أبن ليل بقلم اميره أسامه البارت 24

حاجبه خدي بالك كل ما هتعيطي بردوا هنغوط جوه
دره.....پغضب من بين دموعها اسكت بقي
كرم......هنسكتوا حاضر طلع كرم سېجاره وفضل يدخل باللانش علي جوه.
...............
عند هيما ودارين كانوا قاعدين علي الشاطئ لكن في مكان بعيد عن الشباب.
هيما كان بيلعب في الرمل بعصايه صغيره وطال بينهم الصمت رفع هيما راسه وبصلها كانت لسه بټعيط
هيما....ايه هتفضلي ټعيطي كده كتير
بصتله دارين وبعدين بصت علي الرمل
هيما....رفع حاجبه ايه ما تردي هنفضلوا قاعدين كده ساكتين وبنسمعوا صوت عياطتك
مسحت دارين دموعها وقامت وقفت وهي بتنفض هدومها
دارين....عارفه اني عطلتك عن شغلك وتقدر توصلني ونروح
مسك هيما من كف ايدها وهو قاعد وفضل باصصلها وهو رافع حاجبه وباين عليه الڠضب
بصتله دارين وهي موطيه بسبب شدته ليها حست برعشه خفيفه و غريبه من جواها.
هيما.....اقعدي
بلعت دارين ريقها بهدوء وقعدت تاني من سكات.
هيما......انا مبنقولش كده عشان تقوليلي عطلتك انا لو مش عايز نيجي مكنتش جيت وسيبتك
بصتله دارين وفضلت ساكته.
هيما.....ايه بصالي كده ليه انتي فاكره ان في حد بيجبر حد يفضل معاه
دارين.....عايز تقنعني انك جاي معايا عشان انت عايز تفضل معايا
هيما.....والله انتي شايفه ايه
دارين....بدموع انا شايفه ان كان في واحد مش طايقني من يومين ولما حبيت اعتذرله طلع و سابني .
هيما....انا مطلعتش و سيبتك انا استأذنت منك اني اطلع انام
دارين....مش هتفرق كتير المهم الطريقه
هيما.....زعلتك طريقتي وبالنسبه لطريقتك معايا كان ظروفها ايه معاكي 
ادم هاااا اسمه ادم اللي خلاكي تطلعي اللي جواكي عليا.
بصتله دارين وهي دموعها نازله ومرتبكه من طريقته وكلامه ونبرة صوته اللي كأنه بيحقق معاها كانت محروجه منه وفي نفس الوقت مش عارفه ليه ضربات قلبها بتزيد وكالعاده معرفتش تتكلم فا حبت تهرب تاني قامت دارين عشان تقف وقبل ما تقف مسكها هيما من ايدها تاني قعدها وفضل ماسك ايدها بقوه وهو باصصلها پغضب هو نفسه مش لاقي تفسير لغضبه صحيح هو صارح نفسه انه معجب بيها ومقدرش يقول ده لكرم لكن معقول الاعجاب يوصل لغيره وده كان سؤال هيما لنفسه.
قعدت دارين وهي مش قادره تبصله 
وكفها بين ايده ضاغط عليها بقوه.
دارين.....هيما خليني امشي ارجوك
هيما.....ايه مش تردي عليا الاول ولا مش عندك رد .
دارين....هيما انا اعتذرتلك وانا عارفه انك مكانش ليك ذنب انا بس اللي كنت مضايقه شويه
هيما.....حلو جميل اوي ان الواحد يتعصب من شخص فا ميقدرش يرد عليه ويعاتبه لانه بيحبه وبمجرد ما يطلع شخص تاني قدامه فايروح مطلع غضبه عليه هو صح.
دارين.....هو انت مصدقت ان دانه اتكلمت وقالت كل حاجه قدامك
هيما.....لا تقدري تقولي اني مصدقت عرفت السبب اللي كان ورا الحاله اللي انتي فيها .
دارين.....هيما انت مش فاهم حاجه وانا متعصبتش عليك عشان مقدرتش اتعصب علي ادم كل الحكايه اني كنت بجد مضغوطه وووو
هيما....سيبك من كل ده انا مش زعلان منك وخصوصا بعد ما عرفت السبب اللي كان مضايقك بالشكل ده بس انا هنقولك كلمتين وحطيهم ديما في بالك
بصتله دارين وانتبهت لكل كلمه وحرف هيما بيقولهم وفضلت باصه لعينه اللي كانت حاسه انها بتقول كلام اكتر.
هيما.......الراجل اللي يخلي البنت توصل للحاله اللي كنتي عليها وقت ما شوفتك
ميبقاش راجل الراجل اللي يوجع البنت وينزل دموعها ميعرفش يعني ايه حب حاله واحده بس تثبت ان الراجل ده بيحبك من قلبه لما ينزل من عينك دموع فرح مش دموع ۏجع وارد يحصل بين اي اتنين بيحبوا بعض او حتي اتنين متجوزين مشاكل وخلافات وده عادي بس لما توصل لۏجع وقهر ودموع يبقي الموضوع اكبر من مشاكل وخلافات
اللي يهون عليه دموعك عمره ما حبك يا دارين انا معرفش اي طبيعه العلاقه بينكم ولا ايه سبب الحاله اللي كنتي فيها و وصلك ليها بس كل اللي اقدر اقولهولك لو بتحبيه بجد اتأكدي من حبه ليكي الاول واول حاجه تخليكي تعرفي هو بيحبك ولا لا انه مينزلش دموعك ابتسم هيما بحزن وبعدين قام وقف.
هيما.....تعالي اوصلك ليهم وارجع شغلي
بصتله دارين وهي دموعها نازله ومن غير ما تفكر مسكت ايده.
دارين.....خليك يا هيما خليك معايا
ضغط هيما علي ايدها وابتسم وهز راسه بهدوء .
وللحديث بقيه...