مملكة احفاد الطوبجي الجزء الثالث أميره أسامه

منه
جلال....مش عارف يا هشام والله بس مليش مزاج اخرجوا انتوا واتبسطوا وانا هبقي معاكم يوم تاني.
حست ميار ان هو مش عايز يجي عشانها وفي نفس الوقت كان احساس رهف لانهم زعلانين من بعض.
رامي....ولااااا هتعمل فيها رجل اعمال هاجي انفخك انجز
نور.....بطل رخامه بقي يا جلال كلنا اتفقنا ودي حاجه مبتحصلش كتير
امير.....هيجي هيجي انا هجيبه من قفاه.
جلال.....بجد والله مودي مش مود خروج خالص وبعدين انا لسه راجع من سفر فا فككم مني
حبت ميار تهرب بهدوء وعشان تديله المجال لو حابب يخرج معاهم بس مش عايز عشان هي موجوده.
ميار....طيب يا جماعه يعني لو هو مشغول او ملهوش مزاج خلاص او نكنسل الخروج انا بصراحه ممكن معرفش و لو علب البنات عشان ميزعلوش هتفق معاهم ونخرج يوم مع بعض.
بسرعه امير بعت لجلال علي الخاص.
امير....ولا بطل رخامه انت مش عايز تيجي عشان ميار
جلال....لا خالص والله انا قافش مع رهف ومليش مزاج اخرج بصراحه.
امير...طيب خد بالك ميار شملها فكرت انك مش عايز تخرج عشانها.
جلال....اكيد لا طبعا
امير.....طيب اخرج بقي ومتبقاش رخم متحرجهاش.
جلال...تمام يا امير
في الشات الكبير
رامي....نعم هو انتي شايفه كده شكرا با ست ميار يعني تشوفي البنات ومش مهم احنا.
هشام....ايه العبط ده كلنا هنخرج وانا قولت في الاول محدش هيعترض.
فرح.....ميار والله هزعل بجد
فاطيما....انتوا مالكم بقيتوا رخمين كده ليه ما تخلصوا بقي وقولوا موافقين ما صدقنا الكل موافق جلال يا رخم انت فين.
هشام....والله شكلي هتجنن واروح اجيبه من هدومه
جنه....بضحك اروح اجيبه انا
جلال....تجيبي مين يابت انتي ناسيه اني عمك
رامي.....بضحك اتنيل
هشام......عمها 
نور.....جلال بكره خلاص انجز وانتي يا ميار متهرجيش
ميار.....نور بليز معلش خليني انا واخرجوا انتوا كلكم خليتي مره تانيه
جلال.....بعت أيموچي وهو رافع حاجبه علي فكره لو ميار مجتش انا مش جاي.
ابتسمت ميار وقلبها دق بسرعه و كفايه احساسها انه مش بيتهرب منها يعني حتي لو مش ليهم نصيب مع بعض كفايه يكونوا موجودين في حياه بعض.
نور....ايوه هو ده نبطل رخامه بقي وقولوا موافقين 
ميار ...بإبتسامه خلاص يا جماعه هاجب ان شاء الله انتوا بس عرفوني هنخرج امته وفين وانا هجيلكم علي هناك.
نور.....هعدي عليكي انا وفاطيما.
ميار....لا خليك انت يا نور اصلا هكون في الشغل ويادوب هخلص مش عارفه هقدر ارجع عالبيت ولا هاجي من الشغل علي طول
نور......هنبقي مع بعض علي التليفون وهنظبطها
فرح....طيب نعدي احنا عليكي
امير.....تمام خلينا نيجي ناخدك يا ميار.
نور....وانا مش مالي عينكم منك ايها ولا ايه
امير....بضحك لا
ميار....معلش انتوا بس ابعتولي اللوكيشن وانا هاجي.
جنه....عارفه لو بتهربي والله هجيلك يا ميار انا والعصابه
ميار....بإبتسامه لا والله ابدا قولتلك هاجي خلاص صدقيني.
هشام....خلاص يا شباب يبقي بكره علي 8 كده كويس
امير...تمام مش هتقول هتودينا فين
هشام....لا بكره وبطل رغي خليني اروح اشوف روبي بتتخانق مع مين.
امير....بضحك شوفها لا تكون أتلبست
هشام.....لا شكلها بتتخانق مع سيمبا 
رامي....سلم عليها يا اتش
هشام....يوصل يا صاحبي يلا باي
بدأ الكل يخرج من الشات بعد ما سلموا علي بعض
....................
في غرفه منذر
مسك موبايله يكلم فيروز.
جاله الرد وهو خلاص هيفصل.
فيروز...بصوت نايم الووو
منذر.....حبيبي انتي نايمه
فيروز.....كنت بنيم فيروز وشكلي نمت جنبها
منذر....طيب ياروحي خلاص كملي نوم اسف والله معرفش متعود انك تقوليلي قبل ما تنامي.
فيروز.....لا خليك انا اصلا مش عارفه نمت ازاي بس فيروز تعباني جدا ومش بنام منها
منذر.....هي كويسه ولا تعبانه
فيروز....لا كويسه بس مش بتبطل زن وعلي طول عايزه تفضل صاحيه وبجد بقت متعبه جدا
منذر.....معلش يا قلبي هي لسه صغيره تكبر بس شويه ونومها يتظبط.
فيروز....اكون انا مۏت من التعب
منذر....بعد الشړ عليكي خلاص هانت كلها وقت بسيط ونبقي مع بعض وانا ياستي هريحك منها خالص ومش هخليكي تحسي بيها.
فيروز......بيتهيألك انت بس عشان مش مجرب الزن بتقول كده بكره الاقيك بتطردني انا وهي من الاوضه عشان تنام
منذر....بإبتسامه مقدرش ده انا بعد الايام عشان اشوفك انتي وهي معايا وبعدين هنروح بعيد ليه لما تبقي معايا هتشوفي
فيروز.....هشوف بس مترجعش تزعل
منذر....لا متقلقيش علي قلبي زي العسل اطلعي بس انتي منها انا وبنتي حرين مع بعض.
فيروز....شايفه اني بتركن علي الرف من قبل ما اتحط عليه
منذر....ومين قال انك عالرف اصلا
فيروز.....كمان يعني لا علي الرف ولا هبقي عليه.
منذر.....انتي في قلبي يا فيروز وعمرك ما هتكوني علي الرف عشان تبقي براه.
فيروز....بإبتسامه قامت اتعدلت ورجعت شعرها لوراء اقولك