مملكة احفاد الطوبجي الجزء الثالث أميره أسامه

حابب يطلع فيها تاني فتح عينه وهو بيتنهد وقام بهدوء مشي معاها وهي مسكاه من ايده لحد ما دخلته الحمام بصلها بلوم بمعني انتي بتضحكي عليا
ابتسمت تقي بهدوء وسحبت القميص اللي لابسه و زرايره مفتوحه
رفع مراد راسه لفوق بقلة حيله
تقي....بهدوء مش هتبقي كويس غير لو قعدت شويه في المايه هترتاح و هتتحسن
فضل باصصلها وساكت ومستسلم للحظه كانت عايزه ټضرب نفسها مېت جزمه تخيلت انها هتقلعه القميص وهو هيكمل لكن كان سايبلها نفسه لا قادره تكمل ولا قادره تتراجع هي لحد الوقت بتتكسف بس مضطره
رفعت عينها ليه هو فهم انها مكسوفه تكمل اتنهد مراد ورفع رجله جوه الچاكوزي ونزل بالبنطلون سند راسه علي حرف الچاكوزي وغمض عينه
تقي.....بإبتسامه انت نزلت بهدومك
فتح مراد عينه وابتسم ابتسامه شبه معدومه كان فاضل ثواني ووشك ينفجر من الكسوف فا قولت اخلص نفسي واخلصك
ابتسمت تقي بإحراج وسكتت
قعدت علي الچاكوزي فضلت تمشي ايدها علي شعره وتاخد بأيدها المايه وتنزلها علي راسه بهدوء وهو مغمض عينه ومستسلم خالص ودماغه شغاله مع امير علي قد غضبه وعصبيته
وغيظه من إرتكابه غلطه زي دي إلا انه متخيلش يرجع و ميلاقيهوش متأثرش بحوار انه قدم استقالته و حابب يسيب الشغل زي ما اتوجع من عدم وجوده كان عامل زي العيل الصغير اللي تايه حاسس ان في حاجه مهمه وكبيره نقصاه
يمكن كان بيسافر ويسيبه ويمكن امير كمان كان بيسافر بس في النهايه عارف انه موجود وبيرجع لكن اول مره يزعل معاه وامير ياخد هدومه ويمشي كان هيتجنن بجد .
فتح عينه علي صوت بسيط خارج من تقي وهي بتتألم بصلها لقاها مغمضه عينها وماسكه ضهرها وبتحاول تفرده
مراد ...بهدوء مالك يا تقي
تقي....بصتله وبسرعه ابتسمت مفيش يا حبيبي انا كويسه
مراد.....شكلك تعبان
تقي.....لا خالص ضهري واجعني شويه لما تخلص شاور هاخد شاور وهرتاح
مسك كف ايدها بهدوء وسحبها
تقي.....بتعمل ايه انا لابسه هدومي
مراد.....تعالي بس سحبها جوه الچاكوزي وقعدها جنبه ولف ايده علي رقبتها ضمھا بهدوء
لفت تقي ايدها علي صدره ونامت علي كتفه ابتسمت واتنهدت تنهيده عميييييقه
رجع مراد راسه وراء وفضل ساكت وهي فضلت نايمه علي كتفه وساكته حاسه بامان وحب
تقي......بصوت واطي مكانش قصدي أضايقك انا اسفه
حط مراد ايده علي شعرها طبطب عليها وفضل ساكت
تقي......عارفه انك مضايق بس مش عارفه اعمل ايه عشان تفك يمكن انا مكنتش فاهمه وجهه نظرك ويمكن كمان كنت ناويه ازعل من كلامك و اخاصمك بس لما اتكلمت مع روح عرفت انت ليه عملت كده وشوفت انك معاك حق تزعل و تتعصب وتعمل اكتر من اللي عملته بس كمان انا صعبان عليا امير وعارفه انك مضايق عشان هو مش هنا بس والله يا مراد امير مكانش يقصد لاخر لحظه مكانش موافق احنا اللي زنينا عليه واول ما قولنا ان الناس هتاخد فكره مش كويسه عنك وعن ياسين وزيد عشان ادتهوم معاد وخرجتوا وافق كان حابب يعمل اي حاجه عشان كده لما اتعصبت عليه كنا حابين نفهمك ان مش هو بس اللي غلط
بص انا خلاص مش هتكلم في حاجه تاني ولا هفكرك باللي حصل عشان متزعلش بس اقولك امير ان شاء الله هيروح ويغير التوقيع و هيرجع وانتوا هتتصالحوا و هنرجع احسن من الاول واللي حصل ده كأنه محصلش متفكرش بقي في اي حاجه وحشه كل حاجه هتتحل
اتنهد مراد وهو رافع وشه ومغمض عينه ضمھا لصدره
غمض تقي عينها وضمته بحب وسكتت خالص عرفت انه مش قارد يتكلم بس كفايه انه مش زعلان منها ولا اتعصب عليها
..............
القاعده طولت مع فريده وعلي وحنين وبعد ما خدوا قعدتهم ومليكه تعبت من كتر اللعب قاموا عشان يمشوا خرجوا عند العربيات بره
علي......انا هطلع وراكي يا فريده وبعدين هاخد مليكه وحنين اوصلها لحد مكان العربيه
فريده.....لا مليكه هتفضل معايا
علي....كفايه عليكي كده عاصم لو عرف اني سيبتهالك هيقتلني
فريده....ملكش دعوه بيه سيبهولي انا هو قالك هيرجع امته
علي....المفروض طيارته 11 ونص زمانه خلاص في المطار
فريده.....طيب خلاص يجي ياخدها مني بكره
علي....لوكا هتروحي مع ديدا ولا ترجعي معايا
مليكه.....بنوم هروح مع ديدا
فريده....بإبتسامه اسكت بقي شكلك مش حلو
علي....ماشي يا ست لوكا
فريده.....طيب بص روح انت بقي انا هوصل حنين علي البيوتي صالون عشان عربيتها هناك وبعدين ارجع علي الڤيلا
علي....لا انا هطلع وراكي لحد الڤيلا وبعدين هاخد منك حنين اوصلها وبعدين امشي
فريده....لا كتير عليك وبردوا كتير عليها تيجي معايا لحد الڤيلا الوقت هيتأخر وهي راجعه طيب بص خلاص خدها انت وصلها وانا هطلع علي الڤيلا علي طول
علي.....طيب هسيبك لوحدك
فريده....الدنيا لسه بدري انا بروح اوقات متأخر عن كده متقلقش
علي.....طيب اوصلك وبعدين هوصل حنين مش هأخرها متقلقيش
حنين.....بإرهاق يا دي الليله الطويله ما تخلصوا با جدعان انتوا هتتعازمزا علي بعض مين فيكم هيوصلني ولا اشوفلي توك توك
فريده....ضحكت هي وعلي عليها
فريده....بضحك انا بقول تاخدها وتوصلها بسرعه عشان هي تقريبا سقطت خلاص وهتتعصب
علي....ماهو من كتر اللعب اتقلبت هي ولوكا
فريده....طيب يلا خدها وصلها وانا همشي انا ولوكا
علي....طيب لما توصلي طمنيني عليكم
فريده....حاضر متقلقش خد بالك من حنين
علي.....حاضر يلا باي باي يا لوكا
مليكه....بنوم باي لولي
حنين.....باي لولي وسع ياعم ودخلني
علي....بضحك حتي وانتي نايمه علي نفسك مسحوبه من لسانك اركبي يا حنون
ركبت حنين قدام وراح هو كمان ركب وطلعوا بالعربيات
علي.....شيلي أيدك عشان اقفل الشباك
حنين.....بنوم وتقفله ليه الجو حلو
علي....هشغلك التكييف
حنين....لا لا سيب الهواء جميل
علي.....ارفعلك السقف
حنين.....سقف ايه
علي....بضحك لا ده انتي سافرتي هيكون سقف ايه العربيه 
حنين.....ارفعه
فتح علي السقف الهواء بقي فظيع والجو تحفه خلاها مستسلمه للنوم اكتر
علي......تعبتي انتي من اللعب
حنين.....اه خلاص مش قادره اصل انا صاحبه من بدري
علي.....بدري بتاعك ده امته بقي
حنين.....انا نايمه اربعه وصاحبه سبعه علي بال ما لبست ونزلت كانت داخله علي تسعه روحت عملت تحاليل وبعدين علي الساعه 12 تقريبا كنت عند فريده عشان اطمن عليها فضلنا قاعدين لحد ما خلصت شغلها وبعدين روحنا جيبنا الفساتين وبعدين خرجنا فا خلاص مش شايفه قدامي
علي....طب انتي هتسوقي ازاي هتعرفي
حنين.....اه متقلقش
علي....طيب ايه رأيك اوصلك وبكره تبقي تاخدي العربيه
حنين....لا لا خليني اخدها مش عارفه بكره هيبقي عندي مشاوير ولا لأ
علي....خلاص هفضل وراكي لحد ما توصلي احسن تلبسي في حاجه
حنين....بإبتسامه سخريه قنبله تفاؤول شكرا يا عم لولي علي الطاقه الايجابيه دي
علي....بضحك الحق عليا اني بصارحك صحيح قوليلي مش ناويه تيجي تشوفي المكان زي ما اتفقنا
حنين.....اه هاجي خلينا الاول نخلص من فرح فيروز وبعدين ممكن نشوف يوم اول الاسبوع
علي....طيب تمام انا في قدامي كام مكان متأكد انهم هيعجبوكي اوي هوديكي وتشوفيهم ولو محبتيهمش هنشوف غيرهم بس انا واثق انك هتختاري حاجه فيهم وزي ما قولتلك اسعارهم مش عاليه وفي نفس الوقت المكان حيوي وامان هتحبي النظام هناك اوي
بصلها علي لقاها في سابع نومه وشها ليه وشعرها مغطي ملامحها
ابتسم علي علي الطفله اللي سقطت فجأه بدون إنذار و حلقت في السماء
علي....بصوت واطي حنين انتي نمتي 
مردتش عليه ابتسم بهدوء وبعدين داس علي زرار قدامه فضل الكرسي بتاعها يرجع بهدوء 
رجعه شويه عشان ترتاح اكتر 
وبعدين قفل السقف بتاع العربيه تانيح و كمل طريقه وكل شويه يبص عليها ويبتسم.
................
فضل جلال يلف علي كل الاماكن الخاصه بيهم من كمباوند للڤلل لشقق ويسأل الامن ويقف يتصل بيه ميردش اخر ما زهق بعتله مسدچ وهو باين علي صوته انه مخڼوق اوي
جلال.....امير انا تعب من كتر اللف عليك يا صاحبي عشان خاطري طمني عليك او رد عليا بس ومتقوليش انت فين لو مش حابب بس ريحني عشان اروح
والله العظيم ما قادر افتح عيني وتعبت رد عليا ولا انت زعلان مني عشان انا السبب في اللي حصل.
حط الموبايل في جيبه وفضل يكمل لف بالموتسيكل وهو سايق بسرعه فظيعه.
.................
من اول ما امير خرج من القصر وهو بيلف بالعربيه كان مخڼوق ومش شايف قدامه طلع قعد فتره طويله في المقطم وبعد ما حس انه مش قادر قام ركب عربيته ومشي من كتر الاتصالات موبايله كذا مره كان هيفصل فضل موصله بالباور بانك لحد ما الباور بنك فصل وبقي فاضل حاجه بسيطه علي الشحن بتاع الموبايل ويفصل كان واثق انهم ممكن يخرجوا يلفوا عليه او يسألوا عليه في الاماكن اللي متوقعين يروحها عشان كده استبعد انه يروح لاي مكان تبعهم ومحبش يروح اي فندق لان اغلب الفنادق عارفينه وممكن لو حد من الشباب سأل عليه يوصله
فضل ساند راسه علي الكرسي مش عارف يروح فين وفجأه جه في باله مكان واحد هو اللي ممكن يروحله.
دور العربيه ولسه هيطلع سمع صوت رساله بص عليها لقاها من جلال.
فتحها وسمع المسدچ.
امير انا تعب من كتر اللف عليك يا صاحبي عشان خاطري طمني عليك او رد عليا بس ومتقوليش انت فين لو مش حابب بس ريحني عشان اروح.
والله العظيم ما قادر افتح عيني وتعبت رد عليا ولا انت زعلان مني عشان انا السبب في اللي حصل.
غمض امير عينه پخنقه كبيره كان صعبان عليه جلال وصوته باين انه معيط و مخڼوق
جه يدوس علي الڤويس عشان يقوله يروح وانه بخير الموبايل فصل
حدف الموبايل جنبه وطلع بالعربيه.
.............
وصل علي قدام السنتر بتاع فريده ووقف العربيه.
علي.....حنين حنين حنييييين
حنين...امممم
علي....حنين احنا وصلنا قدام عربيتك ايه هتنزلي ولا اوصلك
حنين....قامت بهدوء مسكت راسها لا هنزل
علي.....خليني اوصلك احسن وبكره تعالي خديها افضل
حنين.....لا لا متقلقش هعرف اسوق شكرا يا علي تعبتك معايا
علي....تعب ايه بس انا قلقان عليكي علي فكره مش هتعرفي تسوقي وانتي نايمه كده
حنين....متخافش الوقت لما اسوق هصحصح شويه يلا سلام
فتح علي الباب ونزل بسرعه فتحت حنين اللوك بالريموت
مسك منها علي المفتاح بصاله بسرعه
علي.....اركبي هناك يا حنين
حنين....انت بتعمل ايه
علي......هسوق انا وهوصلك وبعدين هرجع للعربيه تاني
حنين....لا لا ليه يعني التعب ده انا كويسه والله
علي....يلا اركبي
حنين.....لا والله مش هينفع خليك متتعبش نفسك والله انا تمام
علي....اركبييييي وبطلي رغي لحد ما اركن عربيتي كويس
حنين.....يا عليييي اسمع بس
راح علي ركب عربيته ركنها كويس ونزل قفلها وبعدين رجعلها
علي.....يلا
حنين.....مش هركب يلا بجد امشي انا كويسه
قرب منها علي ومسكها من كف ايدها ركبها من الناحيه التانيه وقفل عليها
حنين.....طيب اسمع هقولك
ركب علي مكانها وضحك اول ما ركب
حنين.....طب بص اتصل عليا وهفضل معاك طول الطريق ارغي معايا وانا هفوق والله
علي....بضحك انتي مقربه الكرسي كده ليه
حنين....ابتسمت وبعدين ضحكت عشان اشوف المسافه بيني وبين العربيه اللي قدامي
علي....بضحك ما تطلعي الدركسيون احسن
حنين....انت بتتريق عليا
علي.....بضحك اه عندك مانع
حنين......عشان ربنا ما ديك شويه طول يعني بتتنمر عليا
علي....بضحك ايوه انا متنمر
حنين.....علي فكره انا مش قصيره انت اللي طويل
علي......مين دي اللي مش قصيره يا بنتي انتي تيجي عند وسطي وبالعافيه والكرسي ده يشهد