أبن ليل بقلم اميره أسامه البارت الثاني عشر..

ان دره فعلا مكانتش بتحبك وان كان في حد تاني في حياتها
كرم....وليه مقولتيش بعد ما عرفتي ليه مجتيش تقوليلي انها كانت مغصوبه عليا عالاقل عشان ابطل اشوفها بالصوره اللي رسمتهلها او عشان انسي واعيش حياتي انا
نجوى....مقدرتش يا كرم كنت هنيجي نقولك ايه وانت مرمي في السچن نيجي نزود عليك حملك
كرم....وبعد ما خرجت سيبتيني ليه في السچن ده طول عمري
نجوى.....مكنتش عايزه اصحي الۏجع يا كرم
كرم....وهو امته الۏجع ماټ جوايا يا امي ده انا بقالي عشرين سنه محپوس جواه
نجوى.....كان عندي امل انك تنسي كان عندي امل انك تفوق لروحك وتحب وتتتجوز مكنتش عايزه نجيبوا سيرتها قدامك عشان متفتكرهاش بس صدقني يا كرم مكنتش نعرف ان كل ده هيحصل
كرم ...واهو حصل وفضلتي ساكته وفضلتي شيفاني قدامك لا بتغير ولا بخرج من حبستي جوه الماضي وسيبتيني غرقان
نجوى.....خۏفت عليك
كرم......لا عملتي طيب
لف كرم عشان يطلع
رفاعي....استني يا كرم استني. يا ابني خلينا نتكلموا
كرم.....الكلام ماټ يا ابا و الحدوته خلصت ونهايتها كانت أسوء بكتير من اللي كان في بالي
سابهم كرم وطلع 
وفضلت نجوى ټعيط
مها....ليه امي ليه
رفاعي.....مقولتليش ليه يا نجوى
نجوى......عشان وقتها مكنتش عارفه دره فعلا مكانتش عايزه كرم عشان شيفاه اخوها ولا عشان بتحب غيره
كنت شايفه المشاكل بتكبر بينا كلنا ومكنتش حابه الدنيا تولع وهي كانت اتجوزت يعني الكلام وقتها مكانش ليه فايده
رفاعي.....بيتهيألك يا نجوى لو كنتي اتكلمتي كان ممكن حجات كتير تتغير كنت عالاقل قدرت نتكلم مع كرم ونفهمه براحه وقتها كان لسه زي ما هو وكان هيفهم ويسمع كان ممكن كل العداوه اللي بينا دي تنتهي او متحصلش من الاساس
نجوى......ده كان تفكيري وقتها يا رفاعي صدقني مكنتش عامله حساب كل اللي حصل ولما حصل كل ده مقدرناش نتكلم وقولت الحكايه ماټت بجواز دره وانا وقتها خدت جنب من نبيله لأنها مقالتليش الصراحه مقالتليش ان بنتها بتحب غير ابني كل اللي قالته انها متعرفش مصلحتها وبس
بكر.....طيب صلوا عالنبي اللي حصل حصل وبيتهيألي مهما كان اللي عرفه كرم يوجع بس افضل كتير من انه يفضل عايش جوه الحدوته اللي كلنا كنا عارفينها
رفاعي....عليه الصلاه و السلام الحقيقه بتوجع بس بتريح عالاقل كرم يهدي شويه ويرجع زي ما كان ويركز في مستقبله اللي ضيع منه كتير
بصت مها لامها بۏجع وهي دموعها نازله وسابتهم من غير ولا كلمه وطلعت علي شقتها
بكر....مها مها
هيما....سيبها يا بكر تطلع وروح يلا شوفها
بكر....طيب وكرم هنسيبوا لوحده
هيما....انت عارف ان كرم في الحاله دي مش هيدي لحد فرصه انه يتكلم معاه
رفاعي....سيبه يا ابني يقعد مع نفسه وانا عارف انه هيبقي كويس
نجوى.....ياحبيبي يا ابني يارتني نقدر نشيل عنك الۏجع 
رفاعي....وحدي الله يا نجوى اللي حصل حصل وكرم طول عمره عاقل واكيد هيهدي
نجوى....كرم مش هيسامحني ابدا
هيما....استهدي بالله يا امي انتي عارفه ان كرم بيحبك واكيد هيراعي الطريقه اللي فكرتي بيها سيبيه بس لوحده شويه واكيد هو هياخد وقته ويرجع زي ما كان.
رفاعي....يلا يابكر يلا ولاد اطلعوا ارتاحوا
بكر......ماشي يا ابا ولو حصل حاجه انا صاحي تصبحوا على خير
رفاعي....وانت من اهل الخير
................
في صباح يوم جديد نزل كرم بكل هدوء كأن مفيش حاجه حصلت دخل عندهم كان الفطار جاهز قعد معاهم على السفره وبدأ ياكل الكل كان بيبصله بإستغراب ويبصوا لبعض
كان هدوئه مريب مش عارفين هو تحت تأثير الصدمه ولا في حاجه في دماغه
بيدبرها ولا بيتظاهر قدامهم انه كويس وثابت ومفيش حاجه ماثره فيه.
رفاعي.....انت كويس يا ابني
ابتسم كرم وهو بياكل وهز راسه
كرم....زي الفل يا حبيبي صحيح يا هيما الدكان قرب يخلص خلاص اعمل حسابك هنعمل افتتاح كبير
هيما....بصلهم وبعدين بصله وابتسم اكيد يا حبيبي هو قدامه يومين ويتشطب
كرم....طيب حلو يبقي اول الاسبوع نعملوا احلي واكبر افتتاح احنا عندنا كام هيما.
ابتسم هيما بهدوء وفضلوا يبصوا لبعض ما بين نظرات شفقه واستغراب وقلق
كرم.....الحمد لله كمل فطارك يا بكر وانا هننزل نفتح وبعدين بص لرفاعي
لحد ما تنزل يا معلم هنخلي الولا منكش يجهز قهوتك والمعسل
رفاعي.....ماشي يا كرم جاي وراك
نزل كرم على تحت وهما بصوا لبعض
مها....يعني ايه عامل نفسه مش مضايق ولا اخويا في ايه انا مش فاهمه
رفاعي....سيبيه في حاله يا مها مفهوم خليه يخرج اللي جواه بالطريقه اللي