أبن ليل بقلم اميره أسامه

كده واضح ان في حاجه مش تمام
بدأت دره تحكيله كل حرف دار بينها وبين يوسف.
دره.....بس هو ده كل اللي حصل ومن وقت ما عرفت انه هنا وكمان بقي جنبي وانا مړعوبه عارفه انه مش هيقدر يعمل اي حاجه وانا وسط اهلي وناسي بس كمان قلقانه يا چاك لاني مش قادره اتوقع ايه اللي في دماغه من ناحيتي خاېفه كمان علي البنات چاك انا هتجنن وبموت بالبطئ مش قادره اتخيل ان ده البني ادم اللي عيشت معاه عشرين سنه
چاك....دره كده في حاجه غلط احنا كده مش عارفين فعلا ايه اللي في دماغه انتي لازم تخلي بالك كويس ولازم تعرفي حاجه مهمه انا هنا مش ساكت يا دره وعرفت معلومات كتير عن يوسف ودينا بطريقتي يوسف ودينا مفيش بينهم وبين اي شخص تعامل مفيش اي وسيط لشغلهم لا مستثمر كبير ولا شړاكه من اي نوع مع اي حد يوسف بيكدب عليكي دره
دره.....انا شكيت في كلامه علي فكره ورغم انه مقنع وكلامه يجبرك انك تصدقه بس قلبي مصدقهوش
جاك....ومش لازم تصدقيه دره اسمعي كلامي مفيش مستثمر انا جبت كل المعلومات اللي ممكن نحتاجها ومفيش أي حاجه من كلامه مظبوطه دينا عارفه انه موجود في دبي حبت تكدب لما وقعت في الكلام بس معرفتش وهربت بطريقه تبين توترها اكتر وعارفه كمان موضوع القضيه وهما متفقين مع بعض يوسف بيدبر لحاجه احنا منعرفهاش يا دره تقدري تقوليلي ليه يوسف حب يشوفك الوقت بالذات ليه مخدش الخطوه دي قبل ما نرفع القضيه.
دره.....صح يا چاك بس هو قالي ان الفلوس اللي انا طلباها دي هو مجبر يدفعها للمستثمر عشان يعوض الخساره
چاك....وقالك انه هيقفل معاكي ويبعتلك جزء طب ازاي وهو في امس الحاجه للفلوس يوسف كلامه كله متناقض وبيثبت سوء نيته يوسف بقاله كام اسبوع عنده مشاكل مع رجال اعمال بيحاربهم في شغلهم البيزنيس والفلوس عموا عينه يا دره مش شايف حد واي حد بيقف قدامه بيدوس عليه ودينا مسيطره عليه وهي اللي بتوجهوا صدقيني دره يوسف مش جاي في خير.
دره.....طيب اعمل ايه چاك انا قافله الموبايل عشان ميوصليش بس عارفه ان ده مش حل يوسف عارف بيت اهلي هنا ولو راح وعرف موضوع الحاډثه هيستغل الموقف ويعمل بناته حجه وبردوا هيقدر يوصلي بسهوله اعمل ايه قولي انا دماغي واقفه
چاك.....اسمعي دره في شويه حجات لازم نعملها ولحد ما اظبط خطه كويسه في دماغي مبدأيا افتحي موبايلك وكمان تكلميه وعرفيه اللي حصل مع البنات
دره....انت بتقول ايه چاك 
چاك...متقلقيش يوسف لازم يوصلك ولازم يحس انك مدياله الامان
دره....مش هقدر چاك مش هقدر انا اصلا سمعت صوته كنت عايزه اموت نفسي ازاي عايزني اشوفه وكمان ابين اني كويسه مش هيصدقني لاني مش هقدر امثل
چاك.....خليكي عاديه اللي اقصده متحسسيهوش انك قلقانه من غدره خلي كل غضبك ظاهر اتجوز عليكي غدر بيكي انتي والبنات خد منك حقك هي دي المشاعر اللي لازم تكون ظاهره لكن خۏفك وقلقك من اي حاجه ممكن يعملها بلاش تحسسيه بيهم فهماني دره
دره....فهماك
چاك... في حاجه كمان مهمه انتي في حد عندك يعرف بمكالمه يوسف وانه في مصر
دره....لا خالص مفيش اي حد حتي البنات محدش يعرف هما اصلا ميعرفوش لسه اني رافعه عليه قضيه
چاك....سيبك من البنات الوقت المهم لازم تعرفي اي شخص كل اللي بيحصل لازم يكون في شخص معاكي دره عشان عينه تبقي معاكي ويقدر يحميكي
دره....مش هقدر چاك هقول لمين اخويا وبابا لو شافوا مش هيتحملوا بسبب اللي عمله فيا اروح انا اقولهم ان نيته فيها شړ
چاك....وكرم
دره....مستحيل چاك مقدرش كرم مش بعيد يموته ده اكتر شخص انا حامله همه هو اصلا بيعتبره خصم ليه وشايف ان هو السبب في بعدنا عن بعض وانه خدني. منه چاك كرم راجل وغيرة الراجل الشرقي صعبه وكرم صعب صدقني ولو عرف كمان اللي بنقوله ده وقتها انا مضمنش كرم لانه مش هيدي نفسه فرصه يفكر و انا مستحيل اعرضه للأذي.
چاك....بس لازم حد يكون معاكي دره انتي مينفعش تتعاملي في اللي هقوله ده لوحدك محتاجين طرف يساعدك.
دره....طيب قولي هنعمل ايه وانا هبقي اشوف موضوع الشخص ده.
چاك....الفكره