مملكة احفاد الطوبجي الجزء الثالث أميره أسامه

بطولي وانا بقابل الراجل اللي بيأذبك نفسيا كل دقيقه
غير الرجاله اللي شوفتهم في حياتي اللي لما يلاقوا الست لوحدها بياكلوها بعينهم و بيركزوا معاها انا عديت مراحل كتير يا علي اتخطت اني اخاڤ من رقم غريب لان الخۏف اللي حسيت بيه في حياتي وانا بطولي قواني وخلاني استسهل امور كتير فاهمني يا علي
علي....فاهمك وعلي فكره عاصم فاهمك بس احنا كا رجاله يا فريده نظرتنا بتبقي مختلفه ومهما كنا عارفين ومتأكدين ان الست قويه وقادره انها تقف علي رجلها بطولها من غير ما حد يساعدها او يشفق عليها في النهايه هي كائن ضعيف اوقات بتحتاج سند بتحتاج ترمي حمولها علي راجل هي واثقه انه هيشيلها وخليني اقولك مثال بس يعني متفهمنيش غلط عشان عارف دماغك
فريده....بإبتسامه قول
علي....بص علي حنين وبعدين بص لفريده عندك حنين مثلا انا لما عرفت حكايتها واللي مرت بيه في سن صغير من مرض لمراحل تعب كتير لمراحل خذلان لحلم ضايع مصدقتش لان اللي شايفه قدامي بنت قويه فوق ما حد يتخيل بس تفتكري يا فريده حنين حابه الدور اللي هي عايشه فيه ده تفتكري انها مش نفسها ترمي ۏجعها علي حد او انها نفسها ترتاح وتتخلي عن قناع القوه ده
فريده.....اكيد لا مفيش ست يا علي في الدنيا حابه انها تفضل عايشه دور القويه ده احنا اوقات بيجي علينا وقت وبنشتاق للضعف بنشتاق لي اننا نلاقي الشخص القوي اللي نطمنله ونعرف اننا معاه في امان
علي....بالظبط وهو ده اللي بقوله عاصم عارف انك تعتبي حابب يريحك ويشيل عنك حابب يطمن عليكي ومن حقه يا فريده انه ېخاف عليكي انا اهو انتي عارفه اني بعتبرك اختي صديقتي بس اكيد كنت خاېف عليكي وقلقت من المكالمه دي ومش انا بس كل اللي كان موجود انا واثق انهم خافوا عليكي.
فريده.....عارفه يا علي وانا لو اب حد فيكم مكاني اتعرض للموقف ده اكيد بردوا هخاف و اقلق علي فكره انا مش مضايقه من رد فعل عاصم ولا مضايقه انه كان واخد جنب وزعلان و بيكلمني الكلمه علي قد الكلمه بس هو لازم بعر انه ڠصب عني انا محتاجه وقت يا علي عشان احس اني بقيت مسؤوله من مش مسؤوله علي
لانها تفرق كتير اوي انا طول عمري شايله مسؤوليه كبيره شيلا مسؤوليه نفسي واحلامي وشغلي قراراتي غلطاتي وغلطات اللي في حياتي شيلت مسؤوليه ابني بطولي ربنا يرحمه شيلت مسؤوليه اختي وامي شيلت ۏجع فراقهم كل ده كنت لوحدي
فا جديد عليا يا علي ان الاقي الشخص اللي احس اني مسؤوله منه مش مسؤوله عليه صدقني انت لو مكاني هتحس ان الموضوع غريب لسه مش متعوده عليه
علي....علي فكره انتي صح جدا
طبيعي اي حد عايش طول عمره شايل المسؤوليه بيبقي صعب عليه يمشي وراء دماغ اي حد ديما بيبقي صوته من دماغه شايف من وجهه نظره الصح و بيعمله بس عايز اقولك بجد مش عشان عاصم اخويا بس هو حقيقي مش الشخص المتحكم العصبي اللي بيغضب بسرعه اللي بيصمم علي كلامه او الشخص اللي عايز يعرف كل خطوات حياتك عاصم ابسط من كده بكتير بس الموقف نفسه خلاه خاېف وهو لو مش بيحب او انتي مش فارقه معاه مش هيهتم فهماني ده غير انك عايشه لوحدك اكيد اللي بيحب حد يا فريده بيبقي حابب يطمن عليه شايفه في امان
فريده.....انا فاهمه و مقدره ده جدا وصدقني بحاول اتغير بحاول اسيبله المسؤوليه وخد بالك لازم قبل ما يكون في خطوه جد بينا يكون في اتفاق يكون بينا تفاهم نقدر نتواصل ونفهم طباع بعض اب خطوه جد البني ادم بياخدها لازم يكون دارسها كويس بالذات لو في نفس سني وسن عاصم
علي....علي اساس انكم كبرتوا انتوا لسه شباب
فريده....مقصدش اننا كبرنا بس كمان محناش لسه صغيرين واي قرار هيتاخد في حياتنا هيتحسب علينا في السن ده
علي.....بإبتسامه جميله وانا بجد مستني اللحظه اللي هشوفكم فيها مع بعض وعارف ومتأكد انها قربت
فريده....بإبتسامه خير يا علي عموما اطمن احنا تمام اوي
علي....اهو ده الكلام بقولك ايه تشربي قهوه
فريده....اشرب قهوه
علي.....طيب هروح أسال حنين ولوكا يشربوا ايه
رن موبايل فريده لمحت رقم زهره
فريده....بإبتسامه وانا هرد علي زهره.
غمزلها علي وقام راح لحنين ومليكه.
............
علي....بضحك قرب منها ها يا حنون تشربي معانا قهوه ولا تشربي عصير
حنين....بغيظ مليش في القهوه يا لولي ممكن عصير
علي.....بضحك ماشي يا ستي لوكا تشربي ايه
مليكه.....وهي بتلعب عصير زي حنين
علي.....ماشي يا ستي طب ايه متعبتوش من اللعب
مليكه....لا
حنين....تعالي العب معانا
علي....بإبتسامه انتي عندك حرمان طفولي ولا ايه
حنين....بضحك عشان بلعب يعني لا خالص والله انا طول عمري كنت شقيه مليكه بالنسبالي كانت ملاك بس صراحه انا ضعيفه قدام اللعب اوي
علي....بضحك بتتكلمي جد
حنين....اه والله بحب الملاهي وبحب اي مكان في كيدز اريا بحب ارسم علي وشي بحب محلات اللعب طب انت عارف زمان
سند علي علي المرجيحه هااا
حنين.....كانت مامي تقولي نفسك في ايه اقولها حد ينساني في محل لعب او سوبر ماركت كبير
علي....بضحك و هتعملي ايه فيهم
حنين...اعمل ايه ينسوني هما بس وانا اخرب الدنيا
علي.....طفله يعني من الاخر
حنين.....هي اللعب للاطفال بس
علي....اكيد لا بس يعني كبرتي خلاص علي الكلام ده
حنين....انا هفضل طول عمري صغيره وهفضل احب اللعب علي فكره اللعب مع الاطفال جميل اوي جربت تفصل من الشغل والضغوط والدنيا كلها وتلعب مع مليكه بلعبها
علي.....امممم هو انا اوقات كتير بلعب معاها بس مش اللعب الجامد ده
حنين.....طيب جرب كده يوم اجازتك تقفل موبايلك وتاخد ريست بسيط من ضغوط الحياه وتلعب بس مع مليكه صدقني هتفرق كتير في نفسيتك وهتحس انك رجعت صغير من تاني وهتشحن طاقتك
علي....اممم اشحن طاقتي
حنين....طبعا الاطفال عندهم باور فظيع بيجبروك انك تبقي زيهم تنسي العالم اللي انت قاعد فيه ده خالص وتروح العالم بتاعهم هتكتشف ان العالم بتاعهم ده مليان حجات جميله.
علي.....وفي ايه بقي العالم بتاعهم ده
حنين....لا حجات كتير براءه ضحك من القلب حركه نشاط طاقه ايجابيه سعاده ملهاش حدود سلام نفسي العالم بتاعهم مفيهوش مشاكل ولا في ضغوط ولا في حقد ولا في كراهيه
علي...اممممم خبيره كمان في عالم الاطفال
حنين.....مش خبيره ولا حاجه بس تقدر تقول يعني اني جربت اتعامل مع كل انواع البشر محستش اني مرتاحه وعلي طبيعتي غير معاهم هما
علي......افهم من كده انك لما تبقي ام ان شاء الله يعني في المستقبل هتلعبي مع ولادك
حنين....بسعاده يا خبر العب ده انا اللي هخترع اللعب طبعا هلعب معاهم ومش مره كل ما اكون فاضيه ده هيبقي اساسي في يومي تخصيص وقت بعد ما اخلص كل اللي ورايا اني اكون معاهم في العالم بتاعهم
علي....يمكن عشان لسه مجربتيش تبقي ام وتعيشي ضغوط الحياه والمسؤوليه
حنين....هي ضغوط الحياه والمسؤوليه شئ مفروغ منه بس زي ما قالت روح قبل كده احنا ممكن نرسم حياتنا ونحققها وانا هرسم حياتي علي ان كل حاجه فيها هيبقي ليها وقت ويوم ما ربنا يكرمني واكون ام اكيد هخصصلهم وقت ملكهم هما بس انا عايزه اجيب ولاد مش بس عشان اكبر واربي واعلم لا انا عايزه اعيش معاهم كل مراحل سنهم
علي....طيب قوليلي هتلعبي معاهم ازاي
حنين....زي ما بلعب الوقت مع مليكه انت عارف نفسي في ايه
علي....بإبتسامه قولي
حنين...نفسي يبقي عندي بيت كبير ليه جنينه مش شرط يبقي ڤيلا يعني هو يكون دور عباره عن شقه عاديه بس ليها جنينه كبيره عشان نعرف نلعب فيها براحتنا هنحط فيها مراجيح وزحاليق وعايزه نحط فيها بيت صغير اللي هو بتاع الاطفال ده عارفه
علي....بضحك علي الطفله اللي قدامه اه عارفه مليكه عندها واحد
حنين....اهو زي كده نلعب طول اليوم فيه ويبقي عندنا مطبخ لعبه بس يكون كبير اوي وعرايس كتير وعايزه البيت يكون في اماكن كتير نستخبي فيها
علي......اه عشان تلعبوا خلاويص اكيد
حنين....بضحك ابوه يبقي في تجديد في الاماكن مش كل شوبه هنستخبي في نفس المكان
عايزه اعمل ركن صغير في الجنينه نقعد نقرأ في حواديت وقصص عايزه اعمل فيه ركن تاني زي بتاع الاراجوز كده عارفه
علي.....بضحك اه عارفه وتطلعي بقي لابسه الشخصيات في ايدك وتتكلمي معاهم بصوت عبيط صح كده
حنين....بضحك صح كده
علي.....قولتلك عارفه طيب وعايزه ايه تاني
حنين.....والله حجات كتير بس كلها تبقي ليهم هما
علي.....طيب وانتي عايزه ايه ليكي يا حنين
حنين.....سكتت وهي مبتسمه وسرحت وبعدين بصتله
علي.....ايه صعب اوي كده
حنين.....مش صعب
علي....طب قولي
حنين.....عايزه اخف يا علي عايزه لما اوصل لتحقيق الحلم ده ويبقي عندي ولاد اكون بكامل صحتي عايزه اربيهم واديهم كل طاقتي مش بعيد علي ربنا مش كده 
علي.....بإبتسامه تأثر هتخفي يا حنين وهتبقي بكامل صحتك وبعدين لو انتي عايزه تخفي هتخفي والاهم اني شايف واحده قدامي قويه وعندها طاقه في حياتي ما شوفتها الكلمه دي مينفعش تطلع منك انتي ده انتي غشتيني ومصدقتش اصلا انك بتشتكي من اي حاجه
حنين.....الحمد لله
علي......بصي بقي ياستي هيجي يوم ان شاء الله الاول احنا هنفضل صحاب
حنين....بضحك ان شاء الله اكيد
علي....طيب بما اننا ان شاء الله هنفضل صحاب هيجي يوم وهفكرك باليوم ده واقولك فاكره لما كنتي بتقولي نفسي اخف ووقتها هتبقي احلي مامي وعندك احلي اطفال و هبقي جاي وسامع صوتك من اخر الدنيا وانتي بتجري وراهم عشان خدوا منك العروسه بتاعتك في البيت اللي انتي بتحلمي بيه ده
حنين....بإبتسامه يارب بس صحيح انت ايه اللي هيجيبك عندي من غير معاد
علي.....بصلها بطرف عينه تصدقي بالله انا غلطان واقولك خساره فيكي الحجات الحلوه اللي كنت جيبهالك زياره
حنين....بضحك استني ايه ده انت كنت جاي وجايبلي حاجه حلوه
علي.....لا خلاص بطلنا بصلها وضحك من قلبه وهي كمان فضلت تضحك وضړبته بالكف
علي.....سرحنا بخيالنا اوي ها
حنين....بضحك اه اوي انا ثانيه كمان وكنت هخمن انت جايبلي ايه في الشنطه
............
زهره.....فينك مختفيه ليه
فريده....ما انا اهو انتي اللي مختفيه شكلك بره بتصيعي فين
زهره......مش صياعه والله بس انا وروح وليلي وفيروز وكوكي وروبي خرجنا مع بعض نشوف هنلبس ايه بوم الخميس وروحنا اتغدينا وادينا قاعدين انتي بقي اللي بتصيعي فين كده
فريده....انا مع حنين ومليكه روحنا بردوا شوفنا فساتين وجينا نتغدي
زهره....اه يا اندال من غيري طيب مقولتيش ليه كنا روحنا كلنا
فريده....والله مكانش في بالي انا لاقيت حنين جيالي تطمن عليا كانت بتعمل تحاليل وقالتلي هتروح تشوف فستان قولتلها خلاص خليكي معنديش شغل كتير نروح مع بعض شويه ولقيت علي جايبلي مليكه
زهره....علي جايبلي مليكه قولتيلي بقي لا ده واضح الكيميا في عيلة مهيب اتطورت اوي
فريده.....بضحك هقفل في وشك
زهره....بضحك طب وابو مليكه مجابش مليكه ليه
فريده.....سافر الصبح شرم عنده شغل وعلي جبهالي وجالنا الوقت اتغدينا