
هيما....وانا قولت حاجه
دارين....انا بسمعكم
هيما....طب وايه رأيك
محمد ...في اللي سمعتيه 
بصتله دارين وكان باين عليها انها مش طيقاه
هيما....مالك بصالي كده ليه ماهو يا اما مش طيقاني يا اما قلقتي مني لما عرفتي اني اخو كرم
دارين....وهقلق منك ليه يعني لو كان اخوك
محمد.....يبقي هي تقصد خد الرد الاول 
انها مش طيقاك
ضحكت دارين على محمد
هيما....الله عجبتك
دارين....اوي
حسن....وحدوا الله والعبوا مع بعض
هيما....لا إله إلا الله بنت عمتك يا عم اللي مش طيقاني
دارين....ماله ده انا كلمتك
قرب الويتر في اللحظه دي ينزل الطلبات
قربت دارين من ودن دانه
دارين.....هو دمه تقيل على قلبي ولا انا اللي مش طايقه نفسي
دانه....بضحك لا والله دمه خفيف انتي اللي شكلك مش مظبوطه وشكلك كده كنتي بتكلمي ادم واتخانقتي معاه
دارين....اه اتخانقت انا وهو
دانه....ليه في ايه
دارين....مش عارفه حاسه انه