مملكة احفاد الطوبجي الجزء الثالث أميره أسامه

لما اخرج بالبيبي من اوضه العمليات
زيد.....ما يمكن يخرجوا البيبي قبلك زي ما بشوفهم بيعملوا
صبا....بضحك قرصته براجه من خده لا ما انا متفقه مع الدكتور ميخرجش البيبي غير معايا
زيد....ايه ده استني صحيح اصلا انا هكون معاكي في اوضه العمليات.
صبا.....ايوه صح
زيد...بضحك عبيطه اوي فاتتك دي صح
صبا....بإبتسامه صراحه اه بس عادي بردوا هشوف ملامحك لما تعرف نوع البيبي
زيد...اقولك علي حاجه
صبا.....قول
زيد....السسبينس اللي انتي عملاه ده في حوار نوع البيبي مخليني ديما متخيل انك هتجيبي توينز عشان كده عملاها مفجأه
صبا....بضحك ايوه عارفه وعلي فكره حسيت ده اوي ومش معاك انت بس ده الكل فاكر كده بس لا هو مش توينز
زيد.....رفع حاجبه اكيد
صبا....اه مش توينز هو واحد بس اللي جوه صدقني
زيد....بضحك يعني مش مخبيه حاجه كده ولا كده
صبا.....لا مش مخبيه وبعدين انا بطني مش كبيره اوي كده
زيد .....لا شكله او شكلها هيجوا صغيرين ومش هعرف اشيلهم
صبا....لا متقلقش الدكتور بيقول حجمه كويس بس قولي افرض كانوا توينز كنت هتفرح
زيد.....بضحكه جميله افرح ده انا كنت عملتلهم فرح سبع ايام بلياليهم زي ما الصعايده بيعملوا
صبا....بضحك ليه كل ده
زيد.....عشان طول عمري بتمني يكون عندي توينز ويبقوا شبه بعض ونتلغبط فيهم وهما يشتغلوني والجو ده
صبا....اه بس انت اللي كنت هتتلغبط انا لا اللي بسمعه يعني ان الام الوحيده اللي مش بتتلغبط فيهم
زيد.....دي حقيقه
صبا....طيب قولي بقي عايز نسميهم ايه.
زيد......شوفي لو ولد انا بعشق سدينا عمر ابن الخطاب لدرجه متتوصفش واتمني لو عندي ولد أسميه عمر لو بنت ميتهيأليش في اسم احلي من صبا.
صبا....بضحك هو انت وصاحبك مالكم فيروز رقم اتنين وصبا رقم اتنين خلاص الاسماء خلصت.
زيد....بضحك احنا حورين البنات بتوعنا احنا نسميهم براحتنا بس عموما انا هسيبلك انتي موضوع الاسامي دي انتي حره سميهم الاسم اللي يعجبك
صبا......هو عمر عاجبني علي فكره ده لو ولد يعني بس لو بنت بلاش صبا
زيد.....عندك اسم احلي من صبا
صبا....بحب باسته من جبهته وهو نايم علي رجلها اه عندي آسيا
زيد....هو آسيا جميل بس صبا أجمل بكتير
صبا....بإبتسامه انت بجد عايز تسميها صبا لو بنت
زيد....اه والله العظيم
صبا......طيب انا في اسم تاني في بالي وبجد بحبه اوي ويمكن اكتر من اسيا كمان
زيد....ايه هو
صبا....بإبتسامه طيب لو بنت هنسميه
زيد.....انتي بتساوميني
صبا.....الله مش بنتفق
زيد....طيب خلينا نتفق بجد
صبا....علي ايه
زيد.....لو بنت انا اسميها ولو ولد انتي سميه
صبا......لا والله انت بتاخدني علي قد عقلي ما لو بنت هاسميها صبا ولو ولد انا متفقه معاك علي اسم عمر يعني في الحالتين انت اللي هتبقي مختار 
ضحك زيد عليها ومسك كفها باسه
زيد....اتكشفت صح
صبا....اوووووي علي فكره
زيد....طيب قوليلي ياستي نفسك تسمي ايه
صبا.....اممممم روح
زيد....بصلها وابتسم وغمض عينه وبعدين فتحها وبصلها
صبا.....ايه اعترض بقي بزمتك مش روح احلي من صبا.
زيد.....المشكله إن الاتنين محفورين في قلبي
صبا....طيب قول اه عشان خاطري خلينا نفرح روح بروح الصغيره.
زيد....بإبتسامه قام بسرعه وبصلها پصدمه ايوه يعني هي بنت صح قولي صح خلاص وقعتي بلسانك.
صبا....بضحك لا لا استني انا بقول لو
زيد....لا خلاص وقعتي يا عبيطه وانا مش هصدق غير اللي اتقال هي بنوته خلاص
صبا....بضحك انت مصدقت ايه الفرحه دي بقولك ايه لو طلع ولد مليش دعوه انت اللي صدقت
زيد....انا قلبي بيقولي انها بنت
صبا.....خد بالك انا بغير يعني لو فكرت تحبهم اكتر مني ھقتلك
زيد.....مفيش حد ينفع يتحب اكتر منك ولو حصل انا هحبهم عشان هما حته من صبا
صبا.....بحبك يا زيد اوي اوي
زيد....وانا بمۏت فيكي يا احلي ام روح في الدنيا
صبا.....بسعاده ايه ده يعني هتبقي روح خلاص
زيد.....والله لو بنت انا موافق.
صبا....امال ايه صبا صبا في ثانيه كده بعتني
زيد....بضحك مسكها من التيشرت بتاعها لا بقولك ايه هرمونات الجمل دي متطلعش عليا مش انتي اللي مصممه متبقاش صبا طب ايه رايك بقي هتبقي صبا.
صبا....بضحك لا خلاص مفيش هرومونات هي روح لو بنت بس بقولك ايه متقولش لروح خلينا نفاجئها.
زيد....نفاجئها يعني بنت بالله عليكي قولي اه متبقيش رخمه بقي
صبا....بحب يا روحي انت بتتحايل عليا والله صعبت عليا
زيد.....اه خليني اصعب عليكي بنت صح قولي اه
صبا....بإبتسامه شړ لا مش هقول
زيد....امشي يابت انتي رخمه وانا هخاصمك ومش هنيمك في حضڼي
صبا......اهون عليك
زيد...اه اشمعني انا بهون عليكي
صبا.....بدلع هخاصمك
زيد.....ما المشكله اني مقدرش علي خصامك خلاص هاخدك واستحمل وامري لله
صبا....بتركيز هو ايه اللي بيزن