مملكة احفاد الطوبجي الجزء الثالث أميره أسامه

عارف طمني عليك يا امير من فضلك .
داس علي الڤويس من غير تردد وسجلها.
امير...انتي عارفه يا روح انك امي مش مرات عمي وعارفه انك عمرك ما تهوني عليا انا اسف لو ضايقتك وحقك علي راسي لو قلقلت عليا انا بخير يا روح اطمني يا حبيبتي .
فضل يفتح رسايل الشباب حتي صحابه
داوود.....امير تبطل عبط وترجع بيتك انت مش صغير وابوك بيحبك انت عارف متقلقناش عليك عشان خاطري انا.
فيروز.....بدموع كده يا امير كده توجع قلبي ده انا كنت ما صدقت افرح يا امير معقول يحصل كده قبل الفرح اعمل حسابك لو مرجعتش انا هأجل ومش هعمل حاجه من غيرك
منذر.....ولا يا امير انت فين رد عليا وبطل الهبل اللي بيحصل ده كلمني وانا هجيلك مكان ما انت موجود متقلقناش عليك
زيد.....بص انا مش طايقك ولا طايق اي مخلوق في الدنيا وانت عارف اني علي اخري فا يا ترجع يا ترد عليا وتعرفني انت فين عشان قسما بالله يا امير لو رسالتي اتفتحت ومردتش او طمنتني عليك يطلع النهار وانت عارف اني هجيبك بطريقتي وساعتها لا هشوفك صاحبي ولا اخويا ولا ابني ولا ابن عمي هتزعل مني يا امير اظن كلامي مفهوم.
من غير تردد بسرعه رد عليه لانه عارف دماغ زيد باين من طريقته انه مخڼوق ومش سايف قدامه
امير.....زيد انا بخير متقلقش محتاج بس اكون لوحدي وياريت تحترم رغبتي المهم اطمن انا كويس.
تقي....امير الكل قلقان عليك طمن اي حد فينا ارجوك وانا اسفه يا امير لو قولتلك وقع والله ما كنت اعرف ان كل ده هيحصل سامحني ولو ياسيدي زعلان مني ازعل بس علي الاقل طمننا عليك علي فكره مراد هيتجنن عشانك وانا خاېفه عليه لا يتعب ارجوك طمننا.
سمع باقي الفويسات وشاف الرسايل ورجع تاني عمل الموبايل وضع طيران ونام علي السرير وفضل باصص للسقف.
اليوم كان ماشي ببطئ علي الجميع محدش فيهم بيتكلم تقريبا الكلام محدود حتي فطارهم مع بعض كان مفيهوش روح. جلال باصص للاكل وساكت مش بياكل وفرح زيه
مراد.....بيحاول ياكل ويشرب قهوته ويبان طبيعي عينه كل شويه ترزح لجلال و فرح عارف انهم مضايقين منه عشان اللي عمله فيهم و زعلانين عشان عدم وجود امير كان هيتجنن عليهم زي ما هيتجنن علي امير بس قرر انه يلتزم الصمت عينه كانت علي فيروز بردوا شايفها ساكته وحزينه.
اما مريم والبنات علي غير العاده كانوا ساكتين وشايفين ان الموقف لا يحتمل هزار .
داوود....بصوت واطي بس مسموع حور كويسه الوقت
ليلي....اه احسن كتير
روح.....في ايه يا ليلي مالها حور
ليلي....بعد الفجر كانت سخنه اوي وحرارتها عاليه
روح....طيب من ايهكانت كويسه
ليلي....مش عارفه والله ياروح قبل ما تنام اصلا كانت بخير وبتضحك معرفش مالها
راجح....طيب ودوها للدكتور انهارده
ليلي.....انا ادتها خافض ومن وقتها مسخنتش تاني لو سخنت هوديها
راجح....وليه تستني تسخن ما يمكن محتاجه الدكتور يبص عليها ابقي ارجع يا داوود وديهم
داوود....انا قايلها والله لو في حاجه تكلمني.
راجح.....الف سلامه عليها ان شاء الله خير
ليلي....الله يسلمك
قاسم.....شوفي بردوا لو في اي ادوبه ناقصه ابعتي حد يجيبهالك
ليلي....لا مفيش ولو في حاجه ناقصه بكلم الصيدليه وبيبعتولي
داوود....ابعدوا عنها عدي وفيروز الصغيره بقي احسن يتعدوا منها
روح ....ايوه نطمن عليها بس الاول الولاد بيتعدوا من بعض ربنا يستر
ليلي ....يارب.
قام جلال وقف عشان يخرج
راجح.....علي فين يا جلال
جلال....پخنقه اتنهد مفيش هروح مشوار وهسبقكم علي هناك
راجح....مشوار ايه ده
سكت جلال ثواني
جلال...هشوف امير
راجح....تشوفه فين عرفت مكانه يعني
جلال....لا معرفتش
راجح....امال هتشوفه فين
جلال.....هدور عليه تاني
نزل مراد كوبايه القهوه ووجه كلامه بسخريه لجلال من غير ما يبصله
مراد....في عربيات ممكن تتأجر ممكن تأجرلك واحده منهم وتخرج تقول عيل تايه يا ولاد الحلال
بص جلال بعيد ونفخ وكتم غضبه.
مراد....ايه كلامي مش عاجبك بتنفخ
جلال......مراد انا مش هتأخر ساعه بالكتير وهكون في الشغل
مراد.....انت هتفضل واقف لحد ما نقوم كلنا علي الشركه من انهارده انت وفرح شغلكم معايا وكل خطوه هخطيها هتبقوا زي ضلي
جلال.....بتمالك اعصاب حاضر يا مراد بس بردوا انا طالب ساعه واحده مش هتأخر
مراد....وانا مش بعيد كلامي اللي بقوله يتنفذ من غير مناهده
سالم...اقعد يا جلال
بص جلال لسالم بمعني قول حاجه
سالم....اقعدددد افطر لحد ما نخرج
جلال....پغضب انا بره في العربيه مش عايز اكل
خرج جلال بسرعه وكمل مراد فطاره من غير اي تعليق
مريم.....ااا شمس لو خلصتي فطار يلا نمشي عشان منتأخرش
شمس....اه خلصت يا مريم يلا عايزين اي حاجه
روح....شكرا يا شمس خلي بالك من نفسك انتي ومريم
شمس....حاضر
خلود....خدوني معاكم انا كمان عشان متأخرش
سالم.....لشمس لما توصلي طمنيني.
شمس....بهدوء حاضر
خرجت شمس
سالم.....مريم خدي بالك منها
مريم....متقلقش عليها باي يا نادر باي يا جماعه
نادر....باي يا مريوم
روح ...سلام يا حبيبتي
خلود.....سلام عليكم
الجميع....عليكم السلام
يوسف....خدي بالك من نفسك
هزت خلود راسها بإبتسامه وخرجت.
بعد وقت بسيط قاموا كلهم وخرجوا ركبوا عربياتهم واتحركوا
في العربيه بتاعت ياسين
ياسين.....مش عارف انت تمسك لسانك شويه يا جلال
جلال....ياسين الله يخليك انا مش ناقص انا طايق نفسي بالعافيه
ملك....بالهداوه يا جلال انتوا عارفين ان مراد مش في حالته الطبيعيه
جلال....يعني هو احنا اللي وصلناله لكده ما هو اللي مش ساكت
ياسين....جلاااال متخيبش انت عارف انه معاه حق
جلال.....ما الراجل قاله هو زيد انه هيحلها لزومه ايه كل ده
ياسين.....هو انت شايف الموضوع واقف عند حل المشكله يا جلال الموضوع نفسه مش صغير
جلال....ياسين الله يخليك اعمل اي حاجه وخليني معاك انا لو كملت مع مراد وهو كده هيحصل مصېبه
ياسين....بإبتسامه الوقت عايز تبقي معايا ما كنت الاول مش عايزني
جلال.....انا بتكلم جد يا ياسين قوله انك محتاجني معاك انت وملك
ياسين....بقولك ايه انا لحد مراد خصوصا وهو في الحاله دي الموضوع بره عني
جلال.....يعني بيتبعني يا ياسين بقولك هيحصل كارثه ومش هتحمل انت عارفني
ياسين....مش ببيعك بس لو روحت لابوك ذات نفسه مش هيعملك حاجه فا عدي ليلتك دي وخليك معاه اليومين دول علي الاول اخد ما امير يرجع من السفر والامور تتحل ويبقي وقتها ربنا يحلها
ملك.....حاول تسايسه يا جلال وعديها علي خير معلش اديك شايف الجو متوتر ازاي وبعدين يا جماعه احنا لازم نهدي الجو شويه علي الاقل عشان خاطر فيروز
ياسين.....ملك معاها حق يا جلال فيروز مضايقه ومش عايزين نكسر فرحتها
جلال....تمام حاضر ربنا يعديها بس علي خير
فرح....ياسين مجربتش تتصل بامير
ياسين....مبيردش والله يا فرح هو شويه وهتلاقيه رد بس الموضوع لسه سخن
ملك....هيرد ويطمنا ان شاء الله يا فرح المهم عايزين نركز في الشغل اليومين دول الجو العام والتوتر اللي احنا فيه ده ممكن ېخرب حاجه في الشغل تانيه واحنا مش حاسين
ياسين.....اه ياريت احنا مش ناقصين خلوها تعدي علي خير.
علي قد ما اليوم كان بيعدي بسرعه إلا انه كان مضغوط وفي شغل كتير و من كتر شدت اعصاب الكل كانوا حاسين انه بيجري ببطئ.
جلال وفرح كانوا علي اخرهم من طريقه مراد في الشغل كان ضاغط عليهم جدا وخصوصا جلال اللي كان مديله شغل كتير بيحاول يعاقبه بطريقته وفي نفس الوقت مش مدياه لحظه يتنفس فيها عشان ميخرجش من الشركه .
خبط جلال علي مراد ودخل
جلال....مستر مراد انا خلصت الورق اللي قولتلي عليه اتفضل
مراد.....راجعته كويس
جلال....ايوه وكله تمام
مراد....حلو شايف الورق اللي قدامك علي التريزه ده
بص جلال وراه وبعدين بصله
مراد.....زي الشاطر كده تروح تراجعهولي ورقه ورقه
جلال....بتنهيده طيب تمام هروح بس اجيب قهوه قبل ما البريك يخلص
مراد....كلمهم يطلعولك وانت خلص شغلك
جلال.....بس انا محتاج ارتاح حتي لو خمس دقايق دماغي ھتنفجر
مراد....وانا زيي زيك محتاج ارتاح بس مكمل شغل لما تلاقيني واخد بريك ابقي خد علي مكتبك
بصله جلال بتمالك اعصاب فظيع
وراح خد الورق وطلع.
ساب مراد مين ايده القلم وفضل يمشي ايده علي وشه وبعدين مسك موبايله بص فيه ورجع سابه وكمل شغل.
خرج جلال وهو عامل زي البركان اللي هينفجر لمحه سالم من بعيد وراح وراه.
سالم...في ايه يا جلال
جلال....بص انا ضاغط علي نفسي بس لو الوضع فضل كده محدش يلومني لو اڼفجرت
سالم....طب اهدي واقعد كده قولتلك مشي امورك معاه وبلاش تقف تجادل معاه كتير
جلال....انا منطقتش بس اللي مراد بيعمله كتير علي اعصابي يا سالم
سالم....معلش نستحمله هو مضغوط اكتر مننا
جلال.....ربنا يعديها علي خير بقي
سالم....خير يلا كمل شغلك براحه كده بقولك ايه انا نازل تحت شويه تعالي معايا نشرب اي حاجه وتفك شويه
جلال.....ده علي اساس انه رضي قولتله اخد بريك خمس دقايق قالي لا
سالم.....بتنهيده طيب انا هبعتلك حاجه تشربها الوقت وتفكك كده تمام
جلال....تمام يا سالم
بعد شدة اعصاب ويوم طويل اوي الكل علي الساعه سبعه كان خلص شغله ومشيوا وصل جلال علي القصر غير وبسرعه نزل قبل ما مراد يشوفه وخد الموتسيكل بتاعه وطار.
في خلال الساعات دي كان علي وصل اسكندريه علي الضهر وقدر يجيب اصل الحكايه بتاعت شريف وبعدها رجع تاني علي الطريق.
علي الساعه سبعه وصل عاصم علي البويتي صالون بتاع فريده
كانت قاعده في مكتبها ومن الصبح دماغها مشغوله مليكه كانت قاعده بتلعب بالايباد علي الكنبه.
فتح عاصم الباب ودخل
فريده....عاصم تعالي
عاصم.....عاملين ايه يا حبيبي
فريده...بخير الحمد لله
عاصم....لوكا ابه مش هتسلمي علي بابي
بصتله وابتسمت وكملت لعب
فريده....مش هتسأل فيك طول ما هي بتلعب المهم طمني علي فين
عاصم....قالي اجيلك هو خلاص قدامه عشر دقايق ويكون هنا
فريده....طيب قولي حكالك حاجه
عاصم....لا خالص قالي لما اجيلكم واهو زمانه جاي
فريده....طيب تشرب قهوه
عاصم....لا لا مش عايز شارب قهوه كتير
دقايق مرت واخيرا علي وصل
خبط ودخل
فريده.....حمد الله علي السلامه يا علي
علي....الله يسلمك
عاصم....ايه طمني
علي....اشرب طيب مش قادر
فريده.....لحظه اتصلت عليهم وطلبت قهوه ومايه
علي.....بضحك انتوا مالكم قلقانين كده ليه ووشوشكم غريبه
عاصم....اخلص ومتستظرفش انا علي اعصابي
علي......طيب صلوا علي النبي كده
عليه الصلاه والسلام
وللحديث بقيه