مملكة احفاد الطوبجي الجزء الثالث أميره أسامه

وهآمن علي بنتي معاه اكتر
لان اللي يحافظ علي تعبه وجهده ورزقه وماله وميهونش عليه شقاه يقدر يحافظ علي شريكه حياته و بيقدر يقدر النعمه اللي في ايده بسهوله
لكن لو استهون واستهتر وكبر دماغه وهان عليه تعبه وتعب ابوه واعمامه وولاد اعمامه صعب يصون بنت عمه.
شوفي يا روح انا الوقت بتكلم معاكي مش بصفتي راجح جوزك وعشره عمرك انا بكلمك بصفتي راجح اللي بدأها من الصفر لحد ما بقي من اكبر رجال الاعمال وخديها مني ثقه انا بطمنك ان
اللي حصل ده هينتهي و هيخلص والغلط هيتصلح والمشروع هنبدأه من غير اي مشاكل او خساره والموقف اللي بين مراد وامير هينتهي وهيرجعوا احسن من الاول
خليكي بقي قاعده جنبي وشدي كرسي و اتفرجي معايا علي التغيير اللي هيحصل في حياه امير بعد كده ومش هو بس جلال كمان بصفته محمل نفسه الذنب والغلط اللي امير شايله
روح ابتسمت بهدوء وبصتله فهمت دماغه وعرفت بيفكر ازاي
روح.....كل بوم بتعلم منك حاجه جديده يا راجح
راجح.....سهل اننا نتعلم ياروح بس صعب اننا ننفذ اللي اتعلمناه عشان كده طالب منك تركني مشاعرك الزايده طول الوقت علي جنب لو بتحبي امير والولاد كلهم علميهم صح وجهيهم صح كوني حازمه معاهم في وقت الغلط مينفعش طول الوقت تطبطبي لازم في اخطاء تكوني فيها صارمه عشان قدام شويه هتلاقي نتيجه كويسه ومرضيه
روح.....بحب فهمتك يا راجح يمكن مكنتش شايفه الموضوع بعينك وللحظه مش هكدب عليك اضايقت منك انت وزيد
راجح......زيد زمانه قاعد برج من دماغه هيطير في اوضته جزء من عقله مستني اليومين دول بعدوا بفارغ الصبر زي مراد بالظبط عشان يطمن والجزء التاني مشغول بأمير عايز اقولك
انتي عارفه ان زيد مۏته وسمه حد يزعل فرح او فيروز او اي بنت في العيله
روح....بإبتسامه لاحظت نفس الريأكشنات دي لما مراد طلع في فيروز
راجح.....بالظبط عشان كده بقولك محدش فينا جاي علي امير بس احنا قادرين نشوف الموضوع من زوايا تانيه غير زاويتك انتي يا روح
روح.....ربنا يعديها علي خير والامور تتحل والدنيا تهدأ
راجح....هتعدي بأمر الله متقلقيش
روح....بتنهيده طيب ممكن تنام بقي وترتاح انت تعبت انهارده
راجح....انا فعلا تعبان ومحتاج ارتاح
روح....خلاص يلا يا حبيبي نام
روح....وانتب مش هتنامي ولا هترمي كل الكلام اللي قولته وترجعي تفكري وتشغلي روحك تاني
روح....بإبتسامه لا هنام
راجح....اصل انا عارفك وحافظك مهما اقتنعتي الغريزه اللي جواكي بتسيطر عليكي فا قولت اطمن
روح.....بإبتسامه هاديه لا اطمن اقتنعت
راجح....بحب طب يلا تعالي نامي
صبا.....يا حبيبي اسكت بقي عشان خاطري تعبت والله
دخل زيد بهدوء وبصلها
زيد.....ايه ماله بيعيط ليه
صبا.....مش عارفه واكل و واخد شاور ومغير هدومه مش عارفه عايز ايه
قرب زيد وخده منها بهدوء
زيد.....يمكن في حاجه بتوجعه
صبا......مفيش والله بس هو مش عارفه بقي يزن كتير ليه كان هادي
زيد.....اكبد مش هيعيط الا لو فب حاجه مضيقاه
صبا.....ماهو انا مش عارفه ماله
زيد.....طيب البسي وتعالي نوديه لدكتور
صبا....لا دكتور ايه مش مستاهله هو كويس والله
زيد.....ازاي كويس وازاي بيعيط كده
صبا.....هو لما بيكون جعان لحد ما اعمله الببرونه يفضل ېصرخ ولما بكون عايز بنام يفضل يزن وهو الوقت عايز ينام ومتعصب
زبد....بهدوء ابتسم يعني الفرح ده كله عشان عايز تنام يا عم راجح عامل فيها عصبي
صبا.....كنت بقول روح زنانه بقت اهدأ منه
زيد....هي مش بټعيط ليه صحيح معاه مش بيجاماوا بعض
صبا....بإبتسامه مع الناني تفتكر لو هنا كانت سكتت كانوا زمانهم عاملين فرح مع بعض
زيد.....هي كويسه مشوفتهاش كويس انهارده
صبا.....بخير يا حبيبي الحمد لله نايمه بكره ابقي العب معاها براحتك.
زيد....ان شاء الله
صبا.....هو انت كنت بتتكلم مع جلال في البلكونه
زيد......بتنهيده لا كلمته مبيردش ده منذر اللي كان بيكلمني
صبا....عرف اللي حصل
زيد.....اه كان بيكلم فيروز وفهم منها شويه اللي حصل بس طبعا كانت بټعيط فا كلمني عشان يفهم في ايه بالظبط
صبا.....فيروز مضايقه اوي و صعبانه عليا عامله تقول كلام غريب انا وشي مش حلو انا السبب في كل حاجه بتحصل 
و مصممه تأجل الفرح
زيد.....مفيش حاجه هتتأجل كفايه كده بقي المشكله ان فيروز حساسه زياده عن اللزوم وديما رابطه اي حاجه بتحصل بأي خطوه بتاخدها
صبا....هي معزوره بردوا يا زيد فيروز مرت بحجات كتير مش حلوه وكل مره تفرح فيها لازم حاجه تبوظ فرحتها
زيد....مفيش حاجه هتبوظ فرحتها ان شاء الله هتفرح وتتبسط وتعمل كل اللي نفسها فيه الموضوع هيتحل بأمر الله اصلا منذر كلمني الوقت وقالي لو حابين نأجل يومين تلاته لحد ما كل حاجه تتحل بس قولتله لا طبعا مفيش تأجيل
صبا......هو اكيد شايف ان فيروز مضايقه و حابب يراضيها
زيد.....عارف بس كمان منذر بيقولها من قلبه مش عشان فيروز بس بردوا مينفعش خلاص بقي كفايه جوازهم اتأجل كتير ولو جينا علي منذر اكتر من كده يبقي حرام هو من حقه يفرح وبعدين ان شاء الله امير يسافر ويجي علي المعاد علي طول
صبا....ان شاء الله بس بردوا عيزاك تتكلم مع فيروز هي مضايقه وممكن تضغط بكلامها علي منذر ومنذر حرام مش هيبقي عارف يعمل ايه
زيد.....هتكلم معاها اكيد انا بس انهارده فاصل وبصراحه معنديش طاقه اتكلم مع اي حد مش عارف اهدي مراد ولا اشوف امير اللي غطس ولا اراضي فرح ولا جلال ولا فيروز ولا روح ولا اشيل الهم واسكت
صبا.....مالك بس يا زيد انا اول مره اشوفك كده
زيد....تعبت يا صبا نفسي ارتاح شويه كل فتره نخرج من مصېبه ندخل في التانيه حاسس ان الفتره مش قادر أركز
مؤامرات ونزاعات ومشاكل سرقه ونهب مشاكل في العيله حد بيلعب من وراكي ناس عايزه توقعك وانتي مطلوب منك طول الوقت تصلحي في غلطات وتوقعي في ناس عايزه تأذيكي تحمي اللي حواليكي من غير ما تحسسيهم ان في اي حاجه تقلق
تعبت بجد محتاج افصل محتاج احس اني بني ادم عادي حتي لو ليوم واحد احساس جميل ان كل اللي حواليكي يجروا عليكي لما يحصلهم حاجه احساس حلو لما تلاقي حد بيعتمد عليكي وبيلجألك في مشاكله احساس حلو لما تحسي ان الكل شايفك ضهر ليهم وانك شايله مسؤوليتهم وانهم حتي لو غلطوا مطمنين عشان لاقين اللي هيصلح من وراهم
بس حقيقي انا تعبت اوي من المسؤوليه والمشاكل محتاج افصل يا صبا انا بني ادم مش ريبوت
صبا.....بحب لو هما مش واثقين فيك يا زيد مش هيرموا حمولهم عليك وبعدين انت عمرك ما اشتكيت
زبد....ولحد الوقت مش بشتكي يا صبا ومش مضايق من حمولهم اللي بيرموها عليا بس في مواقف اوقات بتبقي اكبر مني ولازم الكل يعرف حاجه زي دي
يعني فكرك مثلا انا مش مضايق من الفكره اللي فيروز وخداها عن نفسها بالعكس دي مموتاني احساسها بانها وشها مش حلو مضايقني بس كمان مينفعش احكم عقلي واقول هأجل الفرح هي فاكره انها هتلوي دراع مراد فا عشان خاطرها هيخلي امير مراد مش هيعمل كده ولو فرضنا عمل كده انا واثق ان امير مش هيجي غير وهو حالل المشكله عشان لا هيقدر بحط عينه في عين الوه ولا عيننا تفتكري اقدر اقف معاها واقولها معاكي حق نأجل واجي تاني علي منذر حتي لو هو راضي بس لازم يكون عندي ډم كفايه بقي الراجل تعب وانا اكتر حد عارف هو مستني يوم زي ده ازاي كمان مينفعش انكد عليه واشيله فوق طاقته الوقت انا واقف ان منذر حابب يأجل وفي نفس الوقت محدش هيوافق هيبقي هو في اليوم ده فرحته مش كامله لان فيروز مضايقه والكل متوتر فا انا مش لاقيلها حل يا صبا في النهايه مهما حاولتي ترضي حد هتبجي علي حد و الفرحه هتبقي ناقصه
بس خلاص لازم الكل يتعامل ان الموقف حصل نعديها عشان الدنيا تمشي والموضوع ميكبرش والنكد يزيد ونحكم رأينا
زي بالظبط جلال وفرح وتقي مصممين طول الاجتماع ان امير مغلطش وانهم ضغطوا عليه انا فاهم ومقدر جدا انهم غلطوا زيه بالظبط لما اقنعوا بالغلط اللي هما مش مقدرين حجمه وفاهم ومقدر جدا انهم حبوا يدافعوا عنه عشان ميشيلش الليله لوحده
بس للأسف هما مش فاهمين ان كلامهم ده زود ڠضب مراد من امير اكتر لان بكلامهم ده طلعوا امير عيل صغير انساق وراء كلامهم مع العلم ان امير بقاله سنين معانا وعارف حجم الغلط اللي حصل يعني مينفعش يسمع او يمشي وراء كلام حد فا بالتالي مراد شاط اكتر اللي هو ازاي اصلا يسمع كلامكم وقالها لجلال ليه انت ممضتش بداله
جلال قاله لان امير اقدم مني اللي هو ازاي انت بتقول الكلمه وعكسها يا جلال الكلب كان هاين عليا اقوم اديله مېت قلم علي وشه انت كده مش بتدافع عنه انت بتدينه اكتر بتزود ڠضب مراد منه اكتر عارف انه ميقصدش بس لازم افكر قبل ما اتكلم في مواقف يا صبا لو مش هعرف احلها بالكلام يبقي السكوت افضل وانا مهما كان ليا كلام مع مراد بس انا في وقت معين لما بشوف مراد وصل للحاله دي مجرأش اتكلم معاه او اناقشه كلنا عارفين ڠضب مراد عامل ازاي علي قد طيبته وحنيته وهزاره ودلعه والحب اللي في قلبنا ليه وبنعتبره صاحبنا مش عمنا بس يوم ما بنشوفه كده لازم اعمل ستوب انا عن نفسي صعب اتكلم وهو كده
حاولت اقوله بس اهدي قالي مسمعش صوت خلاص مقدرش اجادل ولازم احترم غضبه
بس جلال يسكت لا ازاي التلاته وقفوا يجادلوا وعصبوا اكتر
صبا....يا حبيبي بردوا هما عقلياتهم غيرك انت فاهم كويس اوي نظام مراد كمان تقي بيتهيألي جديد عليها انها تشوف مراد في الحاله دي
وتقي سمعت لنفسها جملتين ملهمش لازمه اللي هو لو مش مقدره المكان اللي انتي فيه يبقي مكانك في البيت طب ليه الراجل متعصب وشايط في الكل وانتوا بنفسكم شايفين الباشا ساكت
صبا....معلش كل حاجه هتتصلح يا قلبي المهم اهدي شويه اما بجد اول مره اشوفك متعصب كده
زيد....متعصب عشان الحيوان اللي مكتفاش بتقديم استقالته ساب البيت كمان
صبا....يعني هو هيفضل سايب البيت انت عارف يا قلبي امير ميقدرش يقعد بره انت ناسي انه ساب فاطيما لما قالتله نعيش في امريكا وقال انه ميقدرش ببعد عننا
زيد....عارف وده اللي مضايقني امير متعود علينا مش متعود يبقي لوحده
صبا....ان شاء الله يرجع والموقف يتحل ونرجع احسن من الاول المهم فك بقي وحياتي بقولك ايه راجح شكله خاف منك ونام
بص زيد علي راجح اللي نام بين ايده وابتسم انت نمت يا زنان
صبا....مش قولتلك انه مش تعبان هو بس عايز ينام ومتعصب
زيد....عصبيتي هي اللي نيمته يعني طيب كل يوم من ده
صبا.....واحنا موافقين يا سيدي علي عصبيتك
زيد....بإبتسامه اه عشان انيمهولك ها مصلحه