أبن ليل بقلم اميره أسامه البارت الثاني عشر..

قوي ودي حاجه ڠصب عنه
ديما....بس ده كان بېهدد مامي وكان عايز ېموتها
حسن.....مش كل حاجه بتتقال او تتعمل وقت ڠضب يا ديما بتبقي مقصوده واكيد انتي عارفه ان كل واحد فينا ببيعبر عن غضبه بطريقته
ديما....وايه اللي يخليه ياخد رد الفعل ده من مامي
هيما.....قولتلك السؤال ده حتي لو احنا عارفين إجابته فا الرد عليه مش بتاعنا احنا
دانه.....فضولي هيموتني خصوصا بعد كلامكم ده
حسن....بنقول ايه بما انكم اتعرفتوا على الشباب وبقي في بينا عيش وملح فا خلينا نبقي صحاب كلنا وتعملوا زي ما احنا طول عمرنا بنعملوا نبعد عن مشاكل الكبار دي خالص وخلينا في نفسنا وبس وياريت كمان متقولوش ادام اي حد انكم اتعرفتوا عليهم
دارين....بس احنا مش بنكدب على مامي
حسن....ياست دي كدبه بيضاء على الاقل الوقت لسه كل واحد فيهم مركز مع التاني وناوي على خڼاقه نخلوا الدنيا تهدي بينهم وبعدين نعرفوهم عشان لو عرفوا القاعده الحلوه دي مش هتتكرر بسهوله
دانه....لا وعلى ايه احنا مش جايين نتحبس
محمد....هو ده والاهم بقي اتعلموا تسمعوا وتشوفوا وتعملوا نفسكم مش فاهمين واعملوا نفسكم كمان متعرفوناش
دانه.....احنا مش عايزين نعرفكم اصلا احنا مخاصمينكم
حسن.....اهو انتوا كده بقيتوا مننا
احمد....القاعده دي ناقصها سماح يا حسن
حسن....كلمتني والله كذا مره بس معرفناش نردوا عليها وكنسلت
محمد....دي هتنفخك 
دارين....مين سماح
هيما.....يا ساتر على الفضوووول
بصتله دارين پغضب بسيط
هيما....الله خدتي الكلام عليكي ليه
دارين....عشان تقصدني 
هيما.... وانا قولت يا دارين
دارين....يعني هو في غيري سأل
هيما.....والله لو الكلام خدتيه على نفسك يبقي مبروك عليكي
حسن....ياجدع قولنا خف عموما سماح دي بنحبها
دانه....زميلتك في الجامعه
حسن....لا دي بنت شارعنا يعني وسونه امها جارتنا من زمان يعني متربين سوا
دارين.....سونه بيتهيألي سمعت الاسم ده كانت واقفه مع مامي في الشارع امبارح هي ومامتكم
محمد.....بضحك اه عرفناوعرفنا بإتفاقهم
دانه.....اتفاق ايه
محمد....لا متحطيش في بالك
فضلوا البنات يتكلموا معاهم ويضححكوا مع بعض وفضل هيما يناقر في دارين شويه تبتسم ڠصب عنها وشويه متبقاش طيقاه.
مر بينهم الوقت بسرعه واتفقوا انهم يكرروها تاني ويعرفوهم على اسكندريه
كانوا مبسوطين جدا خصوصا انهم لقوا حد جديد يتعرفوا عليه
رجعوا على البيت وطلع الشباب على بيتهم وبعد كام ساعه بدأ الكل يقلق على كرم اللي مختفي و قافل موبايله ومحدش عارف يوصله
اتسحب بكر بهدوء وراح يشوفه في شقته بس ملاقاش عربيته ولا لقاه فوق والحارس بتاع العماره قاله انه مجاش
بدأ بكر يقلق بجد وكان خاېف عليه بس مفيش حاجه في ايده يعملها لانه قافل موبايله.
الخبر وصل لحسن وقال قدام الكل ان كرم مختفي واعترفت دره قدامهم انها واجهته البنات سمعوا دره وهي بتقول لعبدالله انها اعترفتله بالحقيقه اللي خبوها عليه مكانوش فاهمين اي حاجه الكلام اللي بيسمعوه منها غريب فضولهم هيموتهم وقرروا انهم لازم يسألوا دره ويلاقوا إجابه لكل الاسئله اللي مش عارفين ليها أي إجابه
نزل عبدالله وهو مخڼوق وخد معاه حسن وقرر يدور علي كرم
اول ما نزل ولمح بكر والشباب واقفين بتلقائيه راح عليه ونسي كل اللي بينهم
عبدالله.....بكر ايه موصلتوش لكرم لسه ولا تعرف ممكن يكون فين
بكر.... وانت مالك بكرم ايه خاېف عليه
عبدالله....مش وقت كلامك اللي مبيخلصش ده يا بكر خلينا في كرم
بكر....منعرفوش عنه حاجه قافل موبايله و غطسان من الصبح
كرم....طيب متعرفش ممكن يكون راح فين
بكر.....قولنا منعرفوش وبعدين مالك ايه دور الحنيه اللي نزل عليك ده كده فجأه مش بعاده يعني
عبدالله....بتنهيده زهق يا بكر قولنا مش وقت الكلام ده لازم نلاقي كرم
بص بكر و الشباب لبعض بقلق
بكر.....هو انا ليه حاسس انك تعرف حاجه يعني قلقك و نزولك الوقت عشان تطمن على كرم غريب عليا حبتين مش قادر ولا عارف نصدقه
عبدالله....ولا عمرك انت وكرم ادوتني فرصه عشان نخليكم تصدقوني يا بكر بس كل اللي نقدر نقوله ان كرم شاف دره انهارده ودره قالتله الحقيقه كلها اللي انتوا رفضتوا تدوني فرصه عشان نقولها وبما ان كرم عرف فا هو مش بخير ولازم نوصله
هيما....بقلق حقيقه ايه 
بكر......حقيقه ايه يا عبدالله اللي خلت كرم يغطس وميخليش حد يعرف يوصله
عبدالله....بصله بحزن بيتهيألي متأخر سؤالك ده يا صاحبي بقالنا عشرين سنه بنتحايلوا عليكم تسمعوني وانتوا كنتوا رافضين الوقت مستعد تسمعها
بكر....ما تنطق يا عبدالله وقعت قلبي
عبدالله.....خلينا في كرم الوقت يا بكر واكيد هتعرف كل حاجه
محمد....بلهفه كرم هناك