مملكة احفاد الطوبجي الجزء الثالث أميره أسامه

انت ذكرت كام ميزه في سكننا معاهم اولهم ان انا وانت نبقي مطمنين علي مليكه لو مضطرين نسيبها لوحدها تاني ميزه اني هبقي قريبه من كل عيلة الطوبجي مش بس عشان اروحلهم ويجولي بس وجود حد قريب منك لاي ظرف يحصل دي حاجه كويسه وفيها امان اكتر تالت سبب اني حابه جو العيله ومشتقاله اوي يعني بإختصار انا معنديش اي مانع بس عشان القرار ده يكمل انا لازم اقعد مع علي ومع الباشا واحس منهم انهم مرحبين بالفكره يعني بيتهيألي لو الموضوع وش لوش هقدر افهم من عينهم لو كانت دي خطوه كويسه بالنسبالهم او لأ
عاصم....بإبتسامه بصي انا هعملك كل اللي انتي عيزاه واحنا لو بدري شويه ومليكه صاحبه كنت خدتك من ايدك الوقت و روحنالهم بس كمان انا مش هعمل كده غير لما هنا يجوا لحد عندك ونطلب ايدك رسمي بعدها كل اللي حابه تعرفيه منهم اعرفيه بس عايزك تتأكدي انك مكبره الموضوع اوي لانهم هيتبسطوا بجد من وجودك
فريده....مش مكبره الموضوع ولا حاجه بس انا هرتاح اكتر لو اتأكدت بنفسي يا عاصم
عاصم.....وانا هريحك يا فريده وهعمل كل اللي انتي حباه
فريده.....تمام يبقي اتفقنا
عاصم.....بصي بقي اخر الاسبوع الجاي يناسبك
فريده.....بصتله پصدمه وابتسامه إحراج اخر الاسبوع الجاي ايه مش فاهمه
عاصم....مش فاهمه ايه بسألك مناسب ليكي عشان نيجي نطلب أيدك
فريده.....بسرعه كده يا عاصم
عاصم.....هو ايه اللي بسرعه انتي شايفه اننا المفروض ناخد وقت ونتعرف بقي والجو ده طيب ماشي انا موافق هنتعرف ونتكلم و نقعد بالساعات نتكلم في الموبايل و نتقابل بره في السر وامسك ايدك
فريده....بضحك بطل رخامه انا مقصدش كده اقصد يعني انك مصدقت
عاصم...اه مصدقت عندك مانع ولا انتي معترضه
فريده....اممم لا معنديش مانع ولا معترضه خلاص موافقه
عاصم....تمام يبقي انا هتكلم معاهم بكره وبأذن الله اخر الاسبوع هنكون عندك يكون فرح فيروز ومنذر خلص وتكوني ظبطتي مواعيدك
فريده.....طيب هو انتوا هتيجوا تعملوا ايه
عاصم....بضحك ايه مش عارفه بيتعمل ايه في المواقف اللي زي دي
مسك ايدها بحب وبصلها طيب ياستي هنيجي نطلب ايدك و نسمع موافقتك و نتفق علي معاد مناسب للجواز وحجات زي كده
فريده....اتنهدت فريده تنهيده طويله وهي مبتسمه وقلبها بيدق جامد تمام بس في حاجه حابه اقولك عليها
عاصم....اكيد قولي
فريده.....سكتت ثواني وبعدين بصتله المواقف اللي زي دي بيتهيألي وجود الاهل بيفرق يمكن انا كبيره بما فيه الكفايه واقدر اعمل ده لوحدي زي ما انا متعوده بس انا حابه احس اني مش لوحدي.
عاصم.....ومين قال انك لوحدك كلنا معاكي
فريده....عارفه بس يعني عاصم انا مليش حد ومش حابه اكون لوحدي في اليوم ده عشان كده محتاجه علي الاقل زهره وقاسم يكونوا معايا
عاصم....بابتسامه جميله بس كده وليه علي الاقل زهره وقاسم لو حابه عيلة الطوبجي وعيلة الباشا والعائلات المجاوره كمان نجيبهم لحد عندك انتي تؤمري وانا عليا التنفيذ
ابتسمت فريده بسعاده .
فريده....يعني معندكش اي مانع
عاصم ...اكيد لا طبعا قولي للي انتي حابه تقوليله اقولك انتي مش بتحبي راجح باشا
روح....اه جدا
عاصم....خلاص يا ستي يبقي مهيب باشا يحط ايده في ايد راجح باشا ايه رأيك
فريده....بسعاده موافقه طبعا
ابتسم عاصم بحب ورفع كفها باسه وبعدين رجع قعد قدامها وهو ماسك ايدها
عاصم......كده احنا خلصنا كلام في موضوعنا نيجي بقي للمهم
فريده....اللي هو ايه
عاصم....انتي قولتي ان اللي اتصل بيكي اتصل تاني ممكن اعرف ايه اللي حصل
بصتله فريده وابتسمت وبعدين بصت شمال ويمين وحبت تتوه الموضوع
فريده....بقولك ايه تشرب قهوه
مسك عاصم ايدها وهي بتقوم وبصلها
عاصم....اقفي هنا هنهرب ولا ايه مش عايز قهوه انا عايز افهم
ضحكت فريده ضحكه بسيطه ووقفت قدامه وهو ماسك ايدها
فريده.....طيب اوعدني متتعصبش
عاصم....اااااه هي فيها عصبيه طيب خير قولي ياستي مش هتعصب
فريده.....اللي اتصل ده لا بيعاكس ولا كان قاصد يعمل مقلب ولا كان قاصد اي حاجه وحشه
عاصم....اممم طيب كلام جميل امال عمل كده ليه
فريده.....بإبتسامه هاديه وهي رافعه حاجبها سمعت عن مچنون ليلي .
ف يوصلك ليه
فريده.....يعني كان مفكر انه ممكن يحصل بينا اي كلام خصوصا انه ملحقش لما كان متابعني فتره الافتتاح.
عاصم....اممم و قولتيله ايه بقي
فريده.....بصتله ثواني قولتله اني في شخص في حياتي
عاصم.....بهدوء وهو قالك ايه
فريده....اتأسف واعتذر وقالي انه كان حاسس يعني ان اكيد السنه اللي عدت دي حصل فيها حجات كتير وقالي انه مش هيضايقني تاني وبالمناسبه هو اسمه شريف و عنده سلسله كافيهات في اسكندريه والساحل بابلو لو عارفها.
بصلها عاصم بتركيز بجنب وشه ورفع حاجبه
عاصم...شريف صاحب سلسله بابلو
فريده....انت عارفه
عاصم.....فين الڤديو يا فريده
فريده....لحظه
رفع وشه وبصلها وهو شارد
فريده....في ايه يا عاصم انت ساكت ليه
عاصم.....لما خرجتي مع علي انهارده اتكلمتوا في الموضوع ده
فريده....اممم يعني هو قالي انك خاېف عليا ومتقصدش ووو
عاصم.....بمقاطعه اتكلمتوا في موضوع المكالمه يا فريده او حكتيله اللي حصل 
فريده......لا اتكلمنا في المجمل يعني من بعيد لكن مجبتش سيرة انه كلمني تاني غير ليك
عاصم....يعني علي مشافش الڤديو ولا يعرف حاجه
فريده....لا يا عاصم بس فهمني في ايه 
عاصم......ده مش شريف يا فريده
بصتله فريده پصدمه وخوف ومن غير ما تحس قيضت علي ايده اوي
فريده....يعني ايه مش شريف
عاصم....يعني مش شريف يا فريده
فريده......امال ده مين وانت اصلا تعرف صاحب بابلو
مسك عاصم موبايله وهو شارد وبيهز في رجله بقلق واتصل علي اخوه بسرعه.
فريده....عاصم انت ساكت ليه قول اي حاجه
عاصم.....بهدوء مسك كفها مټخافيش لحظه
علي.....بصوت ناعس الو
عاصم.....علي قوم فوق ثواني بس
علي....بقلق في ايه يا عاصم انت كويس انت وصلت ولا فين
عاصم....اطمن وصلت انا عند فريده عايزك بس تقوم تقعد كده وفوق وركز معايا
علي.....طيب انا فايق لسه منمتش اوي في ايه
عاصم.....شريف صاحب بابلو
علي....مش فاهم
عاصم.....بعصبيه بسيطه علي فوق وركز معايا
علي....طيب فهمني
عاصم....شريف صاحبك اللي عنده سلسله بابلو عارفه
علي....اه ماله
عاصم....اخر مره كلمته امته
علي....مش فاكر بس بقالي فتره مكلمتوش من ساعه ما اتجوز
عاصم....يعني من قد ايه كده
علي......يعني الصيف اللي فات كان فرحه في الساحل كلمته مرتين بعدها لما رجع من شهر العسل وبعدها الشتاء دخلت هو كلمني لما عرف موضوع الحاډثه
وبردوا وقتها كانت ام مراته اټوفت ومكانش عارف يجيلي قولتله خليك انا كويس اطمن عليا مره تانيه بعدها ومن وقتها متكلمناش يعني ممكن نعلق لبعض كده علي الانستا كل فين وفين في ايه يا عاصم قلقتني
عاصم.....بطل أسأله وخليك معايا
علي.....طيب فهمني انا كده قلقت انت قابلته حصل بينك مشكله في ايه
عاصم....هفهمك كل حاجه انا لا قابلته ولا حصل مشكله خليك بس معايا هو شريف بيشتغل ايه غير شغله ده
علي....شريف كان مشرد سياحي قبل ما يفتح سلسله الكافيهات دي ولما بقي ليه اكتر من فرع ساب موضوع الارشاد و ميتهيأليش يعني انه اشتغل حاجه تانيه.
عاصم....يعني ملوش علاقه بالطيران
علي....طيران ايه لا اكيد انت ملغبط بينه وبين حد تاني
عاصم.....يعني افهم من كده ان اخر مره مثلا اتكلمتوا كان من حوالي ثلاث شهور
علي.....لا مش كده يعني حوالي شهرين مثلا
عاصم....هو منين يا علي 
علي.....يعني ايه منين
عاصم....اصله يا علي منين بيته فين ساكن فين
علي......شريف من الاصل اسكندراني ابوه اسكندراني بس كان عايش في القاهره واتجوز هنا
عاصم.....يعني مش بيروح اسكندريه
علي....لا بيروح عشان شغله عشان يشوف اهل ابوه بس علي فترات بعيده انا عايز افهم في ايه لكل ده
عاصم....هشرحلك كل حاجه لما أرجع المهم انا عايزك بكره في مشوار ضروري
علي....مشوار ايه
عاصم....عايزك تطلع علي اسكندريه
علي....طيب والشغل
عاصم....انا هظبط الدنيا بدالك بس لازم تطلع المشوار ده
علي....طيب ماشي انت راجع امته
عاصم.....شويه وجاي لما اجي هحكيلك يلا سلام انت الوقت
علي.....اوك سلام.
بصتله فريده وهي مش فاهمه اي حاجه وباين عليها الړعب
فريده....في ايه يا عاصم فهمني
عاصم.....في اني كنت متأكد يا فريده ان المكالمه دي غريبه بس انتي مصدقتنيش
فريده...طيب قولي في ايه
عاصم.....الشخص ده مش شريف انا اعرف شريف من بعدي لبعيد هو صاحب علي اتعرفت عليه وشوفته مرتين تلاته من حوالي سنتين او اكتر لما كنت في الساحل مع علي عرفني عليه انا كنت اعرف الكافيهات بتاعته بس عمري ما قابلته الا لما علي عرفني بيه وطبعا لما شوفت صوره الشخص ده كان سهل اعرف انه مش هو علي اسمر اقصر من الشخص ده بس حبيت اتأكد اكتر من علي شريف مكانش طيار يا فريده اصله من القاهره اهل والده من اسكندريه وهو بيروح بس لشغله او زيارات عائليه ويمشي اخر مره كلم علي لما عمل الحاډثه كان مرشد سياحي علي مجابليش سيرة اي حاډثه
فريده....پصدمه لو ده مش شريف امال ده مين
عاصم....معرفش معرفش انا قولتلك مسمعتيش كلامي
فريده.....طيب ليه كدب ولو هو ناوي يأذيني و بيكدب ليه معملهاش لما سافرت ده بدايه كلامه معايا قالي حمد الله علي السلامه يعني شافني وعرف اني كنت هناك وهو قالي بنفسه انه شافني وعمل كده اصلا عشان عارف اني لما هسمع ان في حريقه هجري علي هناك قالي انه كان حابب يشوفني واكيد عمل كده عشان ظروفه وظروف رجله
عاصم....انا مليش دعوه الوقت بكل ده انا ليا دعوه بمين ده وعايز ايه وليه انتحل شخصيه حد زي شريف.
فريده....معرفش معرفش بس اكيد هو مش مختل لدرجه انه يقولي اسمه ويعرفني هو ساكن فين ويخليني اشوف شكله هو حتي قالي اسمه شريف الشيخ وبعدين انا قولتله اني بسجله وهوديه في داهيه اول ما كلمني كمل المكالمه ولما كلمني ڤديو قالي سجلي لو حابه عشان تطمني اني مش بكدب عليكي
فضل عاصم باصصلها وساكت بس دماغه في مكان تاني عمال يجهز علي سنانه ويهز في رجله
فريده......عاصم انا خاېفه 
عاصم....حط ايده علي وشه مسحه وبعدين حط ايده علي شعره وحاول يهدأ مټخافيش يا فريده انا معاكي كل حاجه هتتحل ان شاء الله انهارده
فريده....طيب عرفني هتعمل ايه
عاصم....هتصرف يا فريده قولتلك مټخافيش بصي اللي هقوله ده يتنفذ بالحرف لحد ما اعرف مين ده
هزت فريده راسها بنعم
عاصم......انا مش هقدر اسيبك لان كده الموضوع بقي يقلق اكتر فاختاري حل من الاتنين يا انا افضل معاكي لحد ما النهار يطلع او تقومي تجهزي مليكه وتيجي معايا نروح علي الڤيلا اهو ابقي مطمن عليكم اكتر انكم مش لوحدكم
فريده....ااا لا خليك انت معانا لو ينفع
عاصم....تمام هتصل بعلي الوقت واقوله علي تسعه يكون هنا هفهمه كل حاجه ويطلع علي اسكندريه وانتي ومليكه هتجهزوا و تيجوا معايا علي الشركه عشان لازم اودي الورق اللي معايا ده وعندي شغل لازم اخلصه ضروري وبعدها لو حابه تخرجي تشوفي الفروع زي ما قولتي روحي وهبعت معاكي حد يفضل زي ضلك او تروحي علي قصر الطوبجي تفضلي هناك انتي ومليكه عشان ابقي مطمن عليكم لحد ما علي يكلمني
فريده....طيب خلينا في الوقت والصبح اشوف هعمل ايه ممكن اروح الفرع الاساسي واقعد هناك