أبن ليل بقلم اميره أسامه

كان الكل مشي وسونه خدت معاها مريم و رفاعي خد مفاتيح العربيه من بكر
دخلت مها وبكر يشوفوا البنات كانت دره معاهم هي وممرضه
دره....بردوا صممتي تقعدي
بكر.....مبتسمعش الكلام ابدا
مها....مش هنقدر نمشي وبعدين قعدتي مضيقاكم في ايه علي الاقل لو دره راحت تشوف شغلها انا نفضل مع البنات وانت خليك مع العيال جوه.
دره....ماشي يا ستي احنا عاملين علي تعبك
مها....انا كويسه والله
دانه....مامي قولتي لطنط دعاء تجيبلي اي هدوم بدل اللي متقطعه دي
دره....قولتلها يا دانه متقلقيش انتي واقفه ليه خليكي مرتاحه.
دانه....زهقت من نومة السرير هو انا ممكن اروح اطمن علي حسن وهيما ومحمد واحمد انا مشوفتهمش من وقت ما راحوا الاوضه.
دره....اه طبعا روحي.
دانه....بعد اذنكم.
خرجت دانه وراحت للشباب.
دره.....قربت من مها وبكر هنروح نمر علي العيانين خليكم مع الممرضه لحد ما تخلص شغلها.
بكر....طبعا روحي احنا موجودين
مها....متقلقيش عليهم روحي يلا شوفي اللي وراكي
دره....تمام مش هنتأخر عليكم.
مها....براحتك يا حبيبتي.
...............
في غرفه الشباب
خبطت دانه وفتحت الباب بهدوء
كل واحد فيهم كان نايم علي سريره وساكت هيما كان حاطت ايده علي وشه اول ما الباب اتفتح بص عليها.
هيما....تعالي يا دانه عامله ايه طمنيني عليكي
دانه عينها كانت علي محمد وبصاله بحزن
دانه....الحمد لله يا هيما انا بخير انت اللي عامل ايه
هيما....زي ما انتي شايفه بس الحمد لله علي كل حال
دانه....متقلقش ان شاء الله كلها كام يوم وترجع احسن من الاول.
هيما....بصوت واطي طمنيني دارين عامله ايه.
قربت من دانه.
دانه.....كويسه متقلقش عليها هي بس نفسيتها مش مظبوطه خالص
هيما.....اكيد بس المهم انها بخير
دانه....كرم قال ان حالتها مستقره وكويسه متقلقش عليها
هيما.....هي صاحبه ولا نايمه انا عايز نروح نشوفها
دانه....تروح فين لا طبعا خليك هتدوس علي رجلك ازاي لما مامي تقولك انك تقدر تدوس عليها روح وهي اكيد عارفه انك تعبان زيها 
وعموما انا هبلغها انك سالت عليها
هيما.....تمام يا دانه.
دانه....بابتسامه هروح اشوفهم
هيما.....بابتسامه روحي
قامت دانه بصت علي احمد كان مغمض عينه
دانه.....احمد انت نايم.
فتح احمد عينه وبصلها وابتسم
احمد....صاحي يا دانه
دانه....طمني عليك طيب
احمد....بخير مفيش غير رقبتي هي اللي تعباني طمنيني علي ديما هي كويسه
دانه....بخير الحمد لله
احمد.....هي زعلانه مني
دانه....لا خالص ليه بتقول كده 
احمد....عشان مقدرتش أخلي بالي منها وهي جنبي كلنا جينا مع بعض وسيبناها لوحدها بس والله محستش بروحي يا دانه اغم عليا وقتها ولما فوقت في العربيه واحنا جايين علي هنا كنت فاكرها معانا.
دانه....بطل هبل ايه اللي انت بتقوله ده وبعدين لو ديما هتزعل كانت زعلت مني انا ودارين احنا اخواتها ومع ذلك كلنا اصلا فقدنا الوعي ومحدش فينا حس بنفسه وانا كمان كنت فاكره ان كلنا مع بعض ومعرفتش انها مش معانا غير لما جينا هنا
احمد....بس هي كانت قاعده جنبي.
دانه.....والله ما زعلت منك وحتي لو قاعده جنبك ما انت كمان حصلك نفس اللي حصلنا كلنا
احمد....يعني هي مش زعلانه مني
دانه....اكيد لا وبطل عبط ومتفكرش بالطريقه دي انا لو روحت قولتلها الوقت هتيجي بنفسها تقولك انها مش زعلانه انا بس سيباها مع الممرضه بتطمن عليها هي والبنات.
احمد.....المهم انها متبقاش زعلانه
دانه....لا اطمن مش زعلانه هقوم اشوف محمد وحسن وهبقي ارجعلك
احمد...بأبتسامه ماشي .
قربت من حسن كان بيحاول يقوم اول ما شافها بتقرب منه ابتسمت.
حسن....عامله ايه يا دانه.
دانه....انت اللي عامل ايه ورايح فين.
حسن.....هروح الحمام وعايز نروح نشوف سماح والبنات
دانه....هما صاحين الممرضه عندهم وبكر ومها كمان المهم انت كويس.
حسن.....الحمد لله انتي الچرح عامل ايه
دانه.....احسن الحمد لله مش عايز اي حاجه اعملهالك.
حسن....بابتسامه ايه بقيتي دكتوره يابت
دانه....بابتسامه هاديه بحاول ايه منفعش
حسن.....تنفعي طبعا يا ست البنات 
دانه....ماشي يا سيدي يلا روح شوف الجو بتاعم واعملها دكتور
حسن....بضحك يابت اتلمي
قام حسن وراحت دانه قربت من محمد ابتسم ابتسامه بسيطه تكاد تكون معدومه وقفت قدامه بصت عليه بحزن وسكتت.
محمد.....بهدوء انتي كويسه
دانه.....هزت راسها بحزن وبصوت واطي انت كويس
محمد....الحمد لله
دانه...اتجمعت الدموع في عينها ونزلت منها دمعه جريت علي خدها بسرعه انا اسفه يا محمد اللي حصلك ده بسببي
محمد.....بسببك ايه يا عبيطه انتي اللي وقعتي الترام
دانه....لو مكنتش جنبك كان زمانك قدرت تحمي نفسك بس انت اتلخمت فيا والازاز جه في عينك 
محمد....اقعدي يا دانه
قعدت دانه جنبه ونزلت دموعها وهي بصاله.
قرب محمد ايده بهدوء مسك ايدها بصتله دانه پصدمه وقلبها دق پعنف.
محمد.....لو كان جرالك حاجه ومقدرتش احميكي مكنتش سامحت نفسي