أبن ليل بقلم اميره أسامه البارت السابع والأربعون

حاجه دره انا اهم حاجه عندي اشوفك مبسوطه واسمع صوتك بالشكل ده و خلينا في الاهم الوقت ناقص اهم خطوه وهو بيع حقك.
دره.....خليني اكلمك تاني واول ما اقولك تمام نفذ علي طول
چاك.....تمام وانا في انتظارك
دره.....باي چاك
چاك....باي دره.
قفلت دره وبصت لكرم وهي مبتسمه ودموعها نازله
دره.....حقي رجعلي يا كرم
كرم....مبروك يا قلب كرم
بكر وحسن وسونه كانوا باصين عليهم ومبتسمين فرحانين من قلبهم عشان الخطه نجحت وعشان دره رجعلها حقها.
يوسف....بتعب وإرهاق واضح مكانش قادر يفتح عينه بيتهيألي انا كده نفذتلك اللي انتي عيزاني فكوني بقي ومشوني من هنا
كرم....نمشيك ده ايه انت ضيفنا ودي تيجي ياراجل
يوسف....ايه هتعمل فيا ابه انت وعدتني وادتني كلمه
كرم....وانا عندك كلمتي بس الوقت الساعه داخله علي عشره ونص وانت طيارتك الساعه سته يعني بنتكلم في خمس ست ساعات وبما انك هتمشي من هنا غلي المطار عدل ومش معاك شنط ولا اي حاجه تعطلك في المطار فا انت هتوصل المطار علي خمسه وربع وده اخرك معايا وهنوصلك بنفسي كمان.
يوسف....مستحيل طبعا انا لازم اروح الفندق انت عايزني اقعد هنا كل ده طب وحاجتي
كرم....كام قميص علي بنطلون علي چاكت مش قصه يعني وبعدين انا شوفت في شنطتك الباسبور وجوه الباسبور التيكت بتاع الطياره ودول اهم حاجه 
يوسف.....هروح المطار ازاي بلبسي ده
كرم....ماهو عشان تعرف بردوا ان الاسكندرانيه جدعان ويعرفوا الاصول جتيبلك ياعم غيار هتلبسه وتظبط نفسك قبل ما تمشي علي طول مش الوقت خليك شويه كده زي ما انت.
يوسف.....بقلة حيله طيب انا عطشان وعايز ادخل الحمام اكيد مش هفضل كده ست ساعات
كرم....عطشان ودي ليها حل شاور براسه لبكر
بكر....بس كده عيني بيقولوا بردوا ان اللي شرب كلب دخل فيه الجنه
كرم.....وبالنسبه بقي للحمام فا معلش مفيش هنا حمامات ومش هينفع يعني نفكك قدام الحريم المنظر مش حلو وبما انك هتغير هدومك فا صرف روحك
قرب منه بكر شربه وبعدين بعد عنه نزل يوسف راسه بتعب كان بيفتح عينه بالعافيه.
دره.....بهمس هو احنا هنفضل هنا كل ده انا مش قادره.
بصلها كرم وحط ايده علي خدها وبعدين بصلهم
كرم....تعالوا بره عايزكم
خرجوا كلهم بره كان باين عليهم التعب.
كرم.....لسه فاضل كتير دره وسونه فصلوا خلاص فا هنمشي من هنا كلنا وقبل معاد الطياره بساعه هنسبقه علي المطار انا وانت با بكر نكون ارتاحنا شويه ونطمن انه ركب وغار في داهيه و موبايله هيفضل مقفول و معايا ولما نروح هنبقي نديهوله
دره....انت عايزنا نسيبه ونمشي وبعدين هتسبقه علي المطار ازاي وهو ازاي هيجي
كرم بصلهم وكلهم ضحكوا
دره....انت بتضحك علي ايه
مسكها كرم من قفاها ولفها ناحيه البوابه الخارجيه شايفه العربيتين اللي هناك دول. دول كلمهم الصبيان اللي شغالين معانا في الدكاكين من امبارح مستنين اشاره هيفضلوا معاه لحد ما يوصلوه علي المطار وهنفضل خطوه خطوه معاهم بالموبايل
دره....بإبتسامه طيب انا مش هنسأل تاني لان انا لحد الوقت مش فاهمه حاجه بس كل اللي عايزه نقوله ان انتوا التلاته يومكم مش معدي
كرم.....لا يا شيخه انتي كمان ليكي عيني تتكلمي يا شبر ونص انا بقي اللي عايز نفهم
مسكها من قفاها كأنه قابض علي حرامي ضحكوا كلهم وبصتله دره وهي بتضحك في ايه
كرم.....سجاير يا بت بلبله بتشربي سجاير يابت ده انا هننفخك
دره....بضحك استني بس هنفهمك انا قولت يعني لزوم الشغل حاجه تكمل البرستيچ عشان نمثل الدور كويس
كرم....برستيچ ايه وشغل ايه ما كنتي شربتي حشېش احسن
بكر.....بضحك اهي حكايه السجاير دي مكنتش نعرف عنها حاجه والله
دره....صراحه لا انا اللي جبتها بس والله انا لا بنحبها ولا بنحب ريحتها
كرم....يابت ده انتي كنتي بتشربي من غير ما تكحي كنت شايفك من بعيد وهاين عليا ندخل نبوظ الخطه علي دماعك
دره....بضحك لا ما اهو انا من امبارح بنجربها في اوضتي قولت عشان نتعود عليها والبرستيچ ما يروحش لما اقعد اكح قدامه
كرم.....احييييييه كمان بتجربيها من امبارح ده انا هرفعك علي باب الشارع يا بت الجمال وايه يابت طقم الفروسيه اللي انتي لبساه ده
دره.....بضحك طب خلاص والنبي كفايه دوخت والله وبعدين انت قافش حرامي
كرم....بإبتسامه ماشي لينا حساب بعدين سابها وحط صباعه بين شفايفه صفر لللشباب ثواني وفتحوا العربيات وكانوا قدامه.
كرم......انا هنمشي انا والجماعه تفضلوا هنا وعينكم عليه لا بتفك ولا تغفلوا عنه يفضل هنا وهنبقي معاكم عالموبايل كل خطوه هقولكم تعملوا ايه 
الشاب....تمام يا معلم
كرم.....مش عابزه يلبس سيبه كده خلوه يتربي قبل معاد السفر هعرفكم وتخلوه يلبس وانا هنيجي انا وبكر عالمطار هنسبقكم
الشباب....تمام
كرم ....وحاجه اخيره عايزكم تروقوا عليه بس نفسيا يعني من للاخر عايزكم تعملولوا كارت إرهاب من غير ما يتلمس
الشباب....بضحك تمام متقلقش.
كرك....ولا با حسن ادي لخالد مفتاح التاكسي هو هيرجعه واحنا كلنا هنركب سوا.
حسن....احسن والله انا مش قادر نسوق وفاصل
كرم....عينكم عليه يا شباب
الشباب.....تمام
خدهم كرم وراحوا ركبوا العربيه اول ما سونه طلعت سندت راسها بتعب وغمضت عينها
وبكر وحسن كمان سندوا راسهم علي ضهر الكنبه
وقعدت دره معاه قدام سندت راسها