أبن ليل بقلم اميره أسامه

وانا هنتشرف بنسبكم يا سماح
انا قولتلك اللي حصل و الكلام دار زي ما قولتلك ومحدش اعترض و القاعده انهارده بالنسبالي كانت عامله زي الحلم بيتحقق قدام عيني وكانت نقصاكي عشان نفرحوا سوا بس هتتعوض الاسبوع الجاي واحنا ملمومين كلنا وبنلبسك الدبل يابت
سماح.....بفرحه ودموع والنبي يا حسن يعني محصلش اي حاجه
حسن....يابت بطلي عياط ونكد انتي مش سايفه فرحتي وبعدين انا بنحلفلك ان مفيش حاجه حصلت وجدي قال عليكي احلي كلام وبعدين انتي مش فاكره يوم الحريقه اللي حصلت مش جدي صالح الكل علي بعضه وقال ان سونه زيها زي دعاء ودره ومها وانكم من العيله فا اكيد محصلش اي كلام ولا حد اعترض وبعدين هيعترضوا ليه يابت هما اللي هيتجوزوكي ولا انا
سماح.....ياااااه يا حسن علي قد ما كنت مستنيه اليوم ده علي قد ما كنت مړعوبه يحصل حاجه تفرقنا كنت خاېفه الكلام اللي بيتقال علي امي يأثر علي موافقتهم بس والله يا حسن امي غلبانه ومش بتعمل اي حاجه غلط
حسن....بطلي يابت هبل سونه ابه دي اللي تعمل حاجه غلط دي ست الستات ومش انتي اللي هتعرفيني سونه وعموما متقلقيش من هنا وجاي هنخرسوا لسان اي حد يجيب سيرتها بأي حاجه وحشه ده لو حد اصلا قدر يتكلم عليها
سماح.....لا والنبي مش عايزين مشاكل يا حسن الناس محيلتهاش غير لسان سيبهم منهم لربنا احنا مش ناقصين عراك ومشاكل ووقتها ابوك او جدك لو بعدونا عن بعض هيبقي ليهم حق دول محيلتهمش غيرك خلينا نفرح من غير اي مشاكل او حاجه وحشه انا كمان مش مستغنيه عنك
حسن.....بحب مفيش لا مشاكل ولا عراك ولا اي حاجه وحشه وكلامك نافذ يا ست البنات وكل اللي جاي احلي باذن الله مش عايزك تخافي يا حرم حسن الجمال قريبا
سماح....ربنا يخليك ليا يا احلي حسن في حياتي انت عارف انا هاين عليا نروحوا نصحي سونه ونقولها
حسن....لا خليها نايمه بكره ابقي عرفيها وبقولك ايه جهزي روحك عشان هتيجي معانا بكره احنا مش هنطول في الشغل عشان نلحقوا نفرجوا البنات علي اسكندريه قبل ما النهار يروح مننا
سماح....هنيجي اكيد متقلقش
حسن....طب بنقول ايه بقي سبيني اروح انام عشان هنصحي بدري نخلصوا كل اللي ورانا عشان لما نخلعوا ابويا ميقولش اني سيبتله الدكان فوق راسه
سماح.....روح يا حبيبي نام وارتاح
حسن.....هتنامي 
سماح.....انا حاسه اني لا عايزه ننام ولا ناكل ولا نشرب سنه قدام
حسن....بضحك ايه هتصومي عن كل حاجه
سماح ....الفرحه اللي في قلبي يا حسن مش مخلياني عايزه اي حاجه من الدنيا الفرحه سدت نفسي
حسن....بضحك طول عمري نعرف ان الفرحه بتفتح النفس يا فقريه عموما يا ستي ربنا يخليكي ليا ويقدرني نسعدك ونفرحك ونسد نفسك اهو توفري في الاكل والشرب
سماح.... بنحبك يا حسن
حسن....وانا بڼموت فيكي يابت
سماح....تصبح علي خير يا ابو علي 
حسن....وانتي من اهل الخير يا قلب ابو علي 
دخل هيما أوضته وقفل عليه بعد ما طلعوا بعت رساله لدارين.
هيما.....لو فاضيه عايز اكلمك ولا هتهربي
رن موبايل دارين وعمل صوت إشعار اخواتها كانوا جنبها.
لمحت اسم هيما فا ابتسمت.
دانه.....ايوه الضحكه دي انا عرفاها هيما صح هيما هيما قولي متتكسفيش
دارين....بابتسامه بس بقي بلاش رخامه
ديما....بتخبي علينا يا دودو
دارين....حتي انتي 
دانه....طيب نشوف باعتلك ايه احنا مس اخوات بردوا
دارين....لا مش اخوان ومش هتشوفوا واقولكم يلا انتي وهي من هنا روحوا علي اوضكم
دانه...كمان بتطردينا من اوضتك عشان سي هيما
ديما....لا ده الموضوع اتطور خالص
دارين.....عندك حق ولو قعدتوا لحظه كمان الموضوع هيتطور اكتر وهفتح دماغكم يلا
دانه.....طب