أبن ليل بقلم اميره أسامه الفصل الأربعون

وجيت اشربها معاكي .
ابتسمت دره بضعف وهزت راسها.
دره.....جات في وقتها
كرم.....بابتسامه طلع من جيبه شيكولاته هي جات في وقتها بس دي هتتاكل الاول عشان متتعبيش انتب محتاجه اي حاجه مسكره.
فتحها كرم وحطها قدامها وقرب منها القهوه وبعدين طلع سېجاره حطها بين شفايفه وقبل ما يولعها سحبتها دره ومسكت علبه السجاير رجعاها فيها
بصلها كرم بهدوء وبعدين ساب الولاعه ومسك القهوه لمح دره مداله ايدها بقطعه من الشيكولاته.
ابتسم وخدها منها .
فضلوا ساكتين شويه ومفيش اي صوت هي سرحانه وهو عينه عليها.
كرم...بهدوء انا هنروح مع دكتور عمرو في الدفنه بتاعت والدته مش عايز نسيبه لوحده مش هنتأخر عليكي لو حصل اي حاجه كلميني.
دره....بهدوء تمام هو هيتحرك امته
كرم.....الساعه الوقت تسعه ونص هيبدأوا يجهزوها الوقت وهنتحرك اول ما تكون جاهزه عشان هنصلي عليها وقت الضهر ساعتين بالكتير وهنمشي هو قالي مدفانهم هنا يعني قريبن.
دره.....تمام
اتنهدت دره تنهيده طويله وبعدين مسكت موبايلها فتحته.
كرم ...فاصل شحن ولا حصله حاجه لما وقع
دره....لا ده فاصل خالص هو اصلا كان خلاص هيفصل لما كنت بنكلمهم عشان نطمن عليهم ومن بعدها فصل خالص ومقدرتش اشحنه.
كرم....تمام.
الموبايل اتفتح وثواني وفضل يعمل صوت إشعارات كتير ورسايل كتير توصل .
بصت دره پغضب بسيط من غير ما تحسس كرم جالها ان يوسف اتصل بيها علي الساعه 10 مساءا
ثلاث مرات كان بعد ما قفلت معاه قبل الحاډثه بشويه. وبعدين لمحت رسالتين منه وراء بعض.
يوسف....دره انا اتصلت عليكي اكتر من مره وموبايلك كان مقفول انا قولتلك اني هقعد كام يوم هنا تكوني فكرتي فيهم وتوافقي اننا نتقابل بس انا مش قادر يا دره وحقيقي لازم اقابلك عموما انا لقيت رحله نازله مصر الساعه 12 وحجزت وكلها كام ساعه واكون عندك انا مش هاجي يا دره في بيتكم عشان عارف انك مش عايزه تشوفيني بس هستناكي تكلميني وتديني معاد نتقابل فيه ولازم نتقابل يادره انا مش راجع غير لما اشوفك ونتكلم لما أوصل هكلمك و أعرفك اني بقيت جنبك.
الرساله التانيه الساعه خمسه الفجر.
يوسف....دره انا وصلت وحجزت في فندق ولسه موبايلك مقفول بردوا لما تفتحي موبايلك وتشوفي رسايلي ياريت تكلميني علي الرقم ده....
حست دره انها هيغم عليها والدنيا بتلف بيها وفضل صدرها يعلي ويهبط بتوتر وقلق وڠضب مشاعر مختلطه اتجمعت في وقت واحد
كرم.....انتي كويسه
بصتله دره وهي ماسكه الموبايل وهزت راسها وراء بعض
دره....بإرتباك ااا اه كويسه.
كرم....امال مالك في ايه ليه اتغيرتي لما بصيتي علي الموبايل في حد باعتلك حاجه
دره......ااااا لا مفيش مين هيبعتلي كلكم معايا.
كرم.....يعني چاك مثلا
دره...لا لا مفيش
كرم.....متأكده يا دره
دره....في ايه يا كرم قولتلك مفيش
كرم.....طيب تمام .
مر حوالي ساعه ونص كانت والده عمرو غسلوها وبدأوا يكفنوها وطل شهاده الوفاه عمرو كانت حالته مش حلوه كرم طلع مكتبه غير هدومه بتاعت العمليات اللي كان لسه لابسها وراح يطمن علي الشباب قبل ما يتحرك نزل معاه بكر وعبدالله وابوه وزكريا بعد ما ريحوا شويه.
الشباب كلهم كانوا صحيوا لكن اللي كان جاي عليهم بصمت حتي كلامهم كان بسيط محمد وهيما كانوا حاسين بتعب بسيط ومفعول المسكن كان بدأ يروح.
اما البنات فا وضعهم كان نفس وضع الشباب ساكتين عاملين زي اللي واخدين بحاجه علي راسهم
دانه اللي كانت اقوي شويه بتتكلم بسيط لكن كانت بتتفاعل اما دارين فا من وقت ما فاقت وهي مش بتنطق ولا بترد علي اي حد دموعها نازله من غير ولا كلمه وده سبب للكل قلق.
بعد ما كرم خرج من مكتب دره عشان