أبن ليل بقلم اميره أسامه بارت 56حصريه لمدونه ايام نيوز

رجله
وأخيرا اكتشف الفرق بين دره ودينا لكن اكتشافه ده كان بعد فوات الاوان.
اما عند البنات والشباب كل يوم كانوا بيتعلقوا ببعض اكتر دارين وهيما علاقتهم بقت اقوي بكتير
حب دارين بقي واضح وضوح الشمس وقدر هيما بمواقف بسيطه يخليها تنسي ادم كأنه مكانش موجود وعرفت معني الحب بجد وان اللي كانت عيشاه مع ادم مجرد شعور مراهقين وهي اكتشفت ان علاقتها بآدم مكانتش اكتر من هروب بعد الموقف اللي شافت فيه ابوها ودينا كانت بتحاول تدور علي آمان تاني غيره او بتحاول تشغل نفسها في علاقه عشان تبطل تفكير لكن الاكيد انها مكانتش قصه حقيقيه.
اما دانه ومحمد علاقتهم كانت جميله اوي قدر نحمد يخطف قلب دانه بجد وقدرت هي كمان ټخطف قلبه 
الأيام كانت بتجري تقريبا كل الناس خلاص عرفت بخبر جواز دره وكرم كانوا فرحانين لكرم من قلبهم.
رجع عبدالله وبكر ومها ودعاء من سفريتهم اللي حسنت نفسيتهم كتير كانوا راجعين مبسوطين كأنهم لسه عرسان في شهر العسل
وبعد رجوعهم بيومين ودعوا كبار العيله ووصلوهم للمطار بنفسهم وطلبوا منهم يدعولهم كتير
كانوا طايرين من الفرحه ومبسوطين اوي وبالاخص لانهم مع بعض في سفريه واحده بعد سنين انقطاع عن بعض 
وبمجرد ما مها ودعاء رجعوا بدأوا يشيلوا عن دره شويه وبقوا ينزلوا مع سونه وسماح و وصتهم دره يشتروا كل حاجه نفسهم فيها والبنات كانوا معاهم.
ورجعت دره من تاني تتفرغ لكرم ولتجهيز الشقق معاه
بكر وعبدالله والشباب كانوا ديما موجودين لأي مساعده سواء حسن او عمرو او حتي كرم اللي كان باين عليه التعب والإرهاق وبمجرد ما يلاقي وقت يرتاح فيه كان بيرمي نفسه في اي مكان وينام شويه.
فضل الوقت يجري ويجري وفات عشر ايام كمان .تقريبا اول شقه جهزت كانت بتاعت عمرو وسونه لانها مكانتش محتاجه حجات كتير والشقق بتاعت كرم كانت خلاص بتقرب وفضل شقه حسن لانه بيجهزها لاول مره .
رجعوا من العمره وأستقبلوهم بفرحه وباركولهم وكالعاده منكش استقبلهم بطريقته الجميله هو واهل الشارع ورحبوا بيهم.
وأستكملوا باقي التجهيزات معاهم
نبيله كانت طايره من الفرحه وهي بتنزل مع دره تختارلها لبس جوازها وجهازها وزكريا فرحتة مكانتش تقل عن فرحة نبيله وهو شايف بنته بتنزل تجيب حاجتها بنفسها وهو بيحاسب من ماله الخاص ودي كانت اكتر حاجه مفرحاه شعور جميل أتحرم منه لكن ربنا عوضه.
بعد شهر كامل من قعدتهم الاخيره أخيرا الشقق كلها انتهت خلص كرم الشقتين في وقت قياسي وكان رافض دره تشوفهم كانت بس بتختار ومش بتشوف اي شقه كلن حابب يعملهالها مفجأه.
عمرو كمان خلص شقته هو وسونه والعفش كله وصل فيها والشقه بتاعته القديمه اتباعت بس اتفق مع اللي هيشتري انه هيسيبها اخر الشهر عشان بكون اتجوز ويسيبها ويروح علي الجديده.
اما شقه حسن انتهت من التشطيبات كلها جزء كبير من العفش وصل كان ناقص حجات بسيطه سماح وسونه خلصوا كل حاجه واشتروا كل اللي نفسهم فيه ودره مقصرتش مع اي حد
والجميع حرفيا تعبوا مع الكل
وأخيرا الارض بتاعت بكر خلصت ويمكن احسن ما كان بيتمني اتزرعت بالكامل بكل حاجه كان نفسه فيها لكن اكيد كانت محتاجه وقت تطرح فيها سواء فاكهه او خضار
عملوا جزء منها لتربيه الدواجن وجزء تاني لتربيه المواشي الارض كانت شكلها جميل منظمه واللي اشتغلوا فيها نفذوها زي ما كرم طلب منهم بالظبط.
واحلي حاجه اتنفذت في الارض جزء جانبي اتعمل قعده عشان يروحوا كل فتره يقضوا فيها يوم ويقعدوا مع بعض