أبن ليل بقلم اميره أسامه

تردد يشمر هدومه وهاتك يا دعك في السجاجيد الكل هنا في الشارع متعود علي الحجات دي بس لما يشوفوا ولد او شاب او حتي راجل كبير بيعمل حاجه مش من اختصاصه بيحاولوا يخبوا عينهم عنه عشان ميحرجهوش وانتوا كمان لازم تتعودوا علي العادات دي . مش عيب الراجل يساعد مراته ولا عيب يساعد امه او اخته لان مساعدته ليهم مش هتنقص من رجولته بس العيب اننا لما نشوف راجل محترم بيحاول يساعد اهل بيته اننا نقف نتريق عليه نحاول نقلل من رجولته او حتي نفضل واقفين باصين عليه نديله مساحته ولما يخلص الدنيا مش هتطير نبقي ندخل احنا فهمتوا يا بنات
دانه....بأبتسامه فهمت يا مامي
ديما....فهمت يا مامي
دره....طيب انا هروح اشوف دارين يكونوا خلصوا
ديما....اوك.
دخلت دره عند دارين اول ما دراين شافتها ابتسمت وقامت عدلت نفسها
دره....ممكن ادخل
دارين....بأبتسامه طبعا يا مامي اتفضلي
راحت دره قعدت جنبها بصتلها وابتسمت وبعدين مسكت ايدها بحب وبصت في عينها.
دره....أحيانا بتحصل معانا مواقف ممكن حزينه ممكن توجع وتعلم ممكن تبقي محرجه مبنبقاش متوقعنها بس لازم نتخطاها ومنوقفش عندها ولا نوقف عليها حياتنا.
بصتلها دارين بعد فهم مش عارفه ليه بتقول الكلام ده ياتري عرفت اللي حصل بينها وبين هيما ولا هي بتتكلم تاني عن موضوع ادم ولا هي بتتكلم بصفه عامه سكتت دارين واستنت تفهم قصد دره.
دره.....زمان كنت في اعدادي كان في مدرسه عربي كنت بحبها اوي الست دي علمتني درس فادني كتير في حياتي مش درس في العربي لكن كان درس في الحياه. حصل معايا موقف لا يمكن في حياتي اقدر انساه بس قدرت اتخطاه ولو الست دي مكانتش وقفت جنبي وقالتلي الكلمتيني اللي انا حفظاهم لحد الوقت وجه دوري عشان اقولهملك كان زمان الموقف ده فضل مأثر عليا.
دارين....موقف ايه يا مامي
دره....كنت وقتها في اولي اعدادي كنت لسه داخله المدرسه دي جديد وكنت وقتها غلي قد هزاري و شقاوتي لكن كنت لما بتعرض لموقف مبعرفش اتصرف وبفضل اعيط او اهرب
المهم في يوم خلصنا الحصه التالته ونزلنا الفسحه
بصتلها دارين بعدم فهم
ابتسمت دره....يعني البريك تمام
دارين...اوك
دره.....خدت اكلي ومصروفي ونزلت مع دعاء ومها فضلنا نلعب وناكل مع بعض وبعد كده طلعنا عادي علي الحصه بتاعتنا بعد ما البريك خلص
في نص الحصه اتفاجئت بالباب بيخبط فتحت المدرسه كانت وكيله المدرسه يعني تحت المديره علي طول ومعاها بنت كانت في تالته اعدادي كانت اكبر مني بسنتين وكانت الوكيله دي خالتها
فا قربت الوكيله من المدرسه قالتها حاجه في ودنها وبعدين المدرسه هزت راسها فا الوكيله بصت للبنت وقالتلها أنهي بنت فيهم 
بصت البنت علي الفصل كلنا قاعدين مش فاهمين اي حاجه بس مستنين نفهم فا اتفاجئت بالبنت بتشاور عليا وتقولها هي دي 
بصيتلهم وانا مش فاهمه اي حاجه 
لقيت الوكيله بتشاورلي وبتقولي تعالي وهاتي شنطتك معاكي
بصيت لمها ودعاء پخوف وقلق وبعدين خدت الشنطه وقومت وقتها فكرت ان بلبله او بابا حصلهم حاجه مكنتش فاهمه في ايه
روحت وراهم ونزلنا علي مكتب الوكيله واول ما دخلنا خدت مني الشنطه پعنف وفضتها كلها علي المكتب وفضلت تدور في كل شبر فيها وانا واقفه مش عارفه في ايه وبدأت اعيط ودموعي تنزل لما ملاقتش حاجه في شنطتي بدأت تفتشني وتشوف هدومي وجيبي بعدها قالتلي طب روحي علي فصلك
خدت شنطتي وطلعت علي الفصل وانا حاسه اني ھموت بتخنق في حاجه واقفه في حلقي كلها ۏجع مش من الخۏف ولا حتي من الموقف اللي