مملكة احفاد الطوبجي الجزء الثالث أميره أسامه

علي حاجه نفسي فيها الوقت
منذر...قولي يا ست البنات
فيروز.....عايزه اشوفك
منذر....بابتسامه الوقت 
فيروز....بضحك ايه مالك اټخضيت كده ليه
منذر......لا متخضتش انا بسأل
فيروز......اه الوقت انا عارفه انه مش هينفع بس بقولك علي اللي نفسي فيه.
منذر....طب بقولك ايه تلت ساعه وهكون عندك
فيروز....پصدمه ضحكت استني يا مچنون انت جاي بجد
سمعت فيروز صوت الباب بتاع اوضته بيتقفل
منذر.....امال بهزر
فيروز......منذر استني بلاش جنان انا اصلا مش هعرف أشوفك لو جيت
منذر ....لحظه بس كده اقفل باب الڤيلا
فيروز....بضحك منذر بلاش جنان بجد والله بهزر خلاص اقولك خليها بكره
منذر....بكره ده ايه بنهزر احنا خلاص الاورد طلع من مكانه وعلي وصول يا ست البنات
سمعت فيروز صوت العربيه فضلت تضحك پصدمه.
فيروز.....منذر انت راكب العربيه
منذر...اه والله العظيم
فيروز..... منذر وحياتي ارجع خليني طيب اشوفك بكره
منذر.....اسكتي شويه انا خلاص خرجت من الڤيلا والله
فيروز.....طب انا هشوفك ازاي مش هعرف انزل والله افول ايه لبابي ومامي واخواتي مش هقدر
منذر....مليش دعوه انتي طلبتي وانا نفذت
فيروز....منذر يا مچنون ارجع بالله عليك خلاص انا اسفه مش عايزه اشوفك.
منذر....بس انا عايز اشوفك .
ابتسمت فيروز علي جنانه وفضلت راحه جايه في الاوضه وهي بتلعب في شعرها بتوتر
منذر.....روحتي فين
فيروز....معاك
منذر....طيب ساكته ليه
فيروز.....هو انت خليت في مجال للكلام منذر انا بجد هشوفك ازاي
منذر....زي الناس هشوفك حتي من بعيد
فيروز.....يعني تيجي كل ده عشان تشوفني من بعيد
منذر.....انا راضي المهم اني اشوفك
فيروز.....مچنون انت صح
منذر.....بس بحبك
فيروز.....وانا بحبك اوي
منذر....بقولك ايه يلا اقفلي واول ما اقرب هكلمك
فيروز.....حاضر سوق براحه
منذر...حاضر يا قلبي يلا باي
فيروز....باي
قفل معاها منذر واتصل علي زيد
طلع زيد علي السرير جنب صبا ونام علي بطنها يسمع البيبي
صبا....بإبتسامه انت بتعمل ايه
زيد.....بحب بصلها بتكلم مع ابني
صبا....واشمعني ابنك مش يمكن بنتك 
زيد....اممم يمكن وياريت تكون بنتي
صبا.....بحب ابتسمت زيد هو انا ليه بحس انك غير كل الرجاله
زيد.....يعني ايه غير كل الرجاله
صبا....يعني اللي اعرفه ان الراجل بيحب الولاد اكتر انت الوحيد اللي بحس ان عينه بتلمع لو قولت انها بنت
زيد.....علي فكره انا بجد هكون مبسوط لو طلعت بنت اكيد هفرح لو ولد عشان زي رجاله كتير بيتقال ان الولد امتداد لاسم ابوه بس لو بنت انا مش بس هفرح انا هكون طاير من السعاده.
صبا....طيب و ايه سبب حبك في البنات 
زيد.....طيب هتصدقيني
صبا....اكيد.
زيد.....بحس ديما ان اللي ربنا بيرزقه ببنت بيبقي راضي عنه يعني اكيد ان ربنا يرزقني بالاولاد عموما ده رضا ما بعده رضا لكن البنت ربنا كرمها كتير في القران الرسول اوصانا عليهم كتير واكيد ده ليه اسباب كتير منها اللي نعرفه ومنها اللي منعرفهوش الرسول عليه الصلاه والسلام.
صبا....عليه الصلاه والسلام.
زيد....قال لا تكرهوا البنات فإنهن المؤنسات الغاليات بيتهيألي ده وصف لازم اي راجل يقف عنده من جماله
يعني معروف ان البنت حبيبه ابوها ربنا بيرزقني بحنيه ودلع وحب واهتمام من غير مقابل يبقي ازاي افضل الولد عنها والاهم ان فضل خلفة البنات دخول الجنه وانا عايز ادخل الجنه يا صبا.
صبا....بحب قربت ايدها علي وشه انت جميل اوي يا زيد وبجد لو هي بنت يبقي يا بختها بيك عشان هتيجي الدنيا وهي ربنا رازقها بأحن واعظم واحلي اب في الدنيا وبعدين ديما بشوف فيك انك مستحيل تخلي حد يجي علي حد فينا زي موقفك انهارده مع خلود وموقفك قبل كده مع مريم وموقفك مع فيروز لما حسام كان عايش لما رفعت عليه السلاح بس الحلو فيك انك مستعد تعمل ده مع اي حد يخصك مش بس اختك ومواقف كتير شوفتهالك تخليني اقول ان البيبي اللي في بطني لو بنت يبقي بجد يا بختها بيك
زيد......الست يا صبا متخلقتش عشان تتهان او تحزن او تتكسر يمكن انا مستعد اساعد اي بنت او ست تكون في موقف اكبر منها مش بس بنات عيلة الطوبجي لان دول بالنسبالي خط احمر مينفعش حد يتخطاه مبالك بقي لما تكون بنت زيد الطوبجي 
صبا....افهم من كده لو طلع ولد مش هتتبسط اوي
زيد ...لا طبعا قولتلك اني بردوا زي اي راجل هفرح لانه هيبقي امتداد لاسم زيد راجح الطوبجي
صبا.....طيب قولي لو بنت عايز تسميها ايه ولو ولد.
زيد....هو بس انا عندي استفسار صغير هو انتي ليه مش عابزه تريحيني وتعرفيني هو ايه بالظبط
صبا....بضحك حابه اشوف المفجأه علي وشك