أبن ليل بقلم اميره أسامه

أبن_ليل
صاحبة_البطل_الواحد
أميره_اسامه
البارت الحادي والأربعون 
........................
قبل كام ساعه.
خرج كرم مع عمرو في الدفنه بتاعت والدته.
مر حوالي نص ساعه كان الفطار وصل للشباب كلهم ونزل بكر وعبدالله جابو اكل ليهم هما عشان الكل ياكل لانهم مكلوش أي حاجه من امبارح.
بكر....بقول ايه بعد ما تخلصوا فطار عبدالله هتاخد الكل وتروحهم عشان يرتاحوا شويه خلاص اطمنتوا علي العيال كلهم والحمد لله هما بخير روحوا اتراحوا بقي عشان تقدروا تقفوا علي رجلكم ولو حابين اخر النهار تيجوا تبصوا عليهم تعالو.

مها....انا مش هنمشي ونسيبهم
بكر.....ماهو لو كل واحد قال كده محدش هيمشي قعدتنا كلنا هنا يا جماعه ملهاش اي لازمه ومننساش اننا في مستشفي.
عبدالله.....بكر معاه حق يا مها روحوا اتراحوا شويه هاتي غيار للعيال
دخلت دره عليهم في اوضه الشباب.
رفاعي....جوزك معاه حق يا بنتي بلاش تنشفي راسك وبعدين اخر النهار هنرجعك تاني
دره.....سلام عليكم
بكر....احضرينا يادره
دره....خير يا بكر في ايه
بكر.....بنقولهم بعد ما يخلصوا فطارهم يروحوا يرتاحوا شويه ويرجعوا اخر النهار لسه الظهر مأذنش واليوم طويل يرتاحوا شويه العيال الحمد لله كلهم كويسين
دره....بكر معاه حق يا مها احنا خلاص اطمنا علي الولاد كلهم وقعدتكم هنا مش هتعمل اي حاجه انا والدكاتره كلهم وطاقم التمريض معاهم يعني لو احتاجو اي حاجه هنعملها وبعدين يا مها انتو هنا من امبارح سيبناكم عشان كلنا كنا قلقانين بس لازم العدد ده يخف شويه والاهم عشان خاطر بلبله وبابا وامك وابوكي مش شابفه شكلهم عامل ازاي لازم يروحوا يرتاحوا
مها....يروحوا هما انا هنفضل هنا معاكي انتي وبكر.
دره.....قعدتك مش هتخليهم يقوموا يقفوا غلي رجلهم يا مها وبعدين احنا مش هينفع نوقف حياتنا كل اللي وراه حاجه يروح يعملها عبدالله انت وبابا ارجعوا عشان كمان متسيبوش الشغل الحمد لله حسن بخير بصت لرفاعي وانت كمان يا حبيبي روح شوف شغلك انت عارف كرم مش هيقدر يسيب الشغل اليومين دول والشباب لسه كلهم تعبانين وبكر معاهم فا مينفعفش انت كمان تسيب الشغل كده روح ريح شويه وبعدين قوم ظبط الشغل من تاني
زكريا.....دره وبكر معاهم حق الحمد لله العيال بخير ومينفعش نفضل هنا ولا نسيب دنيتنا واكيد هنروح ونيجي عليهم
نبيله....طيب خلوني انا هروح اعمل ايه
دره....لازم ترتاحي يا امي هنا كمان هتعملي ايه
نبيله...اهو لو احتاجتي حاجه متبقيش لوحدك
دره....لو احتاجت حاجه يا امي بكر معايا هو اللي هيقدر يتصرف ومعايا طاقم التمريض كله ولو مزنوقين في اي حاجه هكلم عبدالله وكرم شويه ويرجع يعمي. متقلقيش علينا روحي انتي ودعاء ونوجا ومها شوفوا لو الولاد عايزين حاجه جيبوها اعملوا اكلكم وشربكم وبلاش توقفوا الدنيا .
حسن....روحي يا بلبله انتي وامي انا كويس متقلقيش
نبيله...اللي تشوفوا يابنتي انا كان قاصدي نساعد
دره....منتحرمش منك يا بلبله بس مساعدتك ليا انا شخصيا انك ترتاحي و خدوا معاكم سونه كمان انا هنروح نقولها وانت يا عبدالله يلا اجهز عشان تمشوا
عبدالله....تمام يا دره.
خرجت دره عشان تروح لسونه.
مها....انا مش هنتحرك من هنا انا بنقولك اهو.
احمد....روحي يا اما ارتاحي شويه احنا كويسين
محمد....روحي معاهم يا مها وابقي ارجعي بليل
بكر....امكم لازم تعند وتتعب قلبنا معاها.
مها....وانا قعدتي عملالك ايه بس.
هيما....يا مها احنا عايزينك ترتاحي احنا بقينا كويسين وانتي اطمنتي علينا.
مها.....بس يا ولا منك ليه.
بكر....سببوها دي مبتسمعش الكلام.
...............
في غرفه البنات.
سونه....هنروح نعمل ايه بس يا دره انا مش هنقدر نمشي.
دره.....سماح في عيني زيها زي بناتي متخافييش عليها روحي ارتاحي شويه خدي دش كلي حاجه ولما يجوا بليل تعالي معاهم.
سماح....بصوت ضعيف روحي معاهم يا سونه اسمعي الكلام انا كويسه والله كمان انا محتاجه حجات جيبها معاكي بليل.
سونه....بقلة حيله مش عايزه نسيبك
سماح....انا مش لوحدي يا سونه وبعدين انتي سيباني في الشارع ما انتي عارفه مكاني
دره.....مټخافيش يا سونه هي بقت زي الفل وان شاء الله كلها كام يوم و هتخرج في ايدك من هنا و تطمني عليها اكتر.
سونه....يارب يخرجوا كلهم علي خير خلاص هنروح بس هنيجي معاهم.
دره.....شوفيها محتاجه ايه من البيت وتعالي معاهم ياستي
سونه....ماشي طيب انتي مش محتاجه اي حاجه ليكي او للبنات
دره...تسلمي يارب لو افتكرت حاجه هنقول لدعاء تجيبها معاها
سونه...ولا محتاجه حاجه قبل ما نمشوا
دره....لا والله انا بس عيزاكم تمشوا عشان ترتاحوا شويه
سونه...عموما لو أحتاجتي أي حاجه قوليلي
دره...حاضر والله .
بعد وقت بسيط