أبن ليل بقلم اميره أسامه

حاجه في مقابل انه ميخسرش الفلوس
بكر.....ايوه يا دره بس معني كده ان لازم الخۏف والقلق يفضلوا موجودين انتي كده بتلعبي پالنار
دره....انا فعلا هلعب پالنار يا بكر بس بعد ما اولعها بنفسي و بأيدي مش بأيد يوسف
بكر....طيب انا بردوا لسه الصوره موضحتش اوي ومش فاهم ليه مش بتردي عليه
دره....بإبتسامه هقولك أوقات بتبقي حاجه حلوه وفي مصلحتك لما خصومتك تيجي من الشخص اللي انت عاشرته سنين لانك بتبقي عارف هو بيفكر ازاي وايه هي اولويات تفكيره امته يهاجم وامته يقف ثابت بالظبط زي اللعيب اللي بيسيب النادي اللي بيلعب فيه عشان يلعب في المنتخب مع بلده ده اكتر واحد بيبقي مكشوف لزمايله اللي كانوا بيلعبوا مع في النادي بتاعهم لانهم عارفين طريقه تلعبه عارفين بيفكر ازاي امته يهاجم وامته يدافع وانا عشرتي ليوسف خلتني حافظه كل نقاط ضعفه وتفكيره يوسف فكر في خطه سهله وهي الاستعطاف
كان فاكر انه لما يقولي انه متورط مع مستثمر بيشتغل في شغل شمال وانه عمل كل ده عشان يحميني انا والبنات هصدقه و هيصعب عليا ومش بس كده ده مش بعيد اشوفه بطل بس لما حس ان كل ده مفرقش معايا وصممت علي رأيي نزل علي مصر 
وهو لسه متمسك بخطته بردوا الأستعطاف بس لتاني مره اتفاجئ برد فعل البنات ورد فعل الكل وخاف و دماغه وقفت كان عارف ان خطته دي مش هتعرف تتنفذ في وجودهم ولازم يضحك علي دره العبيطه بس بعيد عنهم وعشان كده من بدري وهو بيتصل بيا ولنا مش برد عليه وطبعا عايز يكمل باقي خطته انه سابني اهدي وساب الدنيا عندي تهدي شويه بس هو بردوا لازم يشوفني. عشان يتكلم معايا
بكر.....طب وانتي ايش عرفك ما يمكن بيكلمك عشان لقي خطه تانيه وحابب ينفذها ومش هنكدب عليكي انا بدأت اقلق منه
دره....بالعكس اللي بنقوله ده هو اللي في دماغ يوسف لان لو يوسف كان فكر في طريقه تانيه غير الاستعطاف مكنش ضيع وقته طول اليوم في الاتصال او علي الاقل كان مثلا لجأ لسونه اللي هي قدامه پتكرهني وتتمنالي الاڈيه كلن مثلا طلب منها تعرف كل تحركاتي تعرفه ان في المستشفي ولا في البيت و روحت معايا حد لوحدي ولو في المستشفي هيطلب منها تعرفه لو طلعت لو في حد معايا وطبعا ده محصلش ولو هو ناوي يتصل بحسن عشان يوصله بعد ما طبعا خد رقمه كان بردوا زمانه اتصل وعرفنا من حسن بس كل ده محصلش فا يوسف لسه متمسك بخطته لحد الوقت ومستني اني ارد عليه
بكر.....طيب انا معاكي وكلامك منطقي جدا بس انتي ليه مردتيش عليه لحد الوقت انا خاېف عدم ردك ده يخليه يقرر انه يجيلك من غير ما يقول ووقتها ممكن يلمح سونه او حسن والخطه بتاعنا تبوظ.
دره....مش هيعمل كده يوسف مستني ارد عليه الاول مش عايز يغلط او تتاخد عليه اي غلطه من الاخر يوسف بيحايلني وبيجيب اخري وعدم ردي عليه استفزاز ليه انا عارفه انه زمانه شايط عشان مردتش وهو ده اللي انا عيزاه زي ما قولتلك في بدايه كلامي الخطه بتاعتي كامله بس ناقص اهم جزء فيها وده هيكمله يوسف.
بكر....ازاي مش فاهم
دره......لما هرد عليه هستفزه اكتر وهرفض اي طلب يطلبه سواء يقابلني او يتكلم معايا من الاخر مش هديله فرصه يكمل خطته اللي مكملتش ووقتها قناع الاستعطاف اللي هو لابسه ده هيقع ووقتها هيستغني عن الخطه دي ويبدلها بخطه احقر وكلامي ده هثبتهولك لما ارد عليه واصده
وقتها هتلاقيه لا هيكلم سونه لا اما هيكلم حسن لانه هيبقي محتاج مساعدتهم من الاخر يا بكر
انا مستنيه يوسف يكون فعل عشان اقدر اكون رد فعل وابدأ في تنفيذ خطتي.
بكر....بضحك اوباااا فهمتك انا كده طيب مستنيه ايه ما تكلميه عشان نخلص بسرعه من خطته دي ونشوف ابه الخطه اللي ممكن يلجألها.
دره....انا بعت رساله من شويه لچاك لاني كلمته ومردش بس هو هيكلمني لما يشوف الرساله
بكر....طيب وانتي عايزه ايه من چاك الوقت
دره.....في معلومتين مهمين محتاجه اعرفهم قبل ما ارد علي يوسف وأبدأ في تنفيذ خطتي ومش هعرف اعمل كده غير لما چاك