مملكة احفاد الطوبجي الجزء الثالث أميره أسامه

ودخلت وقفت وراه وهي حاطه ايدها علي قلبها ومبتسمه.
ابتسم عاصم بسعاده وركب عربيته ومشي.
......................
بعد ما نور وميار كلوا مع بعض وخلصوا قعدتهم وصلها نور علي البيت وركن عربيته قدام باب العماره.
نور....حمد الله علي السلامه يا ستي
ميار....الله يسلمك تعبتك معايا يا مسيو نور
نور.....تعبك راحه ياستي وبعدين خلاص اتعودت
ميار....قصدك ايه انه متعبه
نور....لأ خالص ده انتي ملاك يلا ياستي انزلي خليني امشي.
ميار.....مستعجل علي ايه ما براحه هنزل اهو ايه وراك سهره ولا ايه احكيلي انا ستر وغطاء عليك
نور....رفع حاجبه وابتسم هتسيحيلي
ميار....بضحك علي حسب
نور....طب يلا يابت انزلي مش قايل
ميار.....ضحكت لا طب خلاص والله مش هسيحلك قول
نور....مش قايل يلا امشي.
ميار....متبقاش رخم بقي قول
نور.....بضحكه جميله غمزلها يعني هلف لفه كده
ميار.....اوبااا شامه ريحة بنات في الموضوع
نور....يخربيت الذكاء ما اكيد بنات امال ولاد انزلي انزلي يا ميار
ميار.....بضحك طب خلاص الله يسهلك ياعم
نور.....متنسيش تسيحي هاا
ميار....من عيني يلا بااااي
نور....باي يا مجنونه
طلعت ميار ومشي نور بالعربيه.
...............
بعد كام ساعه علي الساعه واحده بليل في غرفه رهف.
من بعد كلام رامي مع رهف وهي قاعده بتفكر مش عارفه تتصل ولا متتصلش كل شويه تمسك الموبايل وترجع تسيبه يمكن كلام رامي كان صح بس كمان هو اللي زعلها بطريقته فا كانت حيرانه بين انها تتصل وبين كرامتها اللي ۏجعاها خصوصا انه متصلش بيها تاني كانت هتتجنن و تكلمه و حشها و مفتقداه ويومها طويل من غيره بس زعلانه منه عشان محاولش يكلمها تاني .
لكن قررت انها تتصل بيه وتعاتبه ويتكلموا و يخلصوا الزعل اللي بينهم.
رنت عليه واول ما جلال سمع موبايله بص علي الشاشه واول ما لمح اسمها سابه جنبه و مردش عليها كان حابب يردلها التجاهل اللي عملته لما اتصل عليها ومردش وسابته يوم كامل
وكان متعصب منها وواثق انه لو رد هيتعصب عليها اكتر .
سابت رهف الموبايل وهي مټعصبه.
رهف....مش عايز ترد عليا يا جلال ماشي انا غلطانه اني اتصلت بيك اصلا
ثواني وسمعت صوت رساله علي الواتس مسكت الموبايل بسرعه
كان هشام بيبعت في الشات اللي بينهم كلهم.
هشام....الو الو واحد اتنين تلاته انتوا يا بشړ اجمعوا بسرعه عايزكم.
رهف وجلال كانوا باصين عالشات بيشوفوا اللي بيتكتب وهي كانت مستنياه يكتب عشان تتأكد انه ماسك الموبايل وقاصد ميردش.
امير....في ايه يالا مالك ابه واحد اتنين تلاته دي بتجرب المايك
رامي....بعت ايموچي ضحك والله لسه هقوله كده
هشام....بضحك عشان اجمعكم بسرعه فين الباقي
فاطيما.....مسااااء الفل
رامي....بضحك قصدك صباح الفل يا غيبوبه الساعه واحده.
فاطيما.....بضحك بقولك ايه اتلم وبطل كلمه غيبوبه دي.
امير.....بعت ڤويس وهو بيضحك تصدق ياض يا رامي الاسم لايق عليها.
فاطيما.....مالك يا امير انت كمان طبلوا لبعض يلا اكتر عشان صوت الطبله مش واصلي
رامي......بس يابت اتكلمي مع صاحبي كويس
نور.....بت اما تبتك يلا
فاطيما.....اخويا جالكم
رامي.....عليكي وعليه
فاطيما....الحق يا نور بيشتمنا ومش هامه انك موجود
نور....سبيه انا مش هرد عليك عشان معانا بنات
رامي....لا وانت مؤدب اوي
هشام.....يلا امسكوا في بعض انا عايز ډم انا بنادي عليكم يا بغل منك ليه عشان تمسكوا في بعض.
امير.....انا مؤدب وساكت.
هشام....اتنيل انت كمان.
فرح....مسا مسا متجمعين يعني.
امير....بضحك ومعانا تاني غيبوبه في الشات مسا مسا ايه اسمها صبح صبح.
رامي.....بضحك هما تقريبا قعدتهم مع فاطيما عدتهم.
فرح.....مالك ومال صاحبتي وانت يا امير بتطلعني مسرح ماشي عليك فاكرها بس.
امير....مقدرش يا قلبي.
فاطيما....سيبهم يا فروحه فرط الحركه مبهدلهم.
جلال.....ما تتلم يا سي زفت هو ايه اللي مقدرش يا قلبي.
امير.....ولا اقعد في حته ناشفه واطلع منها هتعمل فيها اخوها وبتغير هجيلك اوضتك اروقك.
جلال....علي حق يا صاحبي 
هشام....جبت وراء ليه
جلال....بضحك مش حمل هزاره. ايده التقيله و انا راجع مفرهد لوحدي من الشغل.
رامي.....قول انك جبت وراء ومتتكسفش.
جلال.....اه جبت وراء ليك فيه بتتحشر بينا ليه احنا عبله مع بعض.
امير......بضحك حبيبي يا جلجل شكلك وحشششش يا رامي.
رامي....بقي كده يا جلجل ده انا حبيبك بتفرحه فينا.
جلال....مش عايز تروش وتعمل عليا حفله اشرب بقي.
نور.....هتفضلوا ترغوا كده كتير عايز ايه يا سي زفت انت كمان انجز.
هشام.....ماتتلم ياض مستنيكم تتجمعوا ايه وراك حلم عايز تلحقه
فاطيما....لا حلم ايه مش لما يرجع الاول 
هشام....انت بره
رامي....بتعمل ايه بره من غيرنا ياواطي.
نور....بضحك ملكوش فيه
فاطيما.....مع موزه جديده
رامي.....اوباااا خېانه.
امير......بتصيع من غيرنا يا نور
جلال.....حب يضايق رهف عشان شايف انها فاتحه وبتقرأ الرسايل من غيري يا صاحبي مكانش العشم طيب خدني