مملكة احفاد الطوبجي الجزء الثالث أميره أسامه

مش صعب اني اكون عارف صح.
بصتله فريده قلبها دق پعنف شبح إبتسامه ظهرت علي ملامحها لغبطها و وترها وقلب كل موازينها طريقته تجذب من غير اي مجهود غيره وعصبيه ليها حدود كاريزما مش طبيعيه
عينها كانت علي عروقه البارزه جنب رقبته لاول مره تشوفه متعصب لكن كمان اللي جذبها اكتر ان حتي عصبيته مطلعهاش عليها كان حريص انه يظهر غضبه كا رد فعل لكن في نفس الوقت غضبه مكانش قاسې عليها.
عاصم.....خرجها من شرودها سكتي ليه قولت حاجه غلط
هزت فريده راسها بلأ وهي عينها علي العرق البارز جنب رقبته
عاصم.....بهدوء لا ردي عليا اللي قولته في حاجه غلط
فريده.....احممم لأ
عاصم.....يعني هيتنفذ بعد كده
فريده.....بإبتسامه إحراج رجعت شعرها وراء ودنها وبصت بعيد عن عينه حاضر يا عاصم.
رجعت تاني بصت علي العرق اللي جنب رقبته وحست انه بيختفي بهدوء وكأن سماعها لكلامه خلاه هدي بصت في عينه
لمحت إبتسامه ولمعه في عينه وبعدين رفع حاجبه ومال براسه شويه وهو عينه عليها.
فريده....ااا انا بس عايزه اقول حاجه.
عاصم.....قولي سامعك
فريده.....يعني انا متخيلتش انك ممكن تضايق عشان روحت لزهره بس انت بردوا لازم تعرف ان زهره مش مجرد صاحبه زهره دي عشرة عمري اختي وتقدر تقول ان هي الحاجه الوحيده اللي لسه مكمله معايا من الماضي وانت عارف ظروف زهره انا مقدرش اسيبها ولا اقدر احس اني مقصره معاها ولا اقدر استني لحد ما هي تطلب اني اكون موجوده معاها وجودي معاها في اصعب لحظات حياتها مينفعش يكون طلب منها ده واجب عليا مقدرش اشوف في عينها الإحتياج ليا انا لازم اكون موجوده قبل ما هي تحتاجني
ولما روحتلها يعني مجاش في بالي اني اعرفك ولا جه في بالي انه هيفرق معاك اوي كده انك تعرف
عاصم.....فريده انتي فهمتيني غلط انتي مش مجبره خالص تبرري كل ده انا لا يمكن اسمح لنفسي اني أكون سبب في تقصيرك مع زهره لانه مش من حقي زهره صاحبتك و اختك و علاقتكم ببعض قويه ومش بس زهره اي حد تربطك بيه علاقه حتي لو مش قويه مش هقدر امنعك عنها انا بس كل اللي طالبه اني اكون مطمن عنك عارف وانا بعيد عنك انتي فين
قرب منها اكتر وبصلها في عينها وهو مبتسم ابتسامه جذابه 
وعشان يكون في علمك يا فريده انا قولتلك اني سايبك براحتك تاخدي قرارك بهدوء و تفكري بس لازم تعرفي انتي ليا بمزاجك بقي ڠصب عنك انتي ليا يا فريده انا سايبك براحتك او بمعني اصح واخدك علي قد عقلك بس لازم تعرفي انك مش هتعرفي تبعدي عني ردك عليا بالنسبالي تحصيل حاصل انتي بتاعتي فاهمه
ابتسمت فريده بصت بعيد وبعدين بصتله تاني.
فريده.....بتاخدني علي قد عقلي يعني
عاصم....بإبتسامه عدل وقفته وبصلها بحب اه زي ما بعمل مع لوكا بعمل معاكي.
فريده.....بضحكه كسوف تقصد يعني اني لسه طفله وكده
عاصم....اه انا عندي بنتين مش بنت واحده ولازم اتعامل معاهم علي قد سنهم
فريده.....بابتسامة رفعت حاجبها لا عيب كده بقي ايه علي قد سنهم دي .
عاصم.....والله انا حر اتعامل مع بناتي بالطريقه اللي تعجبني والطريقه اللي عارف انها هتوصل لعقلهم قولتي هاخد وقتي وهفكر وسيبني براحتي وانا سمعت الكلام بس في النهايه اللي انا عايزه هو اللي هيحصل
فريده.....بإبتسامه ڠصب عني يعني
بصلها عاصم بحب
عاصم.....بمزاجك يا فريده هتوافقي بمزاجك بس لو عيزاها ڠصب انا جاهز.
فريده.....طيب يلا امشي من هنا بقي
عاصم.....بإبتسامه انتي بتطرديني طيب مش ماشي.
فريده.....بتضحك الوقت اللي يشوفك من شويه ميشوفكش الوقت
عاصم....انتي السبب
فريده.....قولتلك مكنتش عارفه انه هيفرق معاك
عاصم.....وزعلانه اني بقولك باخدك علي قد عقلك طب دي لوكا بتفهمني من غير ما اتكلم
فريده لازم تعرفي اني مش محتاج اقولك ايه يفرق معايا وايه ميفرش انتي كلك علي بعضك فارقه معايا يا فريده فهماني انتي فارقه بكل تفاصيلك
ابتسمت فريده بإحراج وفضلت تلعب في شعرها.
عاصم....بضحكه جميله طيب خلاص سيبي شعرك هتقطعيه
فريده....طيب امشي بقي ممكن
عاصم.....بحب حاضر يا احلي فريده في الدنيا همشي يلا ادخلي واقفلي علي طول
فريده.....حاضر بوسلي لوكا وسلملي عليها
عاصم....حاضر
فريده....باي
عاصم....باي.
دخلت فريده وقفلت الباب وراها بصتله وهي مبتسمه و رفعت ايدها تقوله باي وبعدين مشيت بسرعه كام خطوه
عاصم.....فريده
بصت فريده من بعيد
عاصم.....بحبك
ابتسمت فريده ومردتش عليه ودخلت بسرعه فتحت الباب