مملكة احفاد الطوبجي الجزء الثالث أميره أسامه

هقول لمراد.
تقي.....قوله انا لسه قيلاله اصلا
سالم....بضحك قطعتي بطاقتك ولا لسه يا تقي.
تقي....بضحك قطعتها هات الورق خلصني.
سالم....اخلصك انا بشحت منك امسكي
خرج داوود من مكتبه وقف مع زيد يتكلموا وبعدين راحوا علي تقي
داوود.....تقي معلش صوريلي الملف ده بسرعه
تقي.....لا افهم بقي انا بشتغل ايه هنا بالظبط ما كنت اشتغلت في مكتبه احسنلي
سالم....بضحك ابعدوا عنها السعادي.
زيد.....بضحك ايه الوقفه دي صحيح كلكم واقفين تصورا
تقي.....وانت سبقتهم
داوود....بإبتسامه طيب معلش صوريلي بس انا الملف ده ضروري.
سالم.....بس يا بابا انا جاي قبلك.
تقي......بصتلهم بطرف عينها دي مبقتش شركه دي بقت فرن عيش و واقفين عليها طوابير
زيد......بضحك مين دي .
سالم....مش عارف انا جيت لقيتها واقفه علي مكنه التصوير
تقي.....مستر زيد استني مستر مراد قالي انه عايز التصميم
زيد....خلصي تصوير وتعالي خديه
تقي......كمان ماشي هتتعب لو جبته صح.
زيد.....بضحك وهو ماشي اه مشوار.
داوود....بطلي لماضه واخلصي عايز الملف.
تقي.....اقف بالدور وهات الملف ده.
سالم....بضحك اسكت بقي عشان شويه وهتطلع من جيبها مطوه.
داوود......سكت اهو خلاص
................
قامت فرح من علي المكتب بتاعها راحت لامير بسرعه ملقتهوش خرجت تاني لقيته في وشها جريت عليه
فرح......امير امير امير
امير.....ايه في ايه
فرح....انت كنت فين
امير....هكون فين كنت عند الباشا بيمضي علي الورق عايزه ايه
فرح....بص كده علي الملف ده مظبوط ولا لا
امير......بص عليه ثواني وبعدين بصلها وهو رافع حاجبه
فرح....ايه في ايه عكيت الدنيا صح
امير.....بإبتسامه مالك اټخضيتي كده ليه
فرح......عشان مستر مراد لو في غلطه هيعلقني.
امير....يعلق مين ميقدرش وعموما يا ستي الله ينور عاش الملف مظبوط.
فرح....بسعاده بجد .
امير....هو ايه اللي بجد انتي مش واثقه من شغلك ولا ايه يابت وبعدين ده انتي تلميذتي يعني اي غلطه هتبقي في وشي ووقتها انا اللي هعلقك مش مراد.
فرح.....بإبتسامه طيب الحمد لله انا كده براءه ومش هتعلق.
امير.....لا مش هتتعلقي روحي يلا اديهوله.
فرح....تمام يلا بااااي
امير....باي يا مجنونه.
............
خرج ياسين من مكتبه بعد شويه وراح علي مراد.
مراد.....تمام يا فروحه الله ينور روحي بقي سلميه ليوسف
فرح....تمام.
ياسين......مسك خدها عاش يا فروحه
فرح.....بإبتسامه حبيبي يا ياسو يلا باااي
مراد....ايه عملت ايه في الايميلات اللي بعتهالك.
ياسين......رديت عليهم خلاص وبعد بكره بأمر الله هيكونوا هنا عشان نوقع اتفاق.
مراد....طيب علي خيرة الله جهز بقي انت العقود من الوقت وظبط كل حاجه عشان لما يوصلوا منحرقش في وقت كتير
ياسين.....انا قولت لملك تظبط كل حاجه هي وجلال متقلقش
مراد....تمام
ياسين.....يلا انا رايح اكمل شغل لو في اي حاجه عايزها ابعتلي
مراد.....ماشي يا ابو لهب
ياسين بصله بطرف عينه من غير ولا كلمه و سابه وخرج وفضل مراد يضحك عليه.
.......................
عدت كام ساعه والكل مطحون في شغله .
خرجت خلود من الشغل بعد ما خلصت تصوير ركبت عربيتها ومشيت وهي في الطريق كانت حاسه ان عينها بتقفل بطريقه مش طبيعيه العربيات رايحه جايه من جنبها بسرعه وهي مش مركزه في الطريق بتنام علي نفسها بطريقه غير عاديه وهي كانت كويسه وقفت بسرعه علي جنب ومسكت موبايلها وهي بتتصل بيوسف قفلت وافتكرت انها شربت عصير قبل ما تخرج علي طول من اوضتها وللحظه شكت ان ممكن يكون حد حطلها حاجه فيه واكيد مش هتخرج بعيد عن هنادي مفيش غيرها اللي ممكن يعمل كده.
قفلت اتصالها مع يوسف وخاڤت تقوله هو صحيح زيد كان حكاله اللي بيحصل منها بس بردوا خاڤت تعرفه عشان ميقلقش وعشان ميعملش مشكله بسببها
اتصلت علي زيد بما انه هو اللي عارف القصه كلها.
فتح زيد الخط وهو بيتكلم مع ياسين.
زيد.....خلاص ماشي يا ياسين روح انت ظبط الشغل بالطريقه اللي قولتلك عليها دي و انا هظبط الدنيا علي الاساس ده.
ياسين...طيب تمام شويه وارجعلك.
زيد....تمام اقفل وراك. الوووو ايوه يا خلود.
خلود....بصوت مش مظبوط اوي ازيك يا زيد
زيد....بإستغراب الحمد لله ايه انتي بتتصلي بيوسف ومبيردش ولا ايه
خلود...لا لا انا بتصل بيك انت.
زيد....طيب في ايه ومال صوتك انتي كويسه
خلود.....انا مش مظبوطه يا زيد ومرضتش اكلم يوسف عشان ميقلقش فا كلمتك انت
زيد.....طيب في ايه فهميني.
خلود.....بص الاول انا بعتلك قبل ما اتصل بيك اللوكيشن اللي انا فيه عشان لو مردتش عليك
زيد....قام وقف بقلق في ايه يا خلود متقلقنيش.
خلود.....بعد ما خلصت الحلقه روحت علي اوضتي عشان اغير وطلبت عصير شربته وخلصت بسرعه وخرجت ركبت العربيه ومشيت بس فجأه حسيت ان عيني بتقفل بطريقه غريبه النوم مسيطر عليا اوي وانا شاكه ان العصير فيه