أبن ليل بقلم اميره أسامه

وبيعرف يلعب كوره
كرم.....اممم طب ليه الاحراج ده بس علي العموم احنا فيها ايه رايك لما تخرج وترجع تقف علي رجلك زي الاول تعلمني 
ياسين....موافق طبعا و هخليك حريف كمان
كرم.....احرف من محمد صلاح اصل بصراحه كده نفسي ابقي زيه
ياسين....بضحك لا مش اوي كده مفيش حد زي مو صلاح
كرم.....لا في ياسين ان شاء الله هتبقي زيه واحسن منه كمان ادام بتحب الكوره اوي كده يبقي افضل وراها لحد ما تحقق حلمك بس قولي بتشجع نادي ايه.
عمرو....رفع حاجبه هااا
ياسين...بضحك بابا بيشجع الاتحاد السكندري بس بصراحه انا اهلاوي وهو بيقولي لا شجع الاتحاد
كرم....هو مش ده ابوك 
ياسين....ايوه
كرم....بضحك اوعي تسمع كلامه خليك زيي يا ولا
ياسين....حضرتك اهلاوي
كرم.....بصراحه اه
عمرو....اوبااااا يعني كده الخصم بتاعي بقي اتنين
ياسين....وعشان طلعت اهلاوي وعد اعلم الكوره واخليك احسن من بابا
عمرو.....بقي كده يا عم ياسين ماشي
كرم.....لا لو علي ابوك فا مقدور عليه موافق طبعا وبلاش محمد صلاح انت اللي هتبقي محمد صلاح ان شاء الله.
عمرو.....ان شاء الله.
سونه....حمد الله علي سلامتك يا حبيبي
ياسين....الله يسلمك يا طنط.
مريم.....قولها يا سونه عشان بتزعل
كرم......حتي البت عرفت انك مبتحبيش طنط
سونه....الله بقينا صحاب اطلعوا منها انت.
مريم..... انت عارف يا ياسين انا قاعده مع سونه في بيتها وهي بتحبني و بتخلي بالها مني.
ياسين....طيب وليه مش قاعده مع تيته هي فين صحيح وليه مجاتش تشوفني.
بصوا لبعض و ارتبك عمرو وقبل ما حد فيهم ينطق نطقت مريم
مريم.....ماهي تيته خلاص راحت عند ربنا
بص ياسين لعمرو پصدمه.
ياسين....هي تيته ماټت يا بابا
عمرو....اااا ياسين يا حبيبي
كرم.....ادعيلها يا ياسين هي راحت مكان جميل واكيد هي حاسه بيك وشيفاك ونفسي تطمن عليك وانت طالع من هنا بخير
ياسين....بدموع ليه مقولتليش يا بابا
بصله عمرو بحزن ومعرفش يقوله حاجه.
سونه.... بابا كان خاېف عليك يا ياسين ومش عايز يضايقك وانت تعبان ادعيليها يا حبيبي وكل ما تفتكرها اقرألها الفاتحه وهي هتفرح بيك اوي
ياسين......بس انا كنت عايز اشوفها
عمرو....بۏجع ايه يا ياسين ده انا بنقول عليك جدع وراجل عايز مريم تبقي اجدع منك ولا ايه
مريم....متزعلش يا ياسين سونه قالتلي كل ما هتوحشني هي وماما افضل افكر فيهم بليل وادعيلهم وهما هيجوا في الحلم يطمنوا عليهم.
سونه....اجمد كده امال يا بطل وبعدين الزعل هيخليك تتعب اكتر وبدل ما تخرج بكره ولا بعده هتفضل كام يوم كمان انت مش عايز تخرج وتبقي كويس وترجع للكوره تاني.
ياسين....ايوه 
سونه....خلاص يبقي بدل ما نعيط ونتعب نقول الحمد لله وندعيلها وندعي لماما وبعدين هنا لو حسوا انك زعلان كده هيزعلوا منك لانك هتتعب نفسك وتهمل تمارينك وهما اكيد كان نفسهم يشوفوك احسن حد في الدنيا انت ومريم
ياسين.....بس خلاص مفيش تمارين تاني 
كرم....ومين قال كده بس انت اول ما تتحسن هقولك علي طول يلا يا بطل علي تمارينك
ياسين....تيته هي اللي كانت بتوديني التمارين والدروس وحتي المدرسه عشان بابا مش فاضي وبيروح شغله الوقت محدش هيودينا
عمرو....مين قالك كده وحتي لو مش فاضي هنفضيلك نفسي يا ياسين هو انا عندي اغلي منك انت واختك.
سونه....هتروح تمارينك و مدرستك و دروسك وهتبقي اشطر حد في الدنيا واكيد بابا عمره ما هيقصر معاكم انت بس اخرج من هنا بالسلامه وكل حاجه هترجع زي ما كانت بس المهم متعيطش ولا تزعل اتفقنا
ياسين.....حاضر
كرم....والوقت يا بطل بقي عايزين نجرب نمشي ونتحرك شويه بابا هيفضل معاك ويمشيك شويه وانا اوعدك لو بابا قالي انك مشيت حبه حلوين كام مره كده هقولك معاد خروجك امته واوعي تنسي انك وعدتني اجي اشوفك وانا بتلعب وبعدها هتعلمني
ياسين....ماشي .
سونه....يلا انا هناخد مريم ونطلع فوق وانت خليك معاه
ياسين....هي مريم راحه فين
سونه.....هتفضل معايا اصل انا بنتي محجوزه بردوا هنا
ياسين...هي كانت في الحاډثه
سونه....اه بس الحمد لله بقت احسن عقبالك يا حبيبي يلا يا بطل قوم بقي اتمشي شويه ولما تخلص انا هنيجي انا ومريم نقعد معاك شويه ماشي
ياسين....ماشي يا طنط
سونه....طنط تاني
ياسين....بإبتسامه ماشي يا سونه
سونه....بإبتسامه ماشي يا حبيبي يلا هنسيبك شويه بقي وعارفه انك شاطر وهتخرج من هنا بسرعه.
كرم....يلا خليك معاه يا عمرو سلام يا كابتن
ياسين....سلام.
.............
نزل بكر عشان يشرب سېجاره وكان بيدور بعينه علي دره عشان يطمن يوسف كلمها ولا لا مكانش ليها اثر فا راح علي مكتبها خبط وبعدين فتح