أبن ليل بقلم اميره أسامه

فيه الكفايه عشان اقدر اعرف حقيقه اللي جوايا بس كمان يا كرم انا زمان جرحتك حتي لو مكنتش نقصد بس جرحتك وانا مش عايزه نرجع نجرحك تاني
مد كرم ايده تاني بهدوء وكرر نفس الحركه عشان تبصله كان هادي ومبسوط وهو بيسمعها ومبتسم
دره ...انا هنقولك حاجه اول مره نقولها بصوت عالي حتي لروحي اللغبطه اللي انا فيها انهارده دي مش عشان الموقف اللي حصل الصبح وده تأثيره عليا
بصت تاني علي ايدها بإحراج ونزلت دموعها كرم انا متلغبطه بسببك من يوم ما جيت مصر من اول مره شوفتك فيها وانت بتقف قدامي لاول مره بكل ڠضب وبتطلب مني نمشي كرم اللي شوفته كان شخص جديد عليا في البدايه آثار فضولي ولما عرفت سبب غضبه فضولي أتحولي لۏجع عشانك وتعاطف معاك و بعد كده كل موقف عيشانه مع بعض من هزار لمقالب بدأت احس ان في حاجه بتحصل جوايا انا مش فهماها
ابتسم كرم بهدوء ومد ايده رفع دقنها للمره التالته وبعدين مسح دموعها بطرف صباعه بكل هدوء كان مستمتع بكل حرف بتقوله وكل شعور صادق خارج منها.
دره....بعيش معاك حجات لاول مره من يوم ما عرفتك حتي نبرة صوتك في الموبايل جديده علي ودني نظرة عينك ليا عمرها ما لغبطتني يا كرم زمان كنت بشوفها عاديه زي نظره عبدالله وبكر بس الوقت اختلفت اكتر يا كرم وبقيت بشوفها بطريقه تانيه وبقت تلغبطني
لما بقعد لوحدي او لما بكون فاضيه في الاوضه بتاعتي في المستشفي بلاقيك بتهجم علي عقلي وبشوفك قدامي واي موقف حصل بينا بيرجع يتكرر قدام عيني وبلاقي روحي من غير ما نحس بنبتسم ومبسوطه .
يوم ما خدتني وطلعت معاك في اللانش لاول مره ويوم ما شدتني دخلتني علي الاوضه بتاعتي في المستشفي يوم ما بعتلي صورتك بالتيشرت ويوم ما سحبتني من ايدي علي شقتك عشان محدش يشوفني معاك كلها مواقف ديما بترجع تتعاد ولما بنفتكرها بنبقي مبسوطه وكأني رجعت مراهقه من تاني
وأخر موقف حصل وخلاني احس ان جرس الإنذار اللي شغال جوايا ده حقيقي لما شوفتك امبارح يا كرم وانت رايح لسونه منعرفش ليه اضايقت وليه حسيت اني بنتخنق بصت علي ايدها وهي دموعها نازله
أنا غيرت عليك يا كرم ودي حاجه مس من حقي لا من حقي اغير عليك ولا من حقي احس باي شعور تجاهك لانك كنت معايا زمان وانا اللي بعدت اه بعدت عشان كان ليا اسبابي بس بعدت
للمره الرابعه يرفع كرم دقنها عشان تبصله وهي بتتكلم ومتهربش من مواجهه عينه ليها.
دره.....عشان كده يا كرم متلغبطه مش عارفه أفسر كل اللي جوايا ازاي احس بكل ده وانا زمان عمري ما حسيته 
انا خاېفه أجرحك ياكرم اه انا واثقه ومتأكده من كل اللي جوايا بس خاېفه يا كرم.
مسك كرم ايدها بهدوء باسها من كف ايدها بوسه طويله وبعدين مسح دموعها بكل حنان
كرم.....زمان جرحتيني وانتي مش بتحبيني يا دره وزي ما قولتي مكانش قصدك تجرحيني بس المرادي اي السبب اللي يخليكي تجرحيني وانتي مشاعرك أتغيرت عن زمان
دره....يمكن مفيش سبب بس هو مجرد شعور بالخۏف مش اكتر وده عشان انا شايفه انك مينفعش تتجرح يا كرم فا بقيت خاېفه من اي تصرف ممكن يوجعك
كرم.....بس انتي مش هتوجعيني يا دره
دره.....واثق فيا يا كرم
كرم....اكتر من روحي
دره.....ليييييه ليه يا كرم اديني سبب
كرم....اللي جوايا من ناحيتك ملهوش أسباب يادره واظن لو مكنتيش حسيتي بيه مكانش كل اللغبطه دي