مملكة احفاد الطوبجي الجزء الثالث أميره أسامه

عاصم....تمام وان شاء الله خير خليني بقي اشوف مين ده وعايز ايه 
فضلت فريده ساكته وباصه بعيد ووشها لونه مخطۏف وباين عليها انها مړعوبه
بصلها عاصم ومسك ايدها بحب
عاصم....حبيبي انا معاكي و مش عايزك تخافي كده
فريده....مين ده يا عاصم وعايز مني ايه
عاصم....هنعرف يا فريده متقلقيش أنهارده موضوعه هيتقفل خالص اطمني يا قلب عاصم
عاصم....انا بس عايزك تطلعي تنامي جنب لوكا و ترتاحي شويه
فريده.....رفعت نفسها وبصتله لا انا النوم راح خلاص لو حابب تنام انت ناك شويه وانا هقوم ابص علي لوكا فوق واجي تاني
عاصم.....اطلعي يلا انا قاعد

فريده....اوك طلعت فريده علي فوق مليكه كانت شايله الغطاء من عليها غطتها فتحت مليكه عنيها
مليكه....ديدا انا عايزه اشرب
فريده....حاضر يا قلبي
جابت فريده الكوبايه وشربتها وشالت الكوبايه تاني جنبها فضلت مليكه ماسكه في ايدها
قعدت فريده جنبها لحد ما تروح في النوم فتحت الڤديو تاني وفضلت تشوفه وتعيد وتزيد تاني شايفه شخص عادي بيتكلم بثقه مش متوتر ولا باين انه مفبرك الحكايه كانت مستغربه كلامه اي حد ممكن يصدقه.
فضلت فريده سرحانه في الڤديو لحد ما نامت جنب مليكه ڠصب عنها.
حس عاصم انها طولت فوق فا طلع بهدوء يشوفها الباب كان مش مقفول اوي.
عاصم.....بصوت واطي فريده فريده
فتح الباب بهدوء لقاها نايمه و مليكه نايمه علي ايدها والموبايل واقع من ايدها دخل بهدوء شال الموبايل بعيد وقفله غطاها براحه ونزل علي تحت مسك ۏلع سېجاره وفضل باصص من الشباك علي الجنينه
سمع موبايله بيرن توقع انه علي وفعلا طلع علي
عاصم....ايوه يا علي
علي....بقولك ايه انت طيرت النوم من عيني فا قولي في ايه عشان ابقي معاك في الصوره
عاصم....طيب هحكيلك بس قبل ما احكيلك عايزك تبقي تجيلي علي فريده الصبح وتجيبلي معاك غيار عشان اللي لابسه و اللي معايا في الشنطه مش نضيف ومش هعرف اروح الشغل كده
علي....طيب تمام احكيلي بقي
عاصم.....اسمع يا سيدي
وبدأ عاصم يحكيله
مليكه.....بسعاده بابييييييييي
عاصم....حبيبه قلب بابي وحشتيني
مليكه.....وحضرتك وحشتني اوي
فريده....بإبتسامه صباح الخير
عاصم....صباح النور
فريده.....اسفه با عاصم مش عارفه نمت ازاي جنب مليكه
عاصم.....ولا يهمك يا قلبي كويس انك ارتاحتي شويه
فريده.....انت فضلت صاحي
عاصم ....لا علي كلمني بليل وحكيتله اللي حصل وبعدين فضلت قاعد شويه وشكلي نكت كده من غير ما احس
فريده.....هو جاي امته
عاصم.....زمانه خرج من الڤيلا وجاي
فريده.....طيب انا هروح بسرعه احضر الفطار وانت قوم ظبط نفسك كده
عاصم....انا مستنيه عشان يجيبلي غيار مش هعرف اروح الشغل كده
فريده....طيب اوك لوكا تيجي نحضر الفطار سوا
مليكه.....اوك ديدا
مسكت ايدها وراحوا المطبخ مع بعض
ابتسم عاصم وۏلع سېجاره.
بعد تلت ساعه كان الفطار جاهز
فريده....عاصم يلا تعالي عشان تفطر و عملتلك قهوه كمان
عاصم.....تسلم ايدك يلا جاي اهو.
قعدوا و فطروا مع بعض وبعدين شالوا مكان الفطار
عاصم.....حبيبي روحي يلا اجهزي علي زمانه قرب
فريده....حاضر تعالي يا لوكا عشان نلبس
مليكه.....هنروح فين
فريده....تعالي هقولك
طلعوا جهزت مليكه و بعد كده دخلت تاخد شاور وتجهز هي كمان ومليكه نزلت لعاصم تحت
خلصت الشاور بتاعها وخرجت تكمل لبس سمعت جرس الباب
كملت لبسها بسرعه ونزلت كان علي واقف مع عاصم وبيتكلموا.
علي....بإبتسامه اول ما شافها اهلا اهلا صباح الفل يا ديدا
فريده.....بإبتسامه صباح النور يا علي معلش يا علي عملتلكم إزعاج
علي.....إزعاج متقوليش كده ده بسببك ههرب من الشغل انهارده
ابتسمت فريده بهدوء وسكتت
عاصم....بقولك ايه اول ما توصل تطمني وعرفني كده هتعمل ايه يعني خليني معاك علي الموبايل
علي....تمام متقلقش هبقي معاك
عاصم.....اوعي تكون نسيت تجيب الغيار
علي.....لا صحيح جيبته بس في العربيه تعالي يلا خده مني
عاصم.....طيب يلا
فريده.....علي
علي....نعم
فريده....لو حسيت ان في قلق او في اي حاجه بلاش تكمل
علي....اطمني يا فريده مټخافيش انا عارف هعمل ايه.
فريده.....ان شاء الله
علي.....يلا باي باي يا لوكاااا
مليكه....باي يا لولي
خرج عاصم معاه وصله وخد منه اللبس وبعدين طلع علي بالعربيه ودخل عاصم تاني .
عاصم.....فريده انا عايز اغير عشان منتأخرش
فريده.....اممم طيب اطلع فوق في الاوضه يلا الحمام جاهز
عاصم....طيب مش هتأخر عليكم
طلع عاصم بالشنطه علي فوق ودخل علي طول علي الحمام
فضلت مليكه ماسكه الايباد بتاعها و مندمجه في اللعب
فريده....لوكا لوكاااا
مليكه....نعم
فريده....فين الشنطه بتاعتك
فضلت مليكه ساكته ومركزه في اللعبه
فريده....يا لوكاااا فين شنطتك
مليكه.....فوق
فريده....نستيها فوق يا لوكا طيب يلا روحي جيبيها بسرعه عشان لما بابي ينزل هنمشي علي طول
مليكه.....طيب الوقت اجيبها
فريده....ااااه منك يا لوكا ومن الايباد اللي واكل عقلك
سابتها فريده وطلعت علي فوق
خبطت علي الباب عاصم مردش
فريده....عاصم !!
بصت بسرعه وراها واول ما شافته تنحت
عاصم....بإبتسامه رفع حاجبه بتعملي ايه
فريده.....ااا اسفه والله انا خبطت بس انت كنت لسه جوه كنت هاخد شنطه مليكه وهخرج علي طول وانا ماشيه اهو يلا باي باااااااي
جريت فريده علي تحت وفضل عاصم يضحك ويهز راسه شمال ويمين
دقايق كان لابس ونازل شافته فريده نزلت عينها وبصت بعيد
عاصم.....يلا بينا
مليكه....يلا يا بابي
قرب عاصم من ودن فريده وهو مبتسم
عاصم.....لولا اني متأخر مكنتش سيبتك تهربي
ابتسمت فريده من غير ما تبصله وخرجت بسرعه قبله وهو فضل يضحك عليها وطلعوا بالعربيات وراء بعض وقررت انها تروح علي البيوتي صالون بتاعها وتفضل هناك مستنيه .
في ڤيلا هشام
خبط هشام علي امير
ثواني والباب اتفتح
هشام.....صباح الخير انا قولت انك لسه نايم
امير.....صباح النور انا نمت حوالي ساعه ونص وقلقان من بدري تعالي
هشام....لا تعالي فين يلا تعالي عشان نفطر
امير.....لا مش عايز مش جعان لو في نسكافيه بس يبقي تمام
بص هشام علي التربيزه لمح صنيه الاكل
هشام.....ايه ده انت مكلتش انت عار لو روبي لمحت الصنيه دي هتعلقك علي النجفه
امير.....مليش نفس يا هشام والله
هشام......ايه زعلك هيخليك تقاطع الاكل يعني
امير.....لا خالص بس مش جعان والله
هشام......مش مهم بردوا هتاكل يلا تعالي نفطر
امير.....هشااااام اطلع من دماغي
هشام.....بقولك ايه انت يا تيجي معايا واداري الصنيه دي عن روبي يا اما اروح اقولها وانت عارف الباقي بقي
امير....يا جدع انت رخم كده ليه ما تحل عني
رباب....خبطت علي الباب صباح الخير
هشام....بضحك البس يا معلم
امير....بصله بغيظ وبعدين بص لرباب وابتسم صباح النور يا روبي
رباب....شافت الاكل نهارك مهبب علي الصبح انت مكلتش يا امير
هشام....بضحك تستاهل
امير.....نمت والله يا روبي مكنتش قادر
رباب.....مكنتش قادر ولا حالف علي الاكل
امير.....لا خالص والله
هشام....ومش عايز بنزل يفطر كمان
رباب....يلا ياواد منك ليه قدامي
هشام.....انا جاي قوليله هو
رباب....هو هينزل قبلك ڠصب عنه يلا
غمز هشام لامير وطلعله لسانه
امير....بغيظ عيل رخم اوي بجد يلا يا روبي يلا خليني اخلص منك ومن ابنك
ضحكت رباب ونزلوا مع بعض علي تحت عشان يفطروا
اتعمدوا بتكلموا ويهزروا معاه بعيد عن الموضوع اللي حصل عشان يفك شويه.
رباب....قولولي بقي عايزين تتغدوا ايه
امير.....متتعبيش نفسك يا روبي انا كده كده خارج وهبقي ارجع بليل او ممكن مرجعش ليه مش عارف
هشام....رايح فين انت ده انا قاعد معاك انهارده
امير.....قاعد معايا فين روح شوف شغلك با هشام انا مش جاي عشان اعطلكم واتعبكم
رباب....تعب ايه وتعطيل ايه انت عبيط يا امير هو احنا يعني مش بناكل وبعدين انت هتفضل هنا مش هتروح اي مكان
هشام.....انا مش متعطل يا امير كل الحكايه اني معنديش شغل انهارده فا هقعد معاك
امير....قاعد معايا عشان معندكش شغل ولا عشان عارف اني هخرج لو انت مشيت
هشام....والله العظيم ما عندي شغل وافرض اني عندي شغل انت تمشي ليه ايه مكسوف تقعد مع روبي لوحدك ولا محتاج محرم
رباب....عيل عبيط سيبك منه
امير....مش كده والله بس عشان تبقي براحتها وبردوا هشوف انا لو في حاجه اعملها
رباب.....وهو انت اللي هتقيد راحتي يا امير ولا انت شايف انك مش زي هشام
امير....لا طبعا انتي عارفه غلاوتك عندي وإلا مكنتش جيت خبطت علي بابك امبارح
رباب...يبقي مسمعش صوتك وتقول عايز تاكل ايه
هشام....وبعدين هتشوف وراك ايه انت هتمثل ما انت سايب الشغل وكل حاجه يعني مش وراك اب حاجه تتعمل استهدي بالله كده وانا معاك انهارده
امير.....بتنهيده تمام يا هشام
رباب....هتاكلوا ايه بقي
امير.....مش هتفرق والله يا روبي اي حاجه
هشام....اكلينا علي زوقك يا روبي ابتكري براحتك انتي بقي
رباب.....تمام هعملكم اكل جميل يلا افطر يا امير انا عيني عليك
امير....بابتسامه حاضر يا ستي باكل اهو هشام جلال كلمك تاني
هشام......كلمني مره وسألني عنك قبل ما تيجي قولتله انك مجتش
امير.....تمام اي حد يكلمك انت متعرفش عني حاجه مش هفكرك تاني
رباب.....بس كده مينفعش يا امير مش حابب تروح انت عارف لو الارض مش هتشيلك هشبلك فوق راسي بس علي الاقل طمنهم عليك يا حبيبي دي زمان روح ھتتجن عليك هي وابوك
امير....روبي عشان خاطري اقفلي الموضوع ده هطمنهم اكيد بس اروق شويه
هشام.....محدش اتصل عليك
امير....امبارح مبطلوش اتصال حتي امير بعتلي ڤويس والموبايل فصل ومفتحتوش لحد الوقت
رباب.....طيب علي الاقل افتحه عشان ميقلقوش وممكن ترد عليهم برساله حتي بلاش تتكلم
امير......هبقي افتحه يا روبي يا حاضر
هشام....سيبيه بقي يا روبي مش عايزين نضغط عليه ويلا غيروا السيره وافطروا .
كملوا فطار وبعد شويه طلع امير عشان ياخد شاور حط الموبايل علي الشاحن ولما خلص وخرج فتح الموبايل وبدأ يجيله اشعارات و رسايل كتير الكل تقريبا حاول يتصل بيه الا مراد وجاله رسايل كتير بردوا الا مراد
فتح الرسايل يسمعها واول حد فتح رسايله كانت فرح ومكانش عار يفهم اغلب كلامها من العياط
فرح.....امير عشان خاطري رد بقي بتصل بيك كتير ومش بترد
فرح....امير طمني عليك لو انا غاليه عندك متسبنيش كده
فرح.....طيب حتي ابعتلي رساله قولي انك كويس
فرح.....انا اسفه لو كنت سبب في اللي حصل وحقك عليا انا
فرح....يا امير ارجوك رد بقي هو انا هونت عليك تقلقني بالشكل ده.
فرح.....طيب قولي انت فين وانا هجيلك ومش هقول لحد والله بس رد عليا بقي انا مش عارفه انام.
فرح....حبيبي النهار طلع وانت لا بترد ولا بتشوف الرسايل طمني عليك وحياتي عندك.
اتنهد امير بحزن كانت صعبانه عليه اوي بس هو مش قادر يتكلم او يرد
فتح رسايل جلال
جلال.....بص انا بعتلك وانت شوفت ومردتش عليا بس اطمنت انك بخير لما شوفت الرساله عارف انك مضايق ويمكن زعلان مني عشان كده مردتش بس انا قاعد في الشارع يا امير لا عارف ارجع من غيرك ولا عارف اشوفك فين تاني رد عليا والنبي يا صاحبي
جلال.....امير دي اول مره متباتش فيها في البيت يا اخويا وانا مش عارف اروح وانت مش فيه طمني عليك هو انت ازاي اصلا تسيبني كده.
جلال....بص انا هسيبك انهارده براحتك بس وحيات ربنا يا امير بكره هلاقيك ولو حكمت يا امير اني مرجعش غير لما ترجع واللي يحصل يحصل هعملها .
فتح رسايل روح
روح....بدموع وصوت باين عليه انها مخنوقه و معيطه امير انت عارف انا بحبك قد ايه وعارف غلاوتك في قلبي انا عمري ما اعتبرتك غير ابني بس انت انهارده اثبتلي اني مش غاليه عندك عشان انا لو غاليه عندك مش هتعمل فيا كده وحتي لو انت مخڼوق مش ههون عليك انت اول مره تسيب البيت انت عارف انا حاسه بايه الوقت اكيد مش