ابن ليل بقلم اميره أسامه

انتي اللي دماغك شمال وبتفهمي غلط انا منقصدتش
دره....انا اللي دماغي شمال وبنفهم غلط طيب تمام 
كرم....يلا انا هنمشي عشان منتأخرش
دره.....مش هتقول رايح فين
كرم ....انتي ايه حكايتك عامله فيها مراتي ومهتمه ليه
دره.....ااا خلاص روح ما طرح ما تروح وبعدين انا مالي ومالك انا بس بنطمن انك مش هتستخبي هنا ولا هنا ونرجعوا نلاقيك قدامنا
كرم....لا اطمني وعموما هنريحوكي انا عندي مشوار وبعدين هنرجعوا الشارع
دره ...اصلا انا مالي بتعرفني خط سيرك ليه انا سألت سؤال عادي
كرم...والله طيب تمام يلا ابعدي من قدامي.
دره.... بعدنا سلام
وقف كرم علي الباب وبصلها
كرم.....لو في اي حاجه حصلت كلميني وخدي بالك من نفسك تمام
فضلت دره بصاله ومبتسمه. قطع عليها اللحظه كرم
كرم.....مالك فرحانه كده ليه اكيد مش بڼموت فيكي و خاېف عليكي انا بس عشان محدش يدخل يولع فيكي ونخلص
دره....پغضب مسكت قلم من علي المكتب و حدفته بيه لقطه كرم بأيده وهو ييضحك امشي من قدامي 
ضحك كرم وخرج وقفل وراه وفضل ماشي مبسوط فيها 
دره.....عامل زي الثور بتاخد القلم يا حرامي.
..................
عدت كام ساعه وخرجت دره من المستشفي ركبت عربيتها ومشيت اشترت حجات وبعدين كملت طريقها وفجأه حست ان الكاوتش دخل فيه حاجه ركنت بهدوء علي الكورنيش الدنيا كانت هاديه نوعا ما مافيش غير كام شخص يتعد نزلت تبص علي العجله لقتها أتخرمت
دره.....يادي اليوم اللي مش باينله ملامح يارب انا ناقصه
راحت فتحت الشنطه تشوف الأستبن
مسكت دره الكاوتش و طلعته براحه وهي مش قادره تشيله
دره....ااااه يلا بقي انت تقيل كده ليه.
نزلته علي الارض وحركته براحه جنب اللب هتغيرها راحت جابت باقي العده وراحت عشان تفك العجله اللي في العربيه المسامير مكانتش بتتفك
دره....وبعدين بقي اتصل بالولا حسن يجي يلحقني ولا اهبب ايه
فضلت واقفه شويه سرحانه وصباعها في بوئها بتفكر تتصل بحسن ولا تحاول تاني ولا تقفل العربيه وتاخد تاكسي ويبقي حد يجي يصلحه.
واخيرا قررت تتصل بحسن راحت تطلع الموبايل من الشنطه لقت التليفون فاصل
دره.....كملت مفيش غير اني اقفلها وامشي
مسكت العده راحت ترجعها في الشنطه
وبعدين راحت علي الكاوتش وقفته وحركته براحه تحت الشنطه وبعدين بدأت تحاول ترفع فيه عشان ترجعه مكانتش عارفه خالص
في اللحظه دي كرم كان راجع واول ما لمحها فضل يقرب من الازاز قدامه عشان يتأكد. ان هي 
كرم....هي الشبر ونص
ركن ونزل من عربيته وراح عليها كانت هي بترفع في الكاوتش بكل قوتها ومش شيفاه
كرم...قرب من ضهرها بتعملي ايه
رفعت دره راسها بسرعه بالجنب كان كرم قريب منها جدا وعينه باصه عليها
قرب كرم أيده من الكاوتش اللي هي بتحاول ترفعه ورفعه بأيد واحده وهو لسه باصصلها
فاقت دره بسرعه وعدلت نفسها وبصتله
دره....انت بتعمل ايه هنا وعرفت مكاني ازاي قولي بقي انها صدفه اقولك يلا شيلني واحدفني في البحر واخلص وخلصني من التوتر اللي انا فيه ده
رفع كرم حاجبه وزقها بعيد عن وشه وراح يشوف العجله
كرك....انا لو عايز نحدفك كنت حدفتك لما كنتي معايا علي اللانش وسعي كده
الزقع بتاعته طيرتها كام خطوه لوراء
دره....ما برااااحه وبعدين علي اساس انك مكنتش عايز تح
فني يومها ده انت مكنتش عارف توقف قلبي بأيه ولا ايه بالفار ولا اللانش ولا البحر .
كرم....واديكي واقفه قدامي زي القدره ومش فاصله رغي رغي رغي اسكتي بقي وعرفيني في ايه
دره.....هيكون في ايه يعني يخربيت الذكاء العجله اتخرمت
قام كرم وقف وبصلها.....اتكلمي عدل
دره....ما انت بتسأل أسئله غريبه يعني هطلع الكاوتش ليه هلعب بيه مثلا العجله اتخرمت وحاولت اغيرها مش عارفه افك المسامير و قولت اكلم حسن او عبدالله موبايلي فصل خالص ووو
بصلها كرم 
كرم.....ششششششرغي رغي رغي أفصلي ده سؤال سألته
دره.....لا بقولك ايه انت هتفضل تتعامل معايا كده عشان هتغيرلي حتت عجله الله الغني عن خدمتك 
كرم.....انتي صح سابت العجله وقعت علي الارض وقام نفض أيده وراح علي عربيته
دره.....ده ماشي استني يا استاذ كرم استني يا معلم كرم
ابتسم كرم ولف ضهره بصلها 
دره......انت ما صدقت انا بهزر وبعدين يعني مش حلوه تسيبني بليل وعلي الكورنيش لوحدي وموبايلي فاصل وتمشي 
كرم.....من هنا لحد ما اخلص مسمعش صوتك مفهوم
دره.....ولا كأني موجوده
كرم....روحي اشحني موبايلك في عربيتي معايا وصله عشان محدش يتصل ويقلق لما يلاقيه مقفول
دره.....ماشي شكرا
راحت دره حطت موبايلها