أبن ليل بقلم اميره أسامه

بما انكم اتصافيتوا يا بنات عايز نقول كلمه ممكن ولا ايه
دانه....اكيد يا هيما.
هزت دارين راسها من غير ما تتكلم.
هيما.....هو طبعا اللي حصل حصل وعدي خلاص وكمان أتصافيتوا بس لازم تعرفوا ان ده اول وأخر مره هيحصل . عادي تتعاركوا مع بعض تشدوا تختلفوا بس اللي مش عادي أبدا أنكم تقفوا قصاد بعض.
دانه....انا ااا
قاطعها هيما... خليني اكمل يا دانه انا مقدر اللي خصل وعارف ان انتوا الاتنين كنتوا مضغوطين واللي حصل ده خلاكم متعرفوش انتوا بتقولوا ايه انا يمكن انا والشباب مش موجودين في حياتكم من مده طويله بس اكيد كلنا قدرنا نعرفوا انكم بتحبوا بعض جدا وبتخافوا علي زعل بعض وتقريبا الموقف ده كان اول مره يحصل بينكم يعني بيتهيألي محصلش قبل كده انكم وقفتوا قصاد بعض صح
دانه....ايوه.
هيما.....حلو زي ما قولت بقي اللي حصل حصل وانسوا خالص بس هتكون المره الاولي والاخيره مهما كانت المشاكل والظروف والضغط النفسي اللي اي حد فيكم بيمر بيه اوعوا تسمحوا لنفسكم انكم تقفوا قصاد بعض
اكيد مش انا اللي هنعرفوكم قيمه الاخوات في حياه بعض بس اللي عايز نقوله ازعل مع اخويا اتعارك معاه نقطعوا بعض بس بيني وبينه مدخلش تالت بينا منعروش بعض قدام اي مخلوق حتي لو كان اقرب حد لينا
معروف ان الاخوات ستر وغطاء علي بعض لا يدخل بينهم تالت ولا يسمحوا لأي حد يفرق بينهم ولو في مشكله بينكم وديما متعرفهاش متتفتحش قدامها اللي بينكم يفضل بينكم عشان لما تقعدوا وتهدوا هتصفوا بسرعه وهتنسوا اسرع لأنكم لما اتعريتوا وخرجتوا اللي جواكم مكانش في غيركم انتوا بس فا الزعل مش هياخد وقت فهمتوا
دانه....ايوه
هيما.....اللي حصل ميتكررش تاني تحت اي ظرف اللي مريتوا بيه واللي بتمروا بيه لحد الوقت هو مش سهل انا عارف بس بدل ما نقف نرمي الغلط علي بعضنا نحطوا وجعنا علي بعض ونبقي ضهر وسند تمام يا دانه.
دانه....حاضر يا هيما
هيما....دارين.
دارين.....تمام يا هيما.
حسن.....هيما عنده حق يا بنات انسوا اللي حصل واعتبروا محصلش واهم حاجه الوقت هي دره نحاول نصلح اللي حصل ونراضيها.
هيما....دره هتتراضي يا حسن لما تهدأ وانا عارف انهم هيقدروا يراضوها وياخدوها في حضنهم وينسوها اللي حصل .
احمد ...يا اخي والله حاسس اني هنعيط من الكلمتين دول
هيما....بضحك أعقل بدل ما نطلعوك مسرح
أحمد......بضحك ياجدع منقصدش انا بس أتأثرت
محمد....سيبك منه ده عيل تافهه
حضنت دارين دانه بحب وكملوا قعدتهم مع الشباب وهما مبسوطين .
................
فات حوالي ساعتين كرم سايب دره نايمه ومستنيها تصحي بفارغ الصبر
قام بص علي هدومها وهدومه الهواء نشفهم شويه لكن كانوا لسه فيهم مايه شويه سابهم وراح بهدوء علي الاوضه اللي هي نايمه فيها
فتح الباب بهدوء عشان ميعملش صوت
كانت نايمه زي ما سابها متحركتش
ابتسم بهدوء وراح قعد قدامها علي ركبه وربه ايده الاتنين سندهم علي السرير وبعد كده قرب ايده بهدوء مسك صوابعها وبعدين قبض علي كف ايدها بحب وفضل ماسك ايدها وباصصلها وهي نايمه
كان نازل خصله من شعرها علي عينها 
مد ايده رجع شعرها بهدوء وراء ودنها وغرس صوابعه بين شعرها حركهم بهدوء
اتحركت دره بهدوء من نومها وبدأ تفتح عينها لمحت كرم قاعد قدامها وباصص عليها ومبتسم
كرم.....صحي النوم
أبتسمت دره بإحراج وقامت بهدوء
دره.....انا مش عارفه ازاي نمت
كرم.....اممم شكل البنات مطلعين عينك ومش سايبينك تنامي براحتك
دره.....بإبتسامه لعبت في شعرها وهي بتحرك رقبتها لا خالص والله بس انا منمتش كويس امبارح وكمان بعد ما غيرت حسيت اني مش قادره فا نمت هي الساعه كام.
كرم....اممم