أبن ليل بقلم اميره أسامه البارت الثاني عشر..

اهو
بصوا كلهم مكان ما شاور محمد لقوا كرم داخل عليهم بعربيته نزل منها وهو على وشه حزن الدنيا كله
جري عليه هيما وبكر وفضل عبدالله في مكانه باصص عليه بحزن
هيما.....كرم ايه يا اخويا كنت فين وليه قافل موبايلك قلقتنا عليك
بكر....كنت فين يا صاحبي من صباحيه ربنا .
رفع كرم وشه لعبدالله بحزن فضل باصصله ودام الصمت بين الجميع ثواني.
عبدالله....بنبره ضعف الحمد لله انك بخير يا كرم
كرم.....خبيت عليا ليه يا عبدالله سيبتني ليه العمر ده كله على عمايه
عبدالله.....حاولت نقولك كتير مكنتش بتسمع مني حاولت نوصل لبكر عشان يوصلك هو الحقيقه بس هو كمان رفض خاف على زعلك يا صاحبي
كرم.....لما حاولت كان متأخر يا عبدالله كان بعد ما كل حاجه خربت مجتش قولتلي ليه اللي كان داير بينك وبين اختك مصارحتنيش ليه
عبدالله.....عشان بنحبك يا كرم ومكنتش قادر نقف قصادك و نبص في عينك مكنتش حابب الحقيقه تفرق بينا ونخسروك
كرم.....وانت مخسرتنيش يا عبدالله طول السنين دي وحتي لو كنا زعلنا منك وقتها اكيد كنت هنهدي و نتصالحوا وكنت هنشيلهالك يا صاحبي انك جيت و صارحتني و محبتش تسيبني على عمايه بس انت سيبتني متغفل ومش انت بس يا عبدالله اللي هنلوموا عليه 
عبدالله.....كرم اسمعني
كرم....سيبني في حالي يا عبدالله سيبني.
سابهم كرم وراح على البيت وفضلوا كلهم مش فاهمين اي حاجه
بكر....في ايه اتكلم يا عبدالله
عبدالله....مش وقته يا بكر اطلع انت بس وراء كرم و متسيبهوش لوحده وهنبقي نحكيلك
هز بكر راسه وبسرعه اتحرك هو والشباب وطلعوا وراء كرم
في الوقت اللي طلعوا وراه كان هو وصل قدام شقه ابوه وامه بيفتح الباب
اول ما شافته نجوى جريت عليه بلهفه
نجوى....يا حبيبي يا ابني كده يا كرم تقلقني عليك
مها....ايه يا اخويا غطست فين كل ده
دخل بكر والشباب وقفوا وفضلوا ساكتين
رفاعي.....قافل موبايلك ليه يا كرم ومخلينا نلفوا حوالين روحنا قلقتنا عليك يا ابني
كرم كان واقف ساكت مبيردش بس عينه على نجوى بوج ع
رفاعي....ما تنطق يا ابني متقلقنيش انت كويس
كرم.....بنبره وج ع وجه كلامه لنجوى 
ليه يا امي ليه تعملي فيا كده هان عليكي ۏجعي
بصتله نجوى وهي مش فاهمه
نجوى.....وج ع ايه يا كرم وانا عملت ايه
كرم....خبيتي عليا الحقيقه يا امي عيشتيني سنين وانا عايش جوه حدوته و مصدقها وانتي عارفه دره عملت كل ده ليه و سكتي
بصتله نجوى بوج ع وبسرعه دموعها أتجمعت في عينها 
كرم.....مقولتليش ليه يا امي كان زماني مرتاح ومكانش كل ده حصل
نجوى....مكنتش فاكره انها بتتكلم جد يوم ما قالتلي كنت فكراك مزعلها وكلامها ده من زعلها منك 
مها....هو في ايه فهموني
كرم.....في ان من عشرين سنه دره جات لامك يا مها تترجاها تقف معاها بعد ما ابوها وامها واخوها وقفوا قصادها في ان دره مكانتش بتحبني وكانت شيفاني اخوها في ان دره من قبل ما اخطبها كانت بتحب وانجبرت على خطبتي
مها....
كرم...في انها حاولت اكتر من مره تنهي علاقتي بيها والكل قال لأ حتى امك يا مها عشت كل السنين دي كنت فاكر انها بتحبني بس لما اتسجنت مبقيناش نعجب عشت طول السنين دي مفيش جوايا غير الاڼتقام من حبيبتي وخطيبتي اللي باعت و خانت وخلت اللي يسوي واللي ميسواش يتكلم عليا عشت شايف في عيون الناس اللي فيهم بيشفق عليا واللي شمتان واللي بيجر شكلي.
عشت طول عمري بعمل بدل العاركه الف مع كل اللي يجيب سيرة اللي عملته فيا ومع اللي يحاول يلسن بالكلام ومع اللي بيحاول يوصلي اني كنت متغفل
كنتي شيفاني بنتغير قدامك يا امي من شخص طيب ومسالم لشخص انا نفسي معرفهوش عصبي و خلقه في مناخيره عنده استعداد يرتكب مېت چريمه لو حد داسله على طرف شخص انطوائي مبقاش عنده ثقه في اي ست في الدنيا وشايفهم كلهم خاينين
مها....كلام ايه ده يا أمي دره قالتلك انها مش بتحب كرم طيب وليه مقالتليش ده انا كنت مش بس صاحبتها انا كنت اختها وانتي يا امي ازاي مقولتيش
نجوى....بدموع لما دره قالتلي روحت قولت لنبيله بس نبيله رفضت الكلام من الاساس قالتلي دره عيله صغيره متعرفش مصلحتها وانها بتحب كرم بس بتدلع زي اي بنت في سنها بس بعد اللي حصل فهمت