مملكة احفاد الطوبجي الجزء الثالث أميره أسامه

كل ده مكنتش قادر انساه وطول الوقت بحاول اني انسيه الۏجع بس مكنتش عارف كنت خاېف اموت قبل ما احس انه سامحني من قلبه
روح....كلام ايه ده بس يا راجح بعد الشړ عليك يا حبيبي وبعدين انت مش عارف زيد ولا ايه ده نسختك يا راجح لا بيعرف يشيل من حد ولا بيفتكر الۏحش والدليل انه اتجوز وبقي مبسوط وروحه رجعتله
راجح....عارف يا روح انه اتجوز وبقي مبسوط بس عارف كمان انه ضاع من حياته سنين من غير جواز عارف كمان اني كنت السبب في وجعه وقهرته كل يوم وكل ثانيه بتعدي البني ادم يا روح لما بتفوت منه دقيقه وهو مش عامل فيها الحاجه اللي تسعده بيفضل حزين علي الوقت اللي ضاع منه ما بالك بكام سنه ضاعت وياريت الحاجه اللي ضاعت حاجه عاديه دي حياه ومستقبل وحب يا روح
روح....انا مقدره كل اللي انت بتقوله وعارفه انه مش سهل علي اي حد بس صدقني يا راجح حتي لو مكانش انت ليك يد في اللي حصل زيد مكانش هيبقي لصبا غير لما ربنا يأذن وكان ممكن اوي ربنا ميأذنش لو ملهمش نصيب في بعض
بصلها راجح بإبتسامه بسيطه
راجح.....ايه العقل ده بس ده مكانش رأيك وقتها وشوفتي اني ظالم زي ما هو قال
روح....بإبتسامه بسيطه اه يا راجح ده كان كلامي وقتها بس لان وقتها الموقف مكانش العقل موجود فيه الموقف كان عاطفي اكتر ما هو عقلاني انا يومها شوفت ابني بينهار قدام عيني
سمعت منك كلام مكنتش اتوقع انه يطلع منك فكرة انك تيجي علي زيد عشان خاطر هو مش ابني وايمن هو اللي ابني قتلتني يا راجح وقتها حسيت انك بتهد كل السنين اللي ضيعتها في تربيته هو واخواته حسستني انه كنت بربيهم شفقه وعطف من باب انهم فقدوا امهم ولغيت دوري بالامومه من ناحيتهم
الام مش هي اللي بتخلف يا راجح ياما امهات خلفوا ورموا ولادهم من قبل حتي ما يشوفوهم وياما امهات خلفوا وماتوا الامومه يا راجح بتبدأ من اول يوم تشوفهم فيه من اول يوم تربيهم فيه واللي يقولك ان الامومه بتبدأ من اول ما الست تعرف انها حامل يبقي كداب شهور الست في الحمل طول التسع شهور وضع وشعورها وهي بتشوفهم بيكبروا قدام عينها كل ثانيه وضع تاني خالص
وانا ربيت قاسم وسالم وزيد مع حياه اختي الله يرحمها من اول ما جم علي الدنيا مكنتش بسيبها لحظه كنت متعلقه بيهم وبحبهم
راجح انا عمري ما حسيت اني خالتهم طول ما حياه اختي كانت عايشه انا مهما وصفتلك شعوري والله ما هتفهمني بس يشهد عليا ربنا ان في وجود حياه كنت بتعامل معاهم علي انهم ولادي
هتقولي ليه هقولك مش عارفه يمكن ده كان تمهيد من ربنا انه يحط الشعور ده جوه قلبي من ناحيتهم يمكن ربنا كان عارف ان حياه مش هتكمل معاهم حياتهم وانا اللي هبقالهم وعايزه اقولك
ان ده كان اقوي واهم درس فهمته بس فهمته بعد ما حياه اټوفت وعرفت ان ربنا ليه حكمه وعارف الدنيا هتمشي ازاي كان في اسباب وإشارات كتير مكنتش شيفاها ولا واخده بالي منها بس بعد كده لما بقيت افتكر المواقف الغريبه اللي كانت بتحصل عرفت هي كانت بتحصل ليه. زي مثلا تعب حياه بعد ما ولدت نادر وفضلت انا مسؤوله عنه من اول يوم اتولد فيه وهو مش بينام ولا يسكت غير في حضڼي انا هقولك سر يا راجح بيتهيألي اول مره اقولهولك
راجح....سر ايه
روح.....انا رضعت نادر يا راجح
بصلها راجح بتأثر وابتسم
ابتسمت روح وهي عينها مدمعه
روح ....صدقني يا راجح انا صدري حن لنادر ومكنتش فاهمه ايه اللي بيحصل ولا انا بعمل ايه
يمكن مقدرتش اقول ليك او حتي لحياه وقتها عشان متزعلش وهي تعبانه بس ده اللي حصل تعلق نادر بيا وسكوته معايا و نومه بين دراعي خلاني حسيت اني امه كنت بحس إن صدري في نغزه فظيعه وفي حاجه بتشكني كل ما أضمه كنت بحس اني عايزه اعمل كده وكنت بستغرب من الشعور ده ووقتها ترجمت الشعور ده بكذا طريقه قولت يمكن حبي للاطفال هو اللي مخليني حاسه بده او يمكن عشان صعبان عليا انه اتولد وبسرعه مبقاش في حضڼ امه بسبب تعبها كنت بتجنن عشانه لما يعيط وهو جعان كنت بعمله اللبن قدامكم واخده وادخل الاوضه اقفل علي نفسي عشان ارضعه اول مره دخلت فيها الاوضه قولت لنفسي ايه العبط اللي بتعمليه ده ياروح لو راجح شافك هتقوليله ايه لو حياه عرفت ممكن تزعل ممكن اصلا اللي بتعمليه ده يبقي غلط علي نادر بس مقدرتش اقاوم الاحساس اللي جوايا يا راجح دموعها نزلت وبصتله النغزه اللي كانت في صدري كانت بتزيد كل ما ادخل بيه الاوضه كأن دي إشاره عشان اعمل كده وفعلا رضعته يا راجح الشعور اللي حسيته يومها مفيش حاجه ممكن توصفه ضميته لصدري اكتر وهو بيرضع وكنت طايره 
من الفرحه مع ان الالم اللي كنت حاسه بيه يومها وهو بيرضع كان فظيع ومع ذلك كملت وكل ساعتين كنت اعمل اللبن واخده علي الاوضه اسيب الببرونه وانا ارضعه علي اخر اليوم اټصدمت لما لقيت صدري منزل سائل كان عامل زي المايه وقتها خۏفت عليه وقولت لا كده في حاجه غلط انا كده ممكن أضره شربته يومها اللبن كان رافضه بس انا شربته بالعافيه لحد ما فضل طول الليل يرجع شعوري كان بيزيد من تاني اني ارضعه كنت فاكره ان ده مجرد وسواس والشيطان بيضحك عليا لحد تاني يوم مقدرتش اقاوم وكأني ادمنت الشعور الجميل اللي بحسه وهو في حضڼي رضعته تاني وفضل السائل ده ينزل
علي اخر اليوم السائل لونه بدأ يتغير وكان لبن بجد مبقتش عاره ايه اللي بيحصل دموعي كانت نازله ومش قادره اوقف اللي بعمله وفي نفس الوقت مبسوطه وفضلت علي الوضع ده كذا شهر وبرده انا يمكن لحد الوقت مش عارفه انا كنت بعمل ايه وفعلا انا رضعته ولا لأ
ابتسم راجح ومسح دموعها
راجح.....رضعتيه يا روح
روح....بإبتسامه تأثر عشان كده مستحيل لا انت ولا اي مخلوق علي وجه الارض يشكك في أمومتي ليهم يا راجح قاسم وسالم وزيد ونادر هما اول شعور بالامومه حسيته هما اللي خدوا الاهتمام والحب والتربيه والدلع والخۏف وكل حاجه دول ولاد قلبي ويوم ما سمعتك قولت كده مقدرتش اشوفك غير ظالم يا راجح لان كل اللي قولته ده مكنتش اقدر اوصفه يومها ولو كنت وصفته مكنتش هتصدقني
انا فجأه شوفت ابني بينهار وشوفتك فرقت بين الاخوات عشان تجاملني وتردلي جزء من تربيتي ليهم في ايمن ونسيت خالص ان غلاوة ايمن من غلاوتهم
راجح......عارف هما عندك ايه بس ده كان تفكيري يا روح خۏفت تزعلي او تقولي اني جيت علي ابنك بعد كل اللي عملتيه مع ولادي اكيد ده تفكير غلط بس ده وقتها اللي فكرت فيه
روح .....وانا عارفه ده كويس يا راجح عشان كده لما بدأت كلامي معاك قولتلك وقتها مكانش في عقل للرد عليك لكن لما فهمت وجهه نظرك بعد كده عرفت انك مكنتش قاصد وعشان كده بقولك ان زيد مسامحك يا راجح من اول ما اتجوز صبا زيد نسي كل وجعه لما بقي مع صبا وعيزاك تتأكد ان مش الولد ولا اسمه اللي يثبتولك انه سامحك زيد ابني وانا عرفاه كويس ده تربيتي زيد مسامحك من اول ما انت وقعت وتعبت ده كان ھيموت عشانك وفضل حاسس بالذنب ان هو اللي عمل فيك كده
راجح....عارف يا روح وعارف كمان ان مش الاسم اللي يثبتلي انه نسي وسامحني بس انا حبيت اقولك علي اللي جوايا وفرحتي بالاسم روحي ردتلي وحسيت انه خلاص نسي
روح.....اطمن يا حبيبي ابنك بيحبك ونسي كل حاجه بمجرد ما حس انه ممكن يخسرك
راجح.....ربنا يسعده ويريح باله وقلبه زيد تعب كتير اوي ويستاهل انه يفرح من قلبه
روح......ربنا يخليه لينا ويخليك انت كمان لينا يا حبيبي وياريت بقي تبطل تفكير في الموضوع ده وانساه زيد خلاص بقي عنده حياه وزوجه واولاد ربنا يحفظهم ليه .
راجح....اللهم امين
روح.....بحب ممكن بقي يلا تنام شويه
راجح......ممكن يا روح يا كبيره
روح....بضحكه حلوه ااااه لما نشوف روح الكبيره هتتنسي ولا لا
راجح....روح الكبيره صعب تتنسي روح الكبيره هي الأصل ولو إن يعني انا واثق ان روح الصغيره هتاخد حته من قلبي ده كفايه ان اسمها علي اسمك
روح بحب نامت علي صدره ولفت دراعها عليه زي الاطفال
روح......بحبك يا راجح
راجح.....بحب باس راسها بوسه طويله وانا بمۏت فيكي يا روح قلب راجح 
...................
مر حوالي اربع ايام في خلال الاربع ايام دول صبا كانت بدأت تتحسن اكتر من الاول طول الوقت الكل بيساعدها في الاولاد زيد طاير من السعاده وطول الوقت بيحاول يساعدها ويشيل عنها وعن روح والبنات علي قد ما يقدر .
في خلال الاربع ايام دول الشباب والبنات وفريده وعاصم وعلي كلموها هي وزيد وباركولهم بس محدش فيهم راح عشان يسيبوها ترتاح
حددوا معاد السبوع كان فاضل عليه كام يوم واتفقوا يعملوا في الاجازه .
وفي التوقيت ده كانوا بيستعدوا لجواز منذر وفيروز
قبل السبوع بيومين كان معاد جلسه زهره النفسيه راحت لوحدها كالعاده كانت حابه تخوض التجربه وهي حاسه ان مش لازم حد يروح معاها في كل مكان عشان تحس انها مش مريضه وانها قادره تروح من غير مساعده اي حد .
فريده مكانتش عارفه تروح معاها اليوم ده كان عندها شغل كتير بس كانت بتحاول تنجز فيه علي قد ما تقدر عشان تروحلها وتبقي معاها زي ما وعدتها انها مش هتسيبها ابدا
خلصت زهره الجلسه وخرجت بره عشان تمشي كانت ماسكه الموبايل وبتحاول تتصل علي حنين تطمن عليها عشان مجاتش الجلسه.
سمعت صوت كلاكس وراء بعض رفعت راسها اتفاجئت بفريده ابتسمت وراحت عليها وهي فرحانه
نزلت فريده من العربيه وهي مبتسمه وقربت منها حضنتها
زهره....والله كنت حاسه انك هتيجي بردوا
فريده.....انا وعدتك اني مش هسيبك خالص
زهره.....انتي مش بتسمعي الكلام ليه مش قولتلك بلاش تيجي انهارده وخليكي في شغلك بردوا عملتي اللي في دماغك
فريده....رفعت حاجبها ايه مضايقه اني جيت ولا ايه
زهره...لا والله انا مضايقه عشان حاسه اني بعطلك قولتلك الف مره يا فريده انا بخير واحسن من غيري بكتيؤ قادره امشي علي رجلي واروح مشاوير لوحدي زي ما كنت بعمل يعني نفيش داعي إني أعطلك و أعطل قاسم وروح و أعطل الكل معايا مش كفايه جلسات الكيماوي اللي