مملكة احفاد الطوبجي الجزء الثالث أميره أسامه

هيبقي في ضغط شغل
عاصم.....امممم يعني مش هشوفك الصبح
فريده.....ممكن يبقي صعب خليها بليل لما انت كمان تخلص شغل اكون خلصت اللي ورايا كله بس لو انت معرفتش يبقي احنا مع بعض بعد بكره
عاصم....مفيش بعد بكره طبعا اكيد هعرف
فريده....بسعاده ماشي هستناك
عاصم.....يلا انا همشي بقي عشان الساعه اهي داخله علي واحده ونص وعشان تلحقي ترتاحي شويه
فريده.....هتمشي
عاصم....اه كفايه كده كمان لوكا هتطلع عيني عشان اتأخرت عليها
فريده....هي لوكا كل ده صاحيه
عاصم.....لا بيتهيألي اكيد نامت بس عادي هتطلع عيني الصبح اكيد يلا يا قلبي تصبحي علي خير واتمني تيجي تقفلي الباب ورايا ماشي
بصتله فريده وهي وشها احمر اتنهدت تنهيده طويله
فريده.....عاصم
عاصم.......نعم يا قلبي
فريده....خليك شويه
بصلها عاصم وابتسم وهو مش مصدق نفسه
عاصم.....رفع حاجبه ده بجد
ابتسمت فريده بتوتر وفضلت تلعب في شعرها وترجعه لوراء ااااا يعني اقصد لو حابب تشرب قهوه
عاصم.....بإبتسامه جميله حابب اوي بس انا عايزك تنامي وترتاحي
فريده....بس انا لسه مش عندي نوم
عاصم.....يعني عيزاني افضل معاكي شويه بجد
فريده......بتوتر اااا خلاص امشي يا عاصم مش عايزه
عاصم.....بضحك ماشي يا ستي همشي يلا باي
مسكت فريده كفه بسرعه وهي مبتسمه بصلها وابتسم
فريده......بهدوء خليك
ابتسم عاصم ورفع كفها باسه بحب
عاصم.....طيب يلا روحي اعملي القهوه وانا هقعد استناكي
فريده......بسعاده هوااااا
مشيت فريده بسرعه فتحت الباب ودخلت فضل باصص عليها وهو مبسوط طلع سېجاره وقعد علي الكرسي وهو عينه علي الباب مستنيها ترجع.
بعد وقت بسيط رجعت بالقهوه قعدوا مع بعض شربوا قهوتهم فضلوا يتكلموا في حجات كتير مختلفه وبعدين مشي عاصم وقبل ما يمشي فضل واقف لحد ما قفلت علي نفسها و اطمن عليها
في صباح يوم جديد قبل السبوع بيوم اليوم كان ماشي هادي جدا تحضيرات السبوع كلها خلصت راجح كان مبسوط جدا طلع مبلغ كبير لكل الموظفين تعبيرا لفرحته بروح وراجح الصغيرين دبحوا وحضروا كل حاجه ووزعوا علي كل اللي يعرفوا والكل كان في انتظار حفلة السبوع
...................
مساءا في غرفه سالم وشمس
طلع سالم علي السرير وفضل يقلب في موبايله.
قعدت شمس جنبه مكانتش مظبوطه حاسه پخنقه وحاسه ان قلبها مقبوض.
نامت علي المخده وفضلت تتقلب كتير لاحظ سالم انها بتتحرك كتير بصلها شويه وهو ساكت وفضل متابعها بإستغراب
سالم......في ايه يا شمس مالك
شمس.....مالي يا حبيبي
سالم.....رفع حاجبه مش عارف بتتحركي كتير و فيكي حاجه غريبه انتي كويسه
شمس....اه كويسه مالي بس
سالم.....حاسس انك فيكي حاجه انتي تعبانه يا شمس
شمس ...لا يا حبيبي كويسه والله وكنت هنام
سالم....طيب هقفلك النور عشان تعرفي تنامي بكره اليوم هيكون طويل سبوع وعقيقه وليله كبيره
شمس.....ماشي يا حبيبي انت مش هتنام
سالم....لا هنام بس هشوف ايميلات الشغل
شمس....ماشي تصبح علي خير
سالم....وانتي من اهل الخير 
قفل سالم النور وهي ادتله ضهرها فضل يلعب في الموبايل بيشوف إيملات الشغل
دقايق ورجعت تتقلب تاني وبعدين قامت قعدت وهي مدياله ضهرها وحاطه ايدها علي قلبها.
بصلها سالم وبسرعه فتح الموبايل
سالم....لا كده في حاجه مالك يا شمس انتي تعبانه
شمس....بختقه يا سالم انا كويسه والله
قام سالم لف وقعد جنبها بصلها
سالم.....لا انتي مش كويسه يا شمس انتي حاسه بحاجه
شمس.....لا
سالم....امال حاطه ايدك علي قلبك ليه
شمس....بصتله وبعدين دموعها نزلت
سالم.....بقلق شمس في ايه انتي تعبانه صح انادي روح طيب
شمس.....لا لا سيبها ترتاح انا كويسه والله
سالم....طيب بټعيطي ليه يا شمس بلاش تخوفيني بالله عليكي
شمس....صدقني مفيش بس انا مخنوقه شويه
سالم....مسك ايدها طيب محنوقه من ايه يا حبيبي في حد ضايقك
شمس....خالص والله انا مش مخنوقه مضايقه انا حاسه پخنقه وقلبي مقبوض شويه
سالم......نفسك يعني مش قادره تاخديه
شمس.....مش عارفه بس مره واحده حسيت اني قلبي اتقبض وخاېفه من غير سبب والله
سالم....طيب اهدي وبطلي عياط تعالي ننزل في الجنينه
شمس....لا لا مش قادره انا هبقي كويسه يلا يا حبيبي نام انت
سالم....اكيد مش هنام واسيبك كده تعالي معايا.
مسكها سالم من ايدها وراح بيها علي الحمام غسلها وشها وبعدين خرج بيها تاني راحوا علي البلكونه اللي في اوضتهم وقفها في الهواء.
سالم.....خدي نفس كده بهدوء وحاولي تهدي
هزت راسها في صمت
سالم......انتي كنتي كويسه ومبسوطه مع البنات من شويه ايه اللي حصلك
شمس.....صدقني معرفش انا فجأه حسيت اني مخنوقه وقلبي اتقبض كان في حاجه هتحصل
سالم....حاجه ايه بس بلاش تخوفيني
شمس.....ده مجرد شعور با حبيبي متقلقش انا بس بقولك اللي حسيت بيه بس انا احسن الوقت.
سالم....طيب تحبي نتمشي شويه بالعربيه
شمس....بإبتسامه مسحت دموعها لا والله انا كويسه خلاص هروح بس اتوضي واصلي ركعتين
سالم......طيب صلي كده هتبقي احسن ولو عايزه نخرج يلا والله
شمس.....بإبتسامه مبتصدق انت وحشك السهر صح
سالم....بضحكه هاديه لا والله انا عشانك انتي
شمس......انا كويسه والله يمكن من الحمل مش اكتر
سالم......بغمزه حمل ايه انتي عشان فضلت العب في الموبايل و مخدتكيش في حضڼي اعترفي
شمس....بضحكه جميله ممكن ايوه يبقي انت السبب
سالم....وانا هصلح غلطتي يا ستي يلا روحي صلي وتعالي نامي في حضڼي.
شمس....ماشي اتفقنا
ابتسم سالم وباس كف ايدها ودخل هو وهي جوه
صلت ركعتين وبعدين طلعت نامت جنبه حاولت تبان انها احسن بس طول الليل مكانتش قادره تقاوم الاحساس اللي عندها.
وللحديث بقيه....