مملكة احفاد الطوبجي الجزء الثالث أميره أسامه

فريده بسرعه
فريده....لااااا متكمليش يا زهره من فضلك انسي بقي ارجوكي اللي حصل ده موضوع واتقفل وانتي واثقه من جواكي انه اتقفل
سكتت زهره بحزن ونزلت راسها
فريده.....ارفعي راسك وبصيلي يا زهره من فضلك
بصتلها زهره بتأثر وۏجع
فريده.....زهره صدقيني اللي بتفكري فيه ده مبقاش موجود ومن زمان اوي قاسم صاحبي واخويا وجوز اختي قاسم زمان غير قاسم الوقت اوعي افضلي شايله الذنب دي حدوته واتقفلت خلاص انتي وقاسم الحاجه الحلوه اللي طلعت بيها من الدنيا كنتوا صحابي و هتفضلوا اصحابي واخواتي و عيلتي اللي مليش غيرها صدقيني يا زهره قاسم و حدوته زمان دي ملهاش علاقه باللي بقوله.
زهره....هو انتي فاكره انك لو قولتيلي انك لسه تحت تأثير حدوته زمان هزعل منك بالعكس يا فريده صدقيني مش هقدر ازعل منك
فريده....بلاش عبط اللي بتقوليه ده اصلا مينفعش يتقال كلامك ده يخليني احس انك شايفه علاقتي بقاسم لسه زي ما هي ويخليني اخد قرار انا مش حاله اخده اني ابعد عنه خالص عشان انتي تكوني مرتاحه
زهره......انا اللي كلامي عبط بردوا انتي ايه اللي بتقوليه ده انتي فاكره اني شاكه فيكي او في قاسم او غيرانه او كل الهبل ده فريده انا كنت مغيبه و فوقت بقلم مكنتش اتوقعه وعرفت اني كنت غلط وبيتهيألي اني بدفع تمن غلطتي دي
فريده....بطلي عبط احنا كنا عيال ومحدش فينا بيدفع تمن حاجه
زهره....سبيني اكمل كلامي يا فريده ارجوكي انا لا بغير علي قاسم منك ولا بغير منك علي قاسم ولا بشك فيكم بالعكس انتي و قاسم اهم حاجه عندي في الدنيا وانتي عارفه كده كويس واكيد اللي قصدته من كلامي مش انك تقولي العبط ده وتبعدي عنه كل الحكايه اني بحاول افهم السبب
فريده....صدقيني استبعدي خالص الحدوته القديمه لا انتي ولا قاسم ليكم علاقه بعدم ردي غلي عاصم
زهره.....ماشي يا فريده طيب قوليلي ايه اللي ليه علاقه بعدم ردك علي عاصم خاېفه تعيدي التجربه تاني ولا انتي مش بتحبيه
فريده......اكيد كلنا لما بنمر بتجارب فاشله بنخاف ناخد خطوه جديده في حياتنا ويمكن كمان انا قولت لعاصم السبب ده اني خاېفه وهو قالي خدي وقتك براحتك بس انا هفضل موجود ڠصب عنك
زهره.....طب عايزه ايه تاني الراجل عداه العيب
فريده....عارفه بس وسط خۏفي ده انا مقتنعه يا زهره ان البني ادم لو فشل اكتر من مره دي مش معناها نهايه الدنيا واكيد مش كل الرجاله وحشين
زهره....طيب حلو يعني الخۏف طبيعي بس مسببش عقده فا بالتالي شعورك طبيعي انتي مش رافضه لانك خاېفه من الفشل يبقي كده في اخر سبب انتي مش بتبادلي عاصم نفس الشعور يا فريده.
فريده....بتنهيده اهو ده بقي مربط الفرس عاصم بقي شخص مهم في حياتي يا زهره بحب اشوفه بحب اسمع صوته بستني مكالمته بستني مفاجآته ليا بستني مقالبه هو لوكا فيا لو متكملش او اتأخر عن توقيت مكالمه انا واثقه انه بيكلمني فيها ببقي مش علي بعضي ولو في ايدي شغل مش بركز فيه لحد ما يتصل انا اتعلقت بيه ومش هكدب عليكي يا زهره انا حاسه اني حبيته وحبيته اوي كمان
زهره......الله يخربيتك انتي يابت مجنونه ولا حد خابطك علي دماغك لما انتي واقعة كده بتقاوحي في ايه يعني معندكيش اي سبب من التلاته ومع ذلك خاېفه ايه سبب خۏفك طيب
فريده.....صدقيني مش عارفه انا متلغبطه عاصم هو الراجل اللي انا عايزه اكمل معاه ومع ذلك لحد الوقت انا محسستوش بده مقولتلهوش بحبك مقلتلهوش خليك جنبي انا عايزه اكمل معاك
زهره....طيب واحده واحده ايه اللي مخليكي في الحاله دي يا فريده
فريده.....اتعلقت بيه هو ومليكه اوي حابه وجودي جنبهم ووجودهم جنبي وخاېفه اني اخسر العلاقه دي بقربي منهم
زهره....قربك منهم هيقوي العلاقه يا فريده هتبقي مراته حبيبته بنته هتبقي بنتك هتعوضيها عن امها وهتعيش في استقرار اكتر
هتريحيها وهتريحيه وانتي هترتاحي انتي بتفكري غلط يا فريده بعدك هو اللي ممكن يخليكي تخسريه مع الوقت
فريده.....انا مش عارفه اعمل ايه
زهره.....انتي بتحبيه يا فريده وبتحبيه بجد
فريده.....ده اللي مخوفني يا زهره اتعلقت بيه وحبيته اوي خاېفه اوهم نفسي بمستقبل جميل وفجأه اصحي علي كابوس
زهره.....فريده انتي محتاجه تروحي لدكتور نفسي بجد
فريده....بضحك ايه شيفاني مجنونه
زهره.....ده انتي ست المجانين طبعا شيفاكي مجنونه يعني بتحبيه و بيحبك وبنته بتحبك و متعلقه بيكي طلبك للجواز قالك هستناكي لحد ما تاخدي قرارك وراضي بكل حاجه كل شويه يكلمك و يجيلك وبيهتم بيكي عايزه ايه تاني كل حاجه تبين قد ايه علاقتكم هتبقي جميله ومع ذلك خاېفه تبقي اكيد مختله عقليا
فريده.....طيب سيبك مني انا انتي لو مكاني ومريتي بكل الظروف دي وجالك حد نفس ظروف عاصم هتعملي ايه
زهره....لو حبيتوا زي ما انتي حبتيه كده طبعا هوافق الحاجه الوحيده اللي تخليني ارفض يا فريده اني اكون مش ببادله نفس الشعور بلاش تخافي يا فريده تجارب جوازك الفشله زي ما قولتي مش معناها نهايه الدنيا جربي تاني وعيشي حياتك اتبسطي مش هينفع تكملي لوحدك انتي ربنا باعتلك راجل محترم ابن ناس بيحبك بعتلك عيله بلاش ترفضيها يافريده
فريده.....بإبتسامه بس انا مرفضتش
زهره.....تاني انتي مقبلتيش اصلا انا معاكي لازم تاخدي وقتك حتي لو مش عشان خاېفه من التجربه الطبيعي انك تاخدي وقتك وتشوفي هتقدري تكملي معاه ولا لا بس انا شايفه انك مبسوطه يا فريده
فريده....بتنهيده طيب اعمل ايه
زهره....ولا اي حاجه سيبي نفسك بس وانا واثقه ان عاصم هو اللي هيعمل كل حاجه.
ابتسمت فريده وهزت راسها وبعدين بصت بعيد
فريده....حنين وصلت
بصت زهره وراها وبعدين قامت هي وفريده سلموا عليها.
زهره....وحشتيني
حنين....بإبتسامه وانتي كمان والله عامله ايه يا ديدا.
فريده.....زي الفل انتي اخبارك ايه
حنين....تمام الحمد لله
زهره....متأخرتيش
حنين.....ابوه ما انا بيتي قريب جدا من هنا عارفه البنزينه اللي علي الطريق
زهره....ايوه دي بعد المطعم بشويه صغيره
حنين....اهو انا بيتي اللي في وش البنزينه علي طول تاني دور
زهره....طيب كويس ده انتي قريبه جدا
فريده .....تشربي ايه وانتي يا زهره
زهره.....انا نسكافيه
حنين.....وانا زي زهره
فريده....اوك نادت علي الويتر
الويتر.....تحت امرك
فريده....اتنين نسكافيه وواحد قهوه ساده
الويتر.....حالا
شالوا الاطباق بتاعت الاكل وبدأوا يتكلموا
زهره.....ايه فوليلي بقي مختفيه بقالك كام يوم ومجتيش انهارده ومعيطه وشكلك باين انك مكتئبه في ايه بقي
حنين.....بابتسامه بسيطه هزت راسها مفيش صدقيني مخنوقه شويه وفجأه حطت ايدها علي وشها وفضلت ټعيط
فريده.....حنين مالك يا روحي في ايه
زهره.....لا انا كده هعيط بجد مالك يا قلبي انتي متخانقه مع ماما او في مشاكل في البيت ولا تعبانه
حنين......لا مش متخانقه ولا تعبانه بس انا قلبي واجعني اوي
زهره....طيب اهدي عشان خاطري
فريده......سلامه قلبك يا قلبي اشربي بس مايه واهدي وخرجي كل اللي جواكي
مسكت حنين المايه شربت وهي ايدها بتترعش
زهره.....بصي اخر حاجه اصدقها اني اشوفك بالمنظر ده صحيح احنا صحاب بس في النهايه انتي من سن بنتي يعني اكبر بحوالي خمس سنين بس والله يا حنين انا نفسيا بقيت احسن بسببك انتي فا صعب اشوفك كده
حنين.....بدموع انا بني ادمه يا زهره انا عندي قلب يا فريده انا مريت بتجربه ربنا واحده اللي يعلمها عديت بمواقف مفيش حد يقدر عليها استحملت تعب يهد جبال وعمري ما قولت ليه يارب كنت راضيه و كنت قويه كنت قد الإبتلاء اللي ربنا رزقني بيه ووقفت علي رجلي وقولت اني مش هقع وهكون قد الإختبار كنت في بعض الاوقات سبب في ان ناس كتير في نفس حالتي او اقل انهم يتمسكوا بالحياه ويبقي عندهم امل بس في النهايه انا بني ادمه وعندي طاقه محتاجه اني اقول اني تعبت
فريده.....بلمعه دموع في عينها طبعا يا حنين حقك مفيش حد فينا ممكن يقاوح الضغط اللي جواه ولو ضعفتي او قولتي انك تعبتي محدش يقدر يلومك عيطي وصړخي وقولي انك تعبتي مش عيب العيب انك تكملي وانتي ضاغطه علي نفسك
زهره.....بدموع طيب اهدي عشان خاطري واحكي براحه
فريده.....سبيها ټعيط يا زهره عيطي يا حنين
حطت حنين ايدها علي وشها واڼهارت وهي بتحاول صوتها ميطلعش.
فضلت زهره تطبطب علي ضهرها وهي دموعها نازله ومش عارفه تعملها ايه.
رفعت حنين وشها و بصتلهم
حنين......انا كنت مكمله في طريقي ومقرره اني ارجع احسن من الاول وانجح من تاني رفضت اني ادخل في دايره الصحاب من تاني عشان متخذلش مفكرتش اني ارتبطت واتعلق بأي حد لحد ما ظهر ابن عمتي في حياتي كنت عارفه انه بيحبني قالي انه هيفضل جنبي حتي لو رفضت
اتعلقت بيه مش هنكر وسيبت نفسي اكتر لعلاقه مش عارفه هتنتهي علي ايه بس كنت مبسوطه خصوصا لما حسيت اني بدأت اتحسن بقي عندي امل اني اخف و أحب و أتحب وارجع اعيش حياتي كأن مفيش حاجه حصلت لحد من اسبوع حصل بينا خلاف علي حاجه عبيطه وفضل يوم بحاله ميكلمنيش اضايقت منه وقولت ايه الهبل ده انا هكلمه وافهم منه اكيد ده مش سبب يخلينا نزعل من بعض اتفتاجئت انه عاملي بلوك كنت هتجنن ليه وعشان ايه احنا حتي لو سيبنا بعض في النهايه احنا اهل وعمرها ما هتنتهي كده لحد اول امبارح اټصدمت لما عرفت انه قرأ فاتحه اخت صاحبه
انا حاسه اني في كابوس مش قادره افهم ايه اللي حصل مش مستوعبه هو عمل كده ازاي وليه 
وامته اصلا عرف البنت دي وخطبها ازاي عمتو بتتصل تعزمنا بكل سهوله كده
فريده.....طيب اهدي شويه عشان خاطري اولا هو ميستاهلش الحاله اللي انتي فيها دي
حنين.....فريده انا في الحاله دي مش بس عشان بحبه عادي ممكن اي اتنين بيحبوا بعض ميكملوش انا في الحاله دي عشان مش مستوعبه
فريده....عارفه يا روحي بس حتب لو كان السبب كبير المفروض الفراق يبقي بطريقه راقيه عن كده لازم يكون في حوار وفي كلام لازم يبقي في نهايه صح حتي لو انكم مش هتكملوا زي ما قولتي انتوا في النهايه اهل بس هو لا هامه انكم اهل ولا ان كان في بينكم حاجه ومره واحده بعد ومش بس كده ده خطب وده معناه انه كان يعرفها بقاله فتره مفيش حد هيروح يخطب او يقرا فاتحه كده فجأه.
حنين.....ده اللي هيجنني لما هو في حد في حياته ليه قرب مني ليه علقني بيه ليه مختارش نهايه افضل حتي لو كان جالي وقالي انه بيحب غيري وعايز يخطبها بس يعرفني مش اتفاجئ كده زي زي الغريب
زهره.....عشان ندل و واطي وميتساهلش دمعه منك وتبقي عبيطه لو عيطتي عليه
حنين.....صدقيني انا مش بعيط عليه قد ما بعيط من الموقف قد كده انا كنت رخيصه عنده مستاهلش حتي اني افهم قيل ما يبعد ويمشي
زهره....انتي تستاهلي احسن منه 
هو اللي خساره فيكي
فريده....طيب عمتك كان ايه