أبن ليل بقلم اميره أسامه

اطلعله حالا علي مكتبه فا قولت نكلمك ونعرفوا منك انتي قولتيله اي حاجه من الكلام اللي قولتيهولي
دره....بلهفه لا يابكر واوعي تغلط بلسانك قدامه انا كل اللي قولته انه طلب رقمي ونزل مصر وقال انه عايز يقابلني ضروري واكيد وقولتله اكيد بيحاول يهدي بينا الدنيا بعد ما عرف بالقضيه مقولتش اكتر من كده ولا جبتله سيره عن اللي قاله ولا علي اللي چاك قاله.
بكر.....طيب كويس انا بس قولت نسألك عشان منغلطش بلساني قدامه.
دره....لا مقولتش وهو اكيد مش عايزك في حاجه زي دي هو ميعرفش ان في كلام دار بينا اصلا وبعدين هو وعدني الوقت انه يكون هادي و ميتصرفش اي تصرف يأذيه كلمك ليه بقي وعايزك في ايه
بكر....والله ما نعرف يا دره انا عموما طالعله وهنعرف ايه اللي بيدور في دماغه وهنبلغك متقلقيش
دره.....طيب تمام حاول يا بكر عشان خاطري تعرف كل اللي بيفكر فيه عشان نبقي عارفين نتصرف.
بكر....متقلقيش انا جنبه ومش هنسيبه لدماغه وعموما انا كنت هنكلمك عشان نعرف انتي عملتي ايه هتقولي ليوسف يجي فعلا ولا هتعملي ايه
دره....انا كلمته فعلا يا بكر وهو جاي وكرم عارف علي فكره انا بس عايزه نطلع نقول لبابا ولعبدالله عشان ميحاولوش يحتكوا بيه خالص انا مش مستغنيه عن اي حد فيهم وعارفه عبدالله متهور وفي غضبه مبيشوفش ربنا يستر من مقابلتهم دي.
بكر...متقلقيش بعد ما نزلتي انا والمعلم رفاعي اتكلمنا معاهم واكدنا علي عبدالله انه لو جه فعلا ميعملش اي حاجه غلط عشانك وعشان البنات
دره.....بردوا خليني انا نطلع نقولهم بنفسي وناكد عليهم مش عايزه اي غلطه منهم تبوظ كل اللي بنخطكله يا بكر.
بكر....بخصوص بقي اللي بنخططله ده انا هنطلع لكرم نشوفه عايز ايه وانتي اطلعيلهم وبعد كده عايز اشوفك بعيد عنهم ضروري وياريت بسرعه قبل ما يوسف يجي عشان في حاجه حابب اخد رايك فيها.
دره....تمام انا هنطلع حالا وانت يلا روح شوفه وهعرفك لما نخلص.
بكر.....ابعتيلي رساله بلاش تتصلي عشان لو لسه معاه ميسألش في ايه انتي عارفه انك كرم لماح وبيلقطها وهي طايره
دره....حاضر يا بكر متقلقش هنبعتلك يلا سلام
بكر....سلام يا دره.
............
طلع بكر خبط علي باب المكتب ودخل.
كرم....ملامحه مكانتش تبشر بخير تعالي يا بكر ادخل و أقفل وراك.
دخل بكر وقفل وراه وراح قعد قدامه كرم كان واقف قدام الشباك بيشرب سېجاره راح قعد قدامه.
بكر....خير يا كرم في ايه
كرم...عرفت من دره الوقت انها كلمت يوسف و بعتتله عنوان المستشفي وهو شويه و هيكون هنا
بكر....تمام وايه بقي 
كرم....بعد ما يمشي من هنا عايزك تطلع وراه وتعرف هو قاعد فين ولحد ما يرجع يا بكر تراقبلي كل خطواته
بكر.....طيب ليه يا كرم 
كرم.....عشان مش ضامنه يا بكر الزباله ده وراه حاجه واكيد مرقد لدره علي مصېبه واحنا مش هنقدر نعرف هو بيفكر في ايه غير لما نعرف كل خطواته نشوف بيروح فين متفق مع اي حد ولا لا هيقابل حد ولا لا
بكر......بص انا طبعا هعمل اللي بتقولي عليه بس مش حاسس انك بتبالغ شويه يا كرم هو مش زعيم عصابه.
كرم...لا يا بكر مش بنبالغ و بعدين انت عايز ايه يثبتلك اكتر انه زعيم عصابه بعد كل الخطط اللي عملها هو الشمال اللي اتجوزها بكر افهم ده خرج دره وبناته من البلد من غير ولا مليم ومكانش متأكد اذا كان اهلها هيقبلوا يتصالحوا معاها وينسوا اللي حصل ولا لا يعني حتي مفكرش يأمن بناته بمبلغ بسيط بكر انا عرفت من دره ان الفلوس و الشركه والبيت اللي خدهم منها بملايين فا لما ترفع عليه قضيه عشان تاخد حقها منه هو مش هيعديها بسهوله لان من بدايه غدره بيهم كان هدفه الفلوس فا مش هيسمي عليها لما ترجع حقها ولا هيستسلم واكيد عنده استعداد يعمل اي حاجه في مقابل انها متاخدش منه اي فلوس انت فاهمني.
بكر.....فاهمك يا كرم و عايزك تطمن هنبقي زي ضله وهنجيبلك كل اخباره
كرم.....هتعرف تعملها يا بكر 
بكر....هنعرف يا صاحبي متقلقش
كرم....بكر لازم تعرف كل خطواته انا واثق في دره بس كمان عارف انها ممكن تقابله من ورايا لو طلب منها ده وعارف ان مهما هنقولها متقابليهوش هتقولي حاضر بس