مملكة احفاد الطوبجي الجزء الثالث أميره أسامه

ملحمه
مملكه_الطوبجي_1
أحفاد_الطوبجي_2
مملكة_أحفاد_الطوبجي_3
أميره_أسامه
صاحبه_البطل_الواحد
البارت الرابع عشر 
.................
علي الساعه عشره ونص وصل عاصم قدام السنتر بتاع فريده
مسك موبايله واتصل عليها مكانتش بترد اتصل تاني برده مردتش.
نزل من العربيه ودخل علي السنتر الجو كان هادي ومفيش غير بنتين من اللي شغالين معاها
سأل عليها قالوله انها فوق
طلع علي فوق خبط بس مجاش أي رد قلق عليها وفتح الباب مكانش ليها اثر.
عاصم....فريده فريده.
وهو بينادي كانت هي خارجه من الحمام لابسه بدي بحماله رفيعه جدا وحرف بطنها باين وسايبه الچاكت بتاعها بره اول ما شافته وقفت بسرعه مصدومه.

فريده.....عاصم.
عاصم....بتوتر اااا انا خبطت علي فكره واتصلت قبل ما ادخل مرتين.
فريده....بتوتر ااا لا لا محصلش حاجه راحت بسرعه علي الچاكت تلبسه.
انا انا كنت جوه مسمعتش
عاصم.....طيب هستناكي تحت و خلصي براحتك.
فريده ...لا لا خلاص خليك انا لبست.
عاصم.....اسف معرفش انك جوه بس قلقت لما مردتيش.
فريده....بإبتسامه قولتلك مفيش حاجه
عاصم....طيب ايه قدامك كتير
فريده....لا انا خلصت خلاص هقفل بس مكتبي ونمشي علي طول
عاصم.....مش هتستني لما المكان يتقفل
فريده....لا البنات هيقفلوا عادي
عاصم....طيب يلا بينا.
فريده......يلا بينا.
نزلوا علي تحت وفريده سلمت علي البنات وخرجت مع عاصم فتحلها الباب ركبها وبعدين ركبوا ومشيوا.
عاصم.....ها يومك كان عامل ازاي
فريده.....كان جميل بس مرهق شويه
عاصم....باين عليكي
فريده......كمان روحت لزهره
عاصم....زهره!! روحتلها فين القصر
فريده....لا كان عندها جلسه فا مقدرتش اسيبها لوحدها.
عاصم.....جلسه كيماوي
فريده.....لا دي جلسه نفسيه يعني مع الدكتور بتاعها ومع كذا حاله يعني بيتكلموا ويحكوا بيدعموا بعض بجد حلوين اوي اتعرفت عليهم كلهم قد ايه هما عندهم رضا مش طبيعي
عاصم سكت واكتفي بإبتسامه كان مضايق انها مقالتلهوش عارف انها لسه مخدتش قرار بس كان يتمني تقوله.
فريده...بإبتسامه واه صحيح اتفقت مع الدكتور الجلسه الجايه هروح انا وجزء من البنات هعملهم ميك اب وشعرهم يعني محاوله لرفع معنوياتهم شويه.
عاصم....براڤو حاجه جميله واكيد هتفرق معاهم كتير
فريده....اكيد طبعا جزء كبير من التعافي ان النفسيه تكون مرتفعه وإن شاء الله لو اتبسطوا هكررها كل فتره هما يستاهلوا كل حاجه حلوه.
عاصم....ربنا يشفيهم يارب ويشفي زهره.
فريده....يارب يا عاصم واه صحيح ميرسي علي الفطار.
بصلها عاصم بهدوء وابتسم.
عاصم.....دي حاجه بسيطه المهم انك تكوني كلتي.
فريده.....كلت متقلقش وكلمت لوكا كمان اطمنت عليها وفضلنا نرغي مع بعض شويه
عاصم......طيب كويس.
فريده......وعلي فكره هي زعلانه منك
عاصم....مني انا ليه
فريده....عشان مشيت قبل ما هي تصحي وتشوفك بس انا قولتلها معلش هو كان عنده شغل كتير يعني رضيت عنك شويه.
عاصم.....انا هصالحها.
سكتت فريده وطلعت سېجاره حطتها بين شفايفها وقربت منه العلبه
فريده.....سېجاره
عاصم....بإبتسامه بسيطه هز راسه بلأ
بصتله فريده بإستفهام وابتسامه بسيطه كانت حاسه انه مش طبيعي
فريده.....عاصم انت كويس
عاصم....اه تمام
فريده....بيتهيألي انك مش تمام خالص
بصلها عاصم ثواني وبعدين بص قدامه كمل سواقه وطلع سېجاره من علبته ولعها
فريده أستغربته وبقي عندها فضول تعرف ماله بس خدت الموضوع علي كرامتها اكتر فا سكتت وبصت جنبها من الشباك.
طول الطريق الاتنين ساكتين وعاصم باين انه مش طبيعي
سندت فريده راسها علي الكرسي بعد ما خلصت سيجارتها وفضلت ساكته.
بعد وقت بسيط وصل عاصم قدام الڤيلا بتاعتها ركن ونزل
فكت فريده الحزام ولقت الباب اتفتح مكانش باصصلها بصتله بهدوء ونزلت مشيت كام خطوه بإتجاه باب الڤيلا قفل عاصم الباب وراح وراها
طلعت فريده المفتاح وبعدين بصتله.
فريده.....ميرسي يا عاصم تعبتك
بصلها عاصم وفضل مركز في عينها وهو باين عليه ڠضب بسيط لاول مره تحس فريده ان قلبها بيدق اوي كده من نظرته يمكن نظره قلق خوف توتر زي اللي عامله عامله وهي مش عارفه.
فريده......عاصم في ايه بجد انت مش طبيعي ساكت طول الطريق كلامك علي القد حتي الوقت نظراتك مش طبيعيه
عاصم.....أبدا إرهاق شغل مش اكتر يلا ادخلي انا ماشي سلام
سابها وراح فتح الباب بتاع العربيه
بصتله فريده بزعل وبعدين حطت المفتاح في الباب عشان تفتح وتدخل قفل عاصم الباب بتاع العربيه و رجعلها تاني ومسك أيدها اللي بتفتح بيها وبصلها پغضب بسيط.
بصتله فريده پصدمه.
عاصم.....بهدوء لكن كلامه كان حاد مش معني اني سايبك تفكري و تاخدي قرارك بهدوء أنك تتصرفي كأنك لوحدك و كأني مش موجود ومره تانيه لو روحتي اي مكان تعرفيني انا مش رخم ولا طبعي شديد بس من حقي ابقي عارف انتي فين عشان ابقي مطمن عليكي روحي اي مكان في الدنيا وفي اي وقت يعجبك بس قبل ما تروحي بيتهيألي